E'yo O'beza 18
18
1’Ba i pepi kalaari eri e’yo i asini leleri nda, eri agata ga okporu ondua kililirurisi dria.
2’Ba ondua kokoruri ovuni ayikosi e’yo vazasi ku, le kiri asi ini ma e’da i.
3’Ba onziri ka emu ra, edematarani emu alu indi; azini afa drinzaruri be o’daza ’ba o’dazuri emu alu indi.
4 #
Zab 78:2
E’yo efupi ’ba ma tilea ’diyi yi ovu yi alirule; yi a’di onduaniri eri yi rapi rarile.
5 #
Lev 19:15; Azi 1:17; Yob 13:7, 8; O’be 24:23 ’Ba onzi a’izu avasiri ovuni onyiru ku, azini vini ’ba kililiruri ma e’yo ojazu kalaa e’yo liza ma aliari ovuni onyiru ku indi.
6’Ba ondua kokoruri ma tini agata ejini, tile eriniri cota omveni.
7’Ba ondua kokoruri ma tiri dri jaza ini, tile ini ovu emba i ma ngulupi mbazuri’i.
8’Ba asu supi oyokolosiri ma e’yo ’yoza yi ekile omutibi aluzaru ’diyile, yi fi kpere ’ba ma asia alialeru.
9Ada ’ba azi ngapi ovusiri ovu ’ba ’ba dri japiri adripiru.
10 #
2 Sam 22:3, 51; Zab 18:2 Yehova ma ru ovu kali abi okporurile; ’ba kililiruri nzu alenia, pa i ani.
11’Ba afa e’iru ma lonyi ovu aku ini okporurile, azini ekile abi kaliru izururile i ngulupi ma milia.
12De nga ’ba jani dri ku, asi ’bani ovu afuru, te asi e’yereni inzita ejini.
13’Ba ka e’yo omvi de nga erini e’yoni ku, eri onduaakoru azini drinzaru eri dri.
14Azo ruanisi asi ’bani eco tezaru ’ ra, te asi ka i nyoni, a’dini nga ovu asi teza benini ya?
15 #
Efe 1:17
’Ba e’yo egapi e’yo vazasiri ma asini nita isuni, azini ’ba onduaruri ma bileni nita ndani.
16 #
E’do 39:2-6; 41:14, 38-44; Dan 1:17-20; 6:3 Afa feza ’baniri fe ’bani pari isuni, eri vini eri ji ’ba ambo ambo ’diyi ma milia.
17’Ba i ma e’yo ma eti nzepi okori e’da i ’ba kililirurile, cazu ’ba azinini emuria e’yo ma eti oziria.
18Odrisi fe agatani i de ra, eri e’yo li ’ba okporu ’diyi ma eselia.
19Adripi ’bani ezale vuniari ’ba i asi okporu aga aku okporuri ra; awata ’dinile ’diyi si ekile pati okporu jo okporu ma tilia ’diyile.
20’Ba ma ale nga tra efi kaza i ma tiliarisi; eri nga tra fudri i ma tile ma ’yazasi.
21 #
Mat 12:37
Dra pi idri be ovu okpo andreniri ma palaa, azini ’ba eri lepi ’diyi nga efi kaza erini nya’i.
22’Ba oku isupiri isu afa onyiruni, eri asi ndriza engapi Yehova vuri a’i’i.
23 #
E’do 42:13-16; Yak 2:3 Alioni candi ’ba tu, te afa e’ini e’yoni omvi asi okasi.
24 #
Yoh 15:14, 15 ’Ba agu o’bapi turi eri ’di ’ye dri jata ejizu i ma ngulupi ma ruaa, te agyi azini i ebipi ’ba ruaa aga adrini rari indio
Bible in Lugbara © United Bible Societies, 1966.