Yosua 16

Angu fele Efiraimu pi dri Manase beri

1 # Kal 33:45 Te angu Yusufu anzipini isule awurusoruri enga Yoridaniarisi Yerikoa ’daa, yi Yerikoni ma tiasi kala etuni efurialeru, ada angu rokoru ma alia, eri tu engazu Yerikoasi agazu angu oni eseliari ma alesi cazu Beteli vu; 2#E’do 28:19; Yos 18:13; Lip 1:26Eri fu engazu Beteliasi cazu Luzia, aga ’ba Arikini ma kalasi kpere Atarotia; 3#Yos 18:13; 21:22; 2 Sur 8:5; 1 Sur 7:28; 1 Opi 9:15si vini andra etuni ’derialeru angu ’ba Yafiletiniri ma kalatisi kpere Beti-horoni eleri ma kalatia, adani kpere Gezeria; asizaniri fu mu asi miria.

4 # Yos 17:14 Te anzi Yusufuni, Manase pi Efiraimu be, bi di yi ma awuruso ra. 5#Yos 18:13; 2 Sur 8:5Anzi Efiraimuni ma angu ma esele enyati yini vusiri ovu ’dinile: angu yini awurusoruri ma kalati etuni efurialeruri ovu Ataroti-ada,ri’i, kpere Beti-horoni uruleruri vu 6#Yos 17:7esele nde ma lokiri fu etuni ’ derialeru kpere Mikimetatia angu andraleruria; ago i vini eca etuni efurialeru kpere Taanati-siloa, aga tiniarisi geri Yanoa ma kala etuni efurialeruria; 7#1 Sur 7:28engazu Yanoasi si va cazu Atarotia, azini Naaraa, cazu kpere Yerikoa, nga fu mu asi Yoridania. 8#Yos 17:9; 19:28Engazu Tapuasi angu esele nde ma lokiri fu etuni ’derialeru, ca kpere yi ara Kanaria; asizaniri fu mu asi miria. Suru anzi Efiraimunini ma awuruso enyati yini vusiri eri ’eli, 9tualu aku ambo ambo ndra esele cole anzi Efiraimuni dri, awuruso anzi Manase vile ’diyini ma eselia agadua ’eliyi be, aku amboru dria alu alu aku nyiri nyiri yini ’diyi be. 10#Lip 1:29; Yos 15:63; 1 Opi 9:16, 20, 21; E’do 9:25; Yos 17:12, 13Te yi droni ’ba Kananini ovupi Gezeria ’diyi ku: te ’ba Kananini awu adri ’dani Efiraimu ma eselia kpere o’du curu’dorisi, oja eli yi ati’baru azi okporu ngazu.

Currently Selected:

Yosua 16: LB66

Highlight

Copy

Compare