E'yo O'beza 14
14
1 #
Rut 4:11; O’be 24:3, 4 Oku onduaru ’diyi dria si yi ma jo ra, te oku ondua kokoruri anzu eri va i ma ngulupi ma drisi.
2 #
Yob 12:4
’Ba acipi kililiru e’yo ini ma aliari eri Yehovani runi, te ’ba ’yepi ambosi geri iniari eri Yehovani ’ba aparakaruni.
3 #
O’be 12:6
’Ba ondua kokoruri ma tilia kali afuniri indi, te ’ba onduaru ’diyi ma tini nga yi ta mba ra.
4Pari tini ovuzu yoria lico ovu alaru; te ranya ma okposi nyakani ka tu.
5 #
Efu 20:16
’Ba e’yo eti nzepi adaruri lini inzo ku, te ’ba e’yo eti nzepi inzosiri eri ini inzo ’yo ’i.
6 #
O’be 17:24
’Ba ’ba edepiri ondua nda ti, te nita ovu ewa kokoru ’ba e’yo vaza beri dri.
7Mi fu ’ba ondua kokoruri ma miliasi; mi ngani tile nitaniri ama eri ma alia ku.
8 #
Luk 12:20; 1 Kor 3:19 ’Ba ’yepi egatasiri ma onduari geri ini nizu, te onduaako ’ba ondua kokoru ’diyiniri lokirini.
9 #
O’be 1:22
’Ba ondua kokoru ’diyi yi e’yo aliru ’ba ndepiri ’ba aparakaru, te ’ba kililiru ’diyi ma eselia asi ndriza ci.
10Asi ’bani ni candi ini ra, azini ani’bo ngani fi ayiko erini ma alia ku.
11 #
Yob 8:15; O’be 3:33 Yi nga ’ba onzi ’diyi ma jo ogu va, te ’ba kililiruri ma hema nga pa so onyiru.
12 #
O’be 16:25; Rum 6:21 Geri indi ovupi onyiru ’ba ma miliari, te asizaniri geri dratani.
13 #
Ekl 2:2
Ka oguta oguza ma alia ti, asi ’bani ovu candisi, azini ayiko ma asizari asi nzizani.
14 #
O’be 12:14; 2 Kor 1:12; Fil 4:7 ’Ba asipi vile asi ini ma aliari nga ga tre geri inirisi, te ’ba onyiruri nga tra e’yo ini ’yele i’irisi.
15’Ba ondua kokoruri e’yo dria ’bani ’yole ’diyi a’i a’i, te ’ba ’yepi egatasiri nga geri ini lu e’yere.
16 #
O’be 22:3
’Ba onduaruri ovu urisi, nga i ona e’yo onzisi ona ona, te ’ba ondua kokoruri e’yo ’ye ambosi, uri kokoru.
17’Ba aoko ’bapi mbele mbeleri nga e’yo ’ye ondua kokoru, azini ngu ’ba e’yo onzi otupiri onzi.
18’Ba e’yo vaza kokoruri nga onduaako a’i awurusoru, te ’ba ’yepi egatasiri nga nita isu oku ndrizarurile.
19’Ba onzi ’diyi nga avu va ’ba onyiru ma drilia inzitasi, azini ’ba e’yo onzi ’yepi ’diyi nga avu va ’ba kililiru ’diyi ma kalitilea.
20 #
O’be 19:7
Ka te tro yi ’ba eri ma aku ejelea ’diyi ti, yi ngu ’ba alioru onzi, te’ba afae’iruovuagyi bekakau.
21 #
Zab 41:1
’Ba eri agyini ’bapi edematararuri eza ra, te ’ba yiki ’bapi ’ba alioru vuri eri drilebaru.
22’Ba e’yo onzi otupi ’diyi yi abani ku ya? Te ’ba nga yiki pi fe ’ba e’yo onyiru otupi ’diyi dri e’yo ada be.
23Azi dria ma alia orodri indi, te e’yo ’yole tisi tokori eri ’ba ji kiri alio vu a’dule.
24Oku ndrizaru sule ’ba onduaru ’diyi ma driari eri ondua yini, te onyiafa ’ba ondua kokoru ’diyiniri eri onduaakoni.
25’Ba e’yo eti nzepi adaruri eri ’ba opa, te ’ba a’bu ’bupiri fe icimadrini efuni.
26Ruta ’bani Yehovani ruzuri ma alia asi teza okporuri indi, azini anzi erini yi nga ovu pari yini yi ta mbazu aleniari be.
27 #
O’be 13:14
Ruta Yehovani ruzuri eri yi a’di idriniri, ’ba kazu ’dezu emba drani ma alia ku.
28Diza opini ovu ’ba o’biru erini ’diyi, te opimvani nga dri ja ra ’bani ovule yorisi.
29 #
O’be 15:18; Mat 11:29; 1 Kor 13:4, 5; Yak 1:19 ’Ba aoko ’bapi mbele kuri ovu e’yo vaza be tu, te ’ba aokoni engazu asinia hauri eri e’yo ondua kokoruri ’ba uru.
30 #
Yob 5:2; Zab 112:10; ’Yeta 7:9; Rum 1:29; Yak 4:5 Asi anzururi eri idri ruaniri’i, te a’yari eri e’yo falani mazuri’i.
31 #
Yob 31:15, 16; Ekl 5:8; O’be 17:5; 22:2; Mat 25:40; 1 Yoh 3:17 ’Ba ’ba alioru inzapiri o’da Mungu eri ’Bapiri, te ’ba yiki ’bapi ’ba afa kokoru vuri fe Mungu dri inzitani.
32 #
Yob 13:15; Zab 23:4; 2 Kor 1:9; 2 Tim 4:18 Yi ’be ’ba onziri va e’yo onzi erini ma alia, te ’ba onyiruri ovu e’yo teza be erini draria.
33Onduani te ’ba ovupi e’yo vaza beri ma asia, te afa ovupi ’ba ondua kokoru ’diyi ma asi aliari adri e’ca
34Onyini suru ’ba uru, te e’yo onzi ovu drinzaru suru dri dria.
35 #
Mat 24:45-47
Asi ndriza opini ovu ati’bo ’yepi onduasiri vu, te aoko erini nga ovu ’ba drinza fepiri ma ruaa.
Bible in Lugbara © United Bible Societies, 1966.