Yosua 24
24
Yosuani e’yo azizu yi kuzuri
1 #
E’do 12:6; 33:18, 19; Lip 9:1-3; 1 Opi 12:1; Efu 18:25; Yos 23:2; 1 Sam 10:10; ’Yeta 10:33 Yosua nga di suru ’ba Israelini oku dria Sekemua ’daa, omve ’ba deza ’ba Israelini, ’ba ’wara pie, ’ba e’yo lipi ’diyi pie, ’ba yi dri cepi ’diyi be, yi nga mu yi ecezu Mungu drilia. 2#E’do 11:26, 27; 12:1; Azi 26:5; Isa 51:2; E’do 31:53Yosua ’yo di ’ba dria ma tia kini, Yehova Mungu Israeliniri e’yo ’dini kini, Andra drio emi a’bipi ovu Yi Ara ma tia ’aa’dasi, Tera Iburahimu ma ati Nahori be; yi nga ndra azi adrou toko ’diyi dri.
3 #
E’do 12:1-9; 21:1-3; ’Yeta 7:2, 3; Zab 127:3 Ma ’du ndra emi a’bi Iburahimuni. Yi Ara nderi tia ’aa’dasirisi, eri dri cezu acizu angu Kananini ma alesi dria, ori erini ezuzu kakau. Ma fe ndra Isakani eri dri indi; 4#E’do 25:24-26; 36:8; 46:1-7; Azi 2:5; ’Yeta 17:26Isaka dri ma nga Yakobo pi fe Esau be. Esau dri ma nga oni Seirini fe ’duzu eriniru, te Yakobo pi anzipi be yi si Misiria. 5#Efu 3:10; 7:1–12:42Ma nga di Musa pi ma ti pe Aroni be, ma nga Misiri inza ’yeta mani ’yele eselenia ’diyi vusi; te vilerisi ma nga ani emi ofu ndo. 6#Efu 14:1-31; Efu 12:37, 51; Mik 6:4; Neh 9:11; Zab 77:15-20; 78:13; Isa 63:12, 13; ’Yeta 7:36; Ebra 11:29Ma ofu emi a’bipi Misiriasi ra, emi eca ani miri tia; te ’ba Misiria ’diyi nga emi a’bipi ma vuti dro ongusi gari ombani pisi ’ba nzupi akanya dria ’diyi be, kpere Miri Ekarua. 7Yini-owuria o’duko urusi Yehova vu, eri nga angu biza ’ba emi eselia ’ba Misiria ’diyi be ci, nga vini miri eji yi ma dria yi a’buzu; emi mile ndre e’yo mani ’yele ndra Misiria ’diyi ra; emi ovu vini angu roko driaria o’du kakau. 8#Kal 21:21-35; Azi 2:32; 3:1Ma nga vini emi ji angu ’ba Amorini ovupi Yoridani tia ’aa’dasi ’diyiniria; yi nga a’di ’di emi be, te ma fe ndra yi emi dria, emi nga ani angu yini ’du ra, ma ja vini yi dri emi miliasi ra. 9#Lip 11:25; Kal 22:5Balaki Zipori mvi opi Moabuari nga di enga omba ’bazu ’ba Israelini be; nga vini ojiou ma ti pe Balamu Beori mvini omvezu emi trizu, 10#Azi 23:5; Kal 23:11te ma ga ndra Balamuni eriko si; e’yo ’disi eri fe asi ndriza emi dri; ma opa emi ’dini eri ma driarisi ra. 11#Yos 4:14-17; 6:1-21Emi nga Yoridanini zo cazu Yerikoa; ’dale ’ba Yerikoa ’diyi pi nga omba ’ba emi be, ’ba Amorini pie, ’ba Perizini pie, ’ba Kananini pie, ’ba Hitini pie, ’ba Girigasini pie, ’ba Hivini pie, ’ba Yebusini pie dria; te ma nga yi fe dria emi dria. 12#Efu 23:28; Azi 7:20; Zab 44:3, 6Ma nga dirili ma ti pe emi drilia, ’ba odrozu emi driliasi ra, ’ba nde yi opi iri ’ba Amorini ’diyi; te ovuni sei eminisi ku, kani osu eminisi ku indi. 13#Azi 6:10-11; 8:7; Yos 11:13; O’be 13:22Ma fe ndra emi dri angu emi inzazu ani kuri, aku ambo ambo emini sile emi’i ku ’diyi, emini ovuzu alenia ’di; emi vini amvu zabibuni azini mizeituni emini sale ku
’diyi ma efi nya ’di.
