E'yo O'beza 26
26
1 #
Zab 12:8
Ekile ozoo si emveru be ’dipi ewu anyani kazuirisirile, kani ozoo ’dipi ewu anya lozurisirile, ’dinile inzita sini ’ba ondua kokoruri ku.
2 #
Kal 23:8
Ekile buruani osale ’dile ’dale ’dolerile, ekile aria eliakoroni salerile, ’dinile trita ’ba trizu e’yo kokoruri rini ’ba dria ku.
3Enyi kali siari akanya amboruri cozu, azini afa ti ombezuri akanya wereri dri, azini kaliri ’ba ondua kokoru ’diyi ma nguku cozu.
4 #
Isa 36:21
Mi omvi e’yo ’ba ondua kokoruri ma ria onduaako erini vusi ku, mi kazu ovuzu erile ku.
5Mi omvi e’yo ’ba ondua kokoruri ma ria onduaako erini vusi, eri kazu ovuzu onduaru i ma ngulupi ma milia ku.
6’Ba ’ba ondua kokoruri ma ti pepi ojioururi li ’ di i ma pa va, eri vini e’yo ewaru mvu.
7’Ba acozaru ’diyi ma pa ’i yi kolokoloru; e’yo o’beza ’ba ondua kokoru ’diyi ma tiliari ovu ’dinile.
8Ekile ’ba oniefi ombepi ci baka oni ’bezuri ma aliarile, ’ba inzita fepi ’ba ondua kokoruri driri ovu ’dinile.
9Ekile ocini ’ba ewani fuleri ma dri solerile, e’yo o’beza ’ba ondua kokoru ma tiliari ovu ’dinile.
10Ekile ’ba osu be ’ba dria ogbipi saarurile, ’ba ’ba ondua kokoruri kani ’ba toko agapi gerisi ’diyi ayupi aziari eri ’dinile.
11 #
2 Pet 2:22
Ekile oce emvipi ogbe ini vurile, ’ba ondua kokoru onduaako erini amvipi dikari ovu ’dinile
12Mi ndre ’ba azini ovupi onduaru i ma ngulupi ma milia ceniri ra ya? ’Ba eco asi ’bazu ’ba ondua kokoruri ma dria aga agu nde ’diri ma driari ra.
13Ovuou kini, Kami geria ci! Kami gbokoa ci!
14Ekile jotileni i ojale afa eciza ini ma driarile, ovuou oja i gbolo ini ma dria ’dini.
15Ovuou su i ma dri nuu otekua; te eri suni i dri i tilia dika ku, ovuni eri ndelerisi.
16Ovuou eri onduaru i ngulupi ma: milia aga ’ba aziri ecopi e’yo omvipi asisilesi ’diyi ra,
17’Ba fipi agata gaza ’ba azinini ma aliari eri ekile ’ba oce agapi geriari ma bi bipirile.
18Ekile ’ba azazaru alaka ad beri pi ’bepi, ’ye pie, drata pierile,
19 #
Efe 5:4
’ba ’ba eri jo ejeliari icipi lokirisi, ’yopi kini, Ma ’do avi avi-ri ovu ’dinile.
20Aci dra ejaakosi; azini ’ba ’ba esupiri ka ovu yo, awatani asi ira.
21 #
2 Sam 20:1
Ekile acikulu eleru ’bale aciolu driarile, ekile eja ad driarile, ’dinile ’ba agata beri fe awata ma enga aciru.
22 #
Eze 22:9
’Ba asu supi oyokolosiri ma e’yo ’yoza yi ekile omutibi aluzarurile; yi fi kpere ’ba ma asia alialeru.
23 #
Luk 22:48
Tile aluzaru asi onzi beri si ekile imvu sile odrisi ’bani trile a’dusirile.
24’Ba ’ba ngupi onziri eri ’ba ici i tilesi, te eri lokiri ma ta mba i asia;
25eri ka tro e’yo ’yo alaru ti, mi ma a’i eri ku, a’disiku afa onzikanyaru aziri yi eri ma asia ci;
26nguta erini ka i a’bu ci lokirisi ti, e’yo onzi eriniri nga i e’da mgboru okuza amboru ma milia ndo.
27 #
Esi 7:10
’Ba awe gapiri nga e’de alenia i’i; te ’ba ka oni ogu ra, oni nde nga emvi be eri dria.
28 #
O’be 13:6
Tile inzo lipiri ngu ’ba ini candi fezu yi dri ’diyi onzi; ti ’ba inzipi lokirisiriniri dri jaza ’yeni.
Bible in Lugbara © United Bible Societies, 1966.