E'yo O'beza 19
19
1 #
O’be 28:6
’Ba alioru acipi e’yo kililiru iniri ma aliari ovu onyiru aga ’ba e’yo ’yopi ambosi ovupi ondua kokoreri ra.
2 #
Hos 4:6; Yoh 16:3; Rum 10:2 Asi ’banini ovuzu nita kokoruri ovuni onyiru ku; ’ba ngiri ngiri ’yepi pasiri aba ra.
3 #
Zab 37:7
Onduaako ’baniri ka geri ini eza ra eri asi aokoni ’ba Yehova ma ruaa.
4Lonyini agu o’ba kakau, te alioni ’ba pi ma esele co agyi be ra.
5 #
Efu 23:1
’Ba e’yo eti nzepi inzosiri ngani ece panga onzi isukokoru ku, azini ’ba inzo lipiri ngani eco apazaru ku.
6’Ba kakau aci asi ndriza nda ’ba afa fepi turi dri, azini ’ba dria yi ovu agyiru ’ba afa feza fepi turi be.
7’Ba alioru ma adripi yi eri ngu onzi dria; ka’dini agapiri agyi erini ngani yi ere eri ageiarisi ziri aga ra ku ya! Eri bi yi ma vuti e’yo ’yoza be de isu yi yo.
8’Ba ondua isupiri i ma ngulupini le’i; ’ba e’yo vaza ma ta mbapiri nga onyi isu.
9 #
Dan 6:24
’Ba e’yo eti nzepi inzosiri ngani ece panga onzi isukokoru ku, azini ’ba inzo lipiri nga dri ja ra.
10 #
Ekl 10:6
Adrizu afa onyiru nyazu etuzuri sini ’ba ondua kokoruri ku; ka’dini agapiri, sini ’ba ati’boruri opianzi ma dri cezu ku.
11 #
O’be 25:21; Mat 5:44; Rum 12:19; Efe 4:32 E’yo vaza ’bani fe ’ba nde ma ’ba aoko mbele ku; erini ezata ’bani kuzuri inzita fe eri drini.
12Aoko opiniri si ekile kami awule, te asi ndriza erini ovu ekile andrali ase driarile.
13Mva ondua kokoruri ovu candi amboru tu i ma ati dri, azini awata okuni awaleri ovu ekile ozoo oyipi ’danirile.
14 #
2 Kor 12:14; O’be 18:22 ’Ba yi jo pi a’i awurusoru lonyi be atapi dri, te oku ’yepi egatasiri eri afa Yehovani feleri’i.
15Ovuni fe ’bani o’du kozu dikilidiini, azini abirini nga ’ba enza beri fu fu.
16 #
Luk 10:28; Rum 2:7 ’Ba azita ma ta mbapiri eri ’di i ma idri ma ta mba, te ’ba i ma geri ma e’yo egapi kuri nga dra ra.
17 #
O’be 14:21; Ekl 11:1; 2 Kor 9:6 ’Ba yiki ’bapi ’ba alioru vuri eri ’di mari fe Yehova dri, te eri nga ’yeta onyiru ’ba nderiniri ofe ra.
18Mi co mva mini imbatasi de nga asi teza indi, te mi ’ba mi asi dri jaza erini ma dria ku.
19’Ba aoko ’bapi turi nga panga isu raja’disiku mi ka eri ari ra ti, mi ma ari eri etu azinisi dika.
20Mi eri e’yo amaza, mi a’i vini imbata, mi ma ovu ani onduaru ewu drilerisi.
21 #
E’do 37:19, 20; Esi 9:25; Ekl 7:29; Isa 14:26; Ebra 6:17 Egata ndu ndu kakau ovu ’ba: ma asia, te e’yo Yehovani otuleniri nga pa soni.
22’Ba nga ’ba le yiki ’ba nderini vusi, azini ’ba alioruri aga ’ba inzo lipiri onyisi ra.
23 #
1 Tim 4:8
Ruta ’bani Yehovani ruzuri ’ba dri fe idri vualeru, azini ’ba ovupi rota nde beri nga o’a e’yo ’yaasi ’dani; e’yo onzi ngani eca vunia ku.
24Ovuou su i ma dri otekuaa, te eri leni i dri enze omvi i tilia dika ku.
25Mi co ’ba ’ba edepiri, ’ba ondua kokoruri nga e’yo vaza oni ani, mi ega ’ba e’yo vaza beri ma dria, eri nga di nita ma e’yo va ra.
26’Ba i ma atini ’yepi eganasi, vini i ma andrini dropi rari eri mva drinza ejipi o’data fepiri’i.
27 #
Mat 7:15; Mar 4:24; Yoh 10:5; Efe 4:14; 1 Tim 4:6 Mva mani, mi ku imbata erizu raka mini vini ngazu mi gbuzu e’yo nitani be ndu ndori ja.
28’Ba e’yo eti nzepi saaruri eri e’yo liza ’ba aparakaru, azini ’ba onziri ma tileni e’yo onzi ki pi.
29Ede e’yo liza ngonde ’ba ’ba edepi ede ’diyi dri, ede vini cota ’ba ondua koko ’diyi ma nguku cozu indio
Bible in Lugbara © United Bible Societies, 1966.