14 #
Azi 10:12; 1 Sam 12:24; Yob 1:1; ’Yeta 9:31; E’do 17:1; 20:5; Azi 18:13; Zab 119:1; 2 Kor 1:12; Efe 6:24; Lev 17:7; Eze 20:7 E’yo ’disi curu’do emi ma ru di Yehovani, azi ngazu eri dri emi asi lokiri kokorusi, azini e ’yo adasi; emi o’be di adrou toko toko emi a’bipini ndra azi ngale yi dri Yi Ara ma tia ’aa’dasi, azini Misiria ’diyi amve fo, emi ma nga azi Yehovani’i. 15#Efu 23:24; Azi 13:7; Lip 6:10; E’do 18:19Te emi ka ega kini azi ngazu Yehova driri onzi, ’yeke, emi pe di o’du andru ’dorisi kani eminga azi nga a’di dri ya? kani adrou emi a’bipini ndra azi ngazu yi dri Yi Ara ma tia ’aa’dasi ’diyi, kani adrou ’ba Amorini emini ovuzu angu yinia ’diyini; te ma’iruni ’ba ma joa’diyi be, ama nga azi nga Yehova dri. 16’Ba yi nga di e’yo omvi, ’yo ra, Mungu ma oga ama amani Yehova kuzu si fo, amani azi ngazu adrou toko ’diyi dri; 17a’disiku Yehova Mungu amaniri eri’i onze ndra ama ama a’bipi be engazu angu Misiriniasi, engazu jo amani ndra ovuzu ati’baruriarisi, ’ye ndra vini eceta amboru ama milia ’dayini, mba ama ta geri dria amani muzu ani ’diyisi, azini suru dria amani agazu yi ma eselia ’diyi dri indi; 18te Yehova odro suru dria engazu ama driliarisi ra, ’ba Amorini ovupi ndra angu ’di ma alia ’diyi; e’yo ’disi ama nga azi nga Yehova dri, erini ovule Mungu; amanirisi.
19 #
Rut 1:15; Mat 6:24; Luk 14:25-33; Lev 19:2; 1 Sam 6:20; Zab 99:5-9; Isa 5:16; Efu 23:21; Isa 27:11 Yosua nga vini ’yo ’ba ’diyi ma tia, Emi econi azi nga Yehova dri ku; erini ovule Mungu alatararurisi; eri Mungu a’yaru; eri ngani te ezata emini wu e’yo onzi emini ’diyi be ku. 20#Yos 23:12-15; 2 Sur 15:2; Ezr 8:22; Isa 1:28; 63:10; Yer 17:13; Ebra 10:26-28; ’Yeta 7:42Emini ngaria Yehovani kuria azi ngazu adrou ani’bo vile ’diyi dri, eri nga i oja afa onzi ’yezu emi vu, emi dri jazu onyi erini ’yele emi vuri ma vutia. 21Te ’ba ’diyi nga ’yo Yosua tia kini, ’Dini yo; ama nga azi nga Yehova dri ra. 22#Zab 119:173Yosua nga di ’yo ’ba ’diyi ma tia, Emi nze e’yo eti emi ngulupi ma dria ’bo, kini emi pe emini Yehovani, azi ngazu eri dri’i. Yi nga di a’i ra kini, Ama ’ba e’yo eti nzepi ’diyi ada. 23#E’do 35:2; 1 Sam 7:3Eri nga ’yo ra, Ka’dini emi ma onze adrou ani’boru ovupi emi vile ’diyi ra fa, azini emi oja emi asi Yehova Mungu Israeliniri vu. 24Ka’dini ’ba nde ’diyi nga di ’yo Yosua ma tia kini, Ama nga azi nga Yehova Mungu amaniri dri, azini ama nga bile co o’duko erini vu indi, 25#Efu 15:25; 2 Opi 11:17’Dini Yosua azi aziza ’ba nde pie o’du ’dasi, si azita yi dri, azi e’yoni indi Sekemua ’daa. 26#Azi 31:24; Lip 9:6; E’do 28:18; Yos 4:3Yosua nga di e’yo ’diyi si buku azita Mungunirini ma alia; ’du ani amboru indi, i’di eri ’daa kumara pati pari alatararu Yehovaniri ageiari ma etia. 27#E’do 31:48; Azi 31:19; 32:1Te Yosua ’yo ’ba dria tia kini, Emi lu, oni ’diri nga ovu e’yo eti nzepiri ama ruaa; a’disiku eri eri e’yo Yehovani ’yole ama tia ’diyi ra; e’yo ’disi eri di nga ovu e’yo eti nzezu emi ruaa, emi kazu Mungu emini gazu ku. 28’Dinile Yosua nga di geri fe ’ba ’diyi dri, ’ba dria alu aluni emvizu awuruso ini vu.
Yosuani drazuri
29Eri nga eca afa ’diyi ma vutia ’dini, Yosua Nuni mvi ati’bo Yehovaniri nga dra ra, erini ovuria eli be turu alu drini mudri. 30#Yos 19:49-50; Lip 2:9Te yi nga eri sa angu erini erini ’dule awurusoru ’Timinati-seraaria, eri ovu angu oni ruaa Efiraimua oni Gaasi ma kala andraleruri vualeru. 31#Lip 2:7Te ’ba Israelini nga azi Yehova dri o’du Yosuani ma alia dria, azini o’du ’ba ’wara ovupi Yosua ma vutia, azi dria Yehovani erini ngale Israeli dri ’diyi nipi ra ’diyinia dria.
Yusufu ma fala sazu Sekemuari
32 #
E’do 33:19; 50:24-25; Efu 13:19; Yoh 4:5; ’Yeta 7:16 Te fala Yusufuni anzi Israelini ’diyini ejile engazu Misiria ’diyi yi sa Sekemua, angu liza nde Yakoboni jele ndra anzi Hamori Sekemu ati vile ’diyi dri silingi turu alusiri’i; angu nde nga ani i oja awuruso anzi Yusufu vile ’diyiniru.
Eleazarini drazuri
33 #
Efu 6:25; Lip 20:28 Eleazari Aroni mvi dra ra; yi sa eri oni mvi erini Finehasi vile, ndra ovupi fezaru eri dri angu oni ruaa Efiraimuaria.
Currently Selected:
Yosua 24: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
