E'yo O'beza 29
29
1’Ba ’bani egazu drinia pale kakau ti, ombenini mbazu ’daniri nga i nye mbelekocici, aro eri atizuni yo.
2’Ba onyiru ’diyi ka ezu kakau, ’ba dria ovu ayikosi; te ’ba oazi ’diyini opi nyaria, ’ba yi adri ota yi asia ota ora,
3 #
1 Opi 1:48; Fil 2:22; O’be 10:1; 15:20 ’Ba ondua lepiri fe i atini ovu ayikosi; te ’ba agyi ’bapi oku saaru ’diyi beri adri lonyi eza eza.
4Opini fe anguni pa so e’yo lizasi, te ’ba afa ’ba ti razu ’diyi a’ipiri eri ini fe angu eza’i.
5’Ba ’ba i ma jo ejeliari inzipi lokirisiri eri emba ’be eri ma pa bizu.
6’Ba onziri ma ezata ezaleri alia awi indi, te ’ba onyiruri eri ini ongo ngo ayikosi’i.
7 #
Yob 29:16; Zab 31:7; Isa 35:3, 4; Luk 22:32; Gal 6:1 ’Ba onyiruri ni ’ba alioru ’diyi ma e’yo ma eti ra; te ’ba onziri ovuni e’yo vaza ’diniri be ku.
8’Ba edematararu ’diyi adri aku ti du acisi, te ’ba onduaru ’diyi adri fe aokoni ambi ra.
9’Ba onduarurini agata garia ’ba ondua kokoruri be, aoko nya ’ba ondua kokoruri, azini eri ogu ogu, ovuzu e’yo ’yaasini yo.
10’Ba geri ndapi ari adazu ’diyi yi ’ba e’yo kokoruri ngu onzi, yi nda ’ba kililiruri ma idri dri jazu.
11’Ba ondua kokoruri adri aoko ini ofu dria, te ’ba onduaruri adri ga ini ofuko si, eri i do e’yere.
12Opini bile coria e’yo inzoru eriria, ati’ba erini ’diyi dria nga ovu onzi,
13 #
Mat 5:45
’Ba alioruri adri dri fu ’ba eri inzapiri be; te Yehovani adri yi mile ziiritro ra.
14 #
Zab 72:2
Opi alio ma e’yo lipi e’yo adasiri ma ogunani nga pa so okporu i ’dani,
15Kali pi cota imbatasiri be yi ondua feni, te mva adile kule yaari nga drinza fe i andri dri.
16 #
Zab 37:36
’Ba azi onzi ’yepi ’diyi ka ezu kakau, ezata ezu kakau indi; te ’ba onyiri ’diyi aga yi ndre yini e’deria va.
17 #
O’be 13:24
Mi ma imba mva mini, eri nga ani fe mini ovuzu e’yo ’yaasi; ada, eri nga ayiko fe mi asia.
18 #
1 Sam 3:1; Amo 8:11; Yoh 13:17; Yak 1:25 E’yo ndreza nabini ka ovu yo, ’ba yi adri yi agei teza ceniri ku la, te ’ba azita ma ta mbapiri eri drilebaru.
19’Ba econi ati’bo imbazaru e’yo ’yozasi ku, a’disiku ka tro va ra ti, ngani asi ’ba drinia ku.
20Mi ndre ’ba e’yo ’yopi mbele mbeleri ra ya? ’Ba eco asi ’bazu ’ba ondua kokoruri ma dria aga agu ’diri ma driari ra.
21’Ba ka ati’bo ini ku drimgboru engazu gbu mvaasi, vilerisi eri nga ofu eri ma: karimvaru,
22’Ba aoko beri fe agata gazani engani; ’ba adra beri ma ezata tu.
23 #
Isa 2:11, 12; Mat 23:12; Luk 14:11 Mu ’bani nga eri ’ba ele, te ’ba asi afu kokoruri nga inzita isu ra,
24 #
Lev 5:1
’Ba ti ecipi oguou beri eri ngu ’di i ngulupi onzi; eri eri tritani ra, te oluni e’yoni ku,
25 #
E’do 12:12
’Bani ’ba zuri fe gbagba ’bani, te ’ba i ma asi ’bapi Yehova ma driari nga i pa ra,
26’Ba kakau yi adri asi ndriza nda opi ovu, te e’yo ’bani lizu kililiruri enga Yehova vu.
27’Ba onyiru ’diyi yi ngu ’ba e’yo onzi ’yepiri onzi, te ’ba onziri ngu vini ’ba acipi i kililiruri onzi.
Bible in Lugbara © United Bible Societies, 1966.