E'yo O'beza 15
15
1Omvita ’bani e’yo omvizu e’yereri aoko oja ra, te e’yo ’yoza okporuri fe aokoni engani.
2Andre ’ba onduarurini e’yo nitani ’yo kilili, te ’ba ondua kokoru ma tileni onduaako osu’i.
3 #
2 Sur 16:9; Yob 34:21; O’be 5:21; Yer 16:17; Zek 4:10; Ebra 4:13 Yehova ma mileni ovu pari dri dria, onzi pi ndrezu onyi be.
4Andre alaruri eri pati idriniri’i, te ti mba ambosiri eri ’ba asi nyo nyo,
5’Ba ondua kokoruri i ati ma imbata ede ede, te ’ba imbata ’bani egazu i ma driari eripiri, eri e’yo vaza isuni,
6’Ba onyiruri ma joa lonyi tu, te orodri ’ba azi onzi ’yepirini ovu candini,
7’Ba onduaru ’diyi ma tileni e’yo nitani ereni, te ’ba ondua kokoru ’diyi ma asi ’yeni ’dini ku.
8 #
Isa 61:8; Yer 6:20; Amo 5:22; Luk 18:11 Edeta ’ba onzirini edeleri ovu afa Yehovani nguleonzirii, te zita ’ba kililirurini ovu ayiko erini.
9 #
O’be 21:21; Isa 51:1, 7; 1 Tim 6:11 ’Ba onziri ma geri ovu afa Yehovani ngule onziri’i, te eri le ’ba onyi ma vuti bipiri avasi.
10Cota imbatasi okporuri ’ba geri ’ kupi rari dri; te ’ba imbata ’bani egazu driniari lepi kuri nga dra ra.
11 #
Yoh 2:24; ’Yeta 1:24 Pari ’ba drazaniri pi Abadoni be e’da Yehova ma milia ce; ka’dini anzi ’bani ma asi e’dani ’dini aga ra ku ya?
12’Ba ’ba edepi edemarasiri leni ’ba ma ega eri ma dria ku; eri ngani mu ’ba onduaru ’diyi vuku.
13Asi ayikoruri mile ayikoruri fe, te candi asiari fe asini i nye ra.
14’Ba e’yo vaza beri ma asini nita ndru’i, te ’ba ondua kokoru ’diyi ma tileni onduaako nya nyakaru’i.
15’Ba inzale inza ’diyi ma o’du ovu dria onzi, te ’ba asi ayikoru beri ma e’yo ovu ekile ovuzu omu nyaza be ’danirile.
16 #
O’be 16:8; Ekl 4:6; 1 Tim 6:6 ’Bani adrizu afa were be te ruta Yehovani ruzu indiri eri ba aga ovuzu lonyi amboru be te de candi alenia ciri ra,
17Tibi iniri nyazu letani ovuzu ciri eri ba aga ti za osoru nyazu anguonzi beri ra.
18’Ba aoko beri fe agatani engani, te ’ba aoko ’bapi mbele kuri fe awatani i deni.
19Ovuou ma geri si i ekile kali oci berile, te geri ’ba kililiru ’diyini ovu gboko of ale amborurile.
20Mva onduaruri ayiko fe i ati drini, te ’ba ondua kokoruri i andrini ’ba aparakaru.
21 #
Efe 5:15
Onduaako ovu ayikoru ’ba ondua kokoruri dri, te ’ba e’yo vaza beri, eri ini aci kililiru.
22E’yo amaza akosi e’yo ’bani otule ’diyi ’yeni yi ku, te ’ba e’yo amapi ’diyi ka ovu o’biru e’yo nde ’diyi nga yi ’ye ra.
23Aguni ovu ayikosi e’yo omviza i ma tilenirisi; e’yo ’yole etu ’yekeriari onyiru tu’doni!
24 #
Fil 3:20
’Ba onduaruri dri geri idriniri tu uruleru, eri ma ona i Pari ’ba drazani elerisi ani.
25Yehovani nga ’ba afu beri ma jo anzu ra, te eri nga awuzio ma lokiri fe ovuzu ’ dani.
26’Ba onzi ma asisile eri afa Yehovani ngule onziri, te e’yo a1aru ’yozuri ayiko fe eri drini.
27 #
Yos 6:18; 1 Sam 8:3; O’be 1:19; Isa 5:8; Zek 5:3 ’Ba rugburu afa okupi tuni iniruri eri candi omvi ’ba i vile akua ’diyi ma dria, te ’ba afa fele ’ba ti razu ’diyi ngupiri nga adri idriruni,
28 #
1 Pet 3:15
’Ba onyiruri ma asini e’yo erini ngale omvileri ega raka, te ’ba onziri ma tileni afa onziri osuni.
29 #
Efe 2:12; Zab 34:15, 16; Yoh 9:31; Rum 8:26 Yehova ovu ’ba onzi ’diyi be ziri, te eri ’ba onyiruri ma zita eri ra.
30Mile alani ayiko fe ’ba asiani, azini e’yo kuza onyiruri fe ’ba ma falani ovuzu oso be yi ma alia ci.
31’Ba bile be imbata idriniri ma e’yo eripiri nga adri ’dani ’ba onduaru ’diyi ma eselia.
32’Ba asi omiza gapi siri ngu i ma ngulupi onzi, te ’ba imbata ’bani egazu i ma driari eripiri, eri e’yo vaza isu ra.
33Ruta Yehovani ruzuri eri imbata onduaniri, azini ovuzu e’yereri eri ’ba dri inzita feni,
Bible in Lugbara © United Bible Societies, 1966.