Yosua 17

1 # E’do 41:51; 48:18; 50:23; Azi 3:15 Te angu suru Manaseni isule awurusoruri eri bani ’di; erini ndra ovule Yusufu ma mva okori’irisi. Makiri Manase mvi okori, Gileadi ati’i, erini ovule ndra ’ba ombaunirisi, e’yo ’disi Gileadi pi Basani be yi erini. 2#Kal 26:29-32; 1 Sur 7:18Te angu anzi Manaseni ma joloko driri ovu enyati yini vusi: Abiezeri anzipi piyi, Heleki anzipi pie, Asirieli anzipi pie, Sekemu anzipi pie, Heferi anzipi pie, Semida anzipi pie; ’diyi dria anzi agupiru Manase Yusufu mvini enyati yini vusi. 3#Kal 26:33; 27:1; 36:2Te Zelofehadi Heferi mvi, mvi Gileadini, mvi Makirini, mvi Manaseni ovu ndra agupianzi kokoru, te ezoanzi a’dule; ezoanzi erini ’diyi ma ru ’dini: Mala pi, Noa pi, Hogila pi, Milika pi, Tiriza pie. 4#Kal 27:1-7; Yos 14:1Yi si inyia atalau Eleazari pi ma drilia, Yosua Nuni mvi pie, opianzi ’diyi pie, ’yozu kini, Yehova azi ndra Musa ma tia angu fezu awurusoru ama dri adripi amani ma eselia indio E’yo ’disi ekile aziza Yehovani azilerile, eri fe yi dri awuruso yi ati ma adripi ma eselia indi. 5Te ere esele azini mudri Manase dri, angu Gileadi pini Basani be Yoridania ’aa’dasiri ma aziru; 6#Kal 26:29; 32:39, 41Manase ma ezoanzini awuruso a’ile agupianzi erini ’diyi ma eselia indirisi. Te angu Gileadini ovu ani anzi Manaseni ma joloko dri esele yiniru.

7Esele Manaseni ovu ndra engazu Aseriasi cazu Mikimetati ovupi Sekemu ma driliaria; esele nde ma lokiri fu mu dri ndiriasi kpere ’ba ovupi Eni-tapuaa ’diyi vu. 8#Yos 12:17; 15:34Angu Tapuaari Manase nyani, te Tapua nde ma adani Manase ma kalatiari anzi Efiraimuni nyani. 9#Yos 16:8, 9Lokiri nde si kpere yi ara Kanaria, kalati yi ndeni uruleruria: aku ambo ambo ’diyi ovu Efiraimuni aku Manaseni ’diyi ma eselia. Te angu Manaseni ma lokiri ovu ndra yi ara nde ma tia andraleru, asizaniri fu mu asi miri tia; 10uruleru ndra Efiraimu nyani, te andraleru ndra Manase nyani, te miri ovu lokiri yini; yi ca kpere Aseria andraleru, azini Isakaria etuni efurialeru. 11#Yos 16:9; 1 Sur 7:29; 1 Sam 31:10; 1 Opi 4:12Angu Manaseni nyale angu Isakari pini ma alia Aseri be ’diyi yi ’di, Beti-seani pi aku ambo ambo erini be, Ibileamu pi aku ambo ambo erini be, ’ba ovupi Doria ’diyi pi aku ambo ambo erini be, ’ba ovupi Eni-doria ’diyi pi aku ambo ambo erini be, ’ba ovupi Taanakia ’diyi pi aku ambo ambo erini be, ’ba ovupi Megidoa ’diyi pi aku ambo ambo erini be, ada oni na ’diyi dria. 12#Lip 1:27-28; Efu 23:29-33; Kal 33:52Te Manase anzipi yi econi ndra angu e’ipi aku ’diyini drozaru ku; te ’ba Kananini le ndra ovu angu nde ma alia ’daa. 13#Yos 16:10Te eri eca ’dini, ’ba Israelini yini okpo isuzu ’borisi, yi nga fe ’ba Kananini azi ngazu yi dri ati’baru, te drozaruni, droni yi teke tekeku.

14 # Yos 16:4; E’do 48:22; 48:19; Kal 26:34, 37 Vilerisi Yusufu anzipi nga ’yo Yosua tia kini, Mi ’be amani odrisi paleko alu, angu esele fezu ama dri awuruso amaniru kiri alu a’dule a’disi ya, ama’i de vini ama o’biru tu, Yehovani asi ndriza fele ama dri kpere curu’dorisi? 15Yosua nga di ’yo yi tia, Emi ka ovu ’ba o’biruni, emi tu di pari oce be ’diyia, emi ma ga oce nde emi dri emi ma isu pari emini ovuzu ’ba Perizini piyi ma angua ’ba Refaimuni ’diyi be beni, oni Efiraimuni ka ovu iziaru, ka dri fu emini kuria. 16#Lip 1:19; 4:3; Yos 19:18; Lip 6:33; 1 Opi 4:12; 18:46Yusufu anzipi ’yo ani ra, Angu oni driari funi dri ama dri ku; te ’ba Kananini dria ovupi angu senderua ’diyi ovu gari ombani ayaru ’diyi be, ’ba ovupi a’bu Beti-seani alia aku ambo ambo erini be ’diyi, ’ba ovupi a’bu Yezireelinia ’diyi be iritro. 17Yosua nga di ’yo suru Yusufuni ma tia, ada, Efiraimu pi ma tia Manase be, kini, Emi ’ba o’biruni, emi okpo be ambo i ada; emi ngani ovu kiri angu esele alu be ku, 18#Azi 20:1; Yos 11:4-6; 13:6; Rum 8:31; Ebra 13:6te angu oni driari nga ovu eminiru, ka tro eri oceru ti, emi nga eri ga ra, kalati erini asizuri nga ovu emini; emini ngale ’ba Kananini, drolerisi, yi ka tro adri gari ombani ayaru ’diyi be ti, ka tro yi ovu vini okpo be ti.

Currently Selected:

Yosua 17: LB66

Highlight

Copy

Compare