Hosea 10
10
1Israelini ovu zabibu pati rapi turi, eri ’ya efi ra.
Efi ’yaza erini karakarau vusi eri ere pari ini edeta edezu ’diyi;
onyi angu inirini vusi
yi i’di i’diapati inzile inzi ’diyi onyiru.
2Yi ovu ’ba asi iri be ’diyi; e’yo lizani nga di yi nde curu’do. Eri nga pari yini edeta edezu ’diyi anzu ra, eri nga i’diapati yini ’diyi eza ra.
3Adaru, curu’do yi nga ’yo ra: Opi amboru amani yo, amani Yehovani rule kurisi; Opi eco te ama dri a’di ’yezaru ya?
4Yi e’yo toko toko ’yo; yi oyo so inzoru aziza azizu; ’dinile e’yo lizani nga enga ekile avaefi drazaru engapi amvu aliarile.
5 #
1 Opi 12:28; 2 Opi 10:29; 2 Sur 11:15; Hos 8:5, 6 ’Ba ovupi Samariaa ’diyi nga ovu urisi kojamva Beti-aveniarisi. ’Ba ovupi ’dale ’diyi nga awu wu erisi, atalau edeta edepi ’dale ndra ovupi ayikosi erisi ’diyi be, eri ma dizani avile rarisi.
6 #
Hos 5:13
’Ba nga eri ’du ji troa Asuriaa, afa fezale opi Yarebu dri. Efiraimuni nga drinza isu, te Israelini nga ovu drinzasi e’yo ndra yini amalerisi.
7Te e’yo Samariani, ’ba nze opi eriniri ra ekile o’buruso yi driarile.
8 #
Azi 9:21; Luk 23:30; Eceza 6:16 Pari uruleru Avenia ovupi Israeli ma e’yo onziru ’diyi nga ovu ezazaru. Oci ndrandra be yi nga enga pari yini edeta edezu ’diyi ma dria; azini yi nga ’yo oni amboru ma tia, Emi a’bu ama ci, azini oni were ’diyi ma tia, Emi o’de ama dria.
9 #
Lip 19:1-30
Israeli la, mi eza ’dani e’dozu ndra ewu mini ovuzu Gibeaarisi; yi pa so alenia ’ dani. Omba ’dile anzi azi onzini beri, eri ngani yi aga Gibeaa ku ya?
10 #
Azi 28:63; 1 Opi 14:16; Amo 8:14 Ma ka nga le ra, ma nga panga fe yi dri; azini ’ba nga yi oku tualu omba dizu yi be, ’bani ngaria yi o’iria ezata yini iri ’diyisi.
11Te Efiraimu ovu ekile tikari ovupi imbazarurile lepi anya tupirile, te ma aga eri ma ombele ndrizaruri ma driasi; eri ma nga ’ba ’ba tuzu Efiraimu ma ngukua, Yudani nga amvu ’ya, Yakoboni nga ini o’diti coni.
12 #
O’be 11:18; Ekl 11:6; Isa 32:20; Yak 3:18; Yer 4:3 Emi ri ori emi ngulupi dri onyisi, emi ma lo asi ndriza vusi; emi ma ’ya amvu auceru, a’disiku eri curu’do o’du Yehovani ndazriu, de nga eri emuni ozoo onyini ’dizu emi dria ku.
13 #
Yob 4:8; O’be 22:8; Hos 8:7 Emi fa azi onzi ra, emi lo e’yo onzi ’bo, emi nya efi inzo lizaniri ’bo. Mini ovule a’itasi geri miniri ma aliarisi azini ’ba ongulumuru mini okpo be ombaa ’diyi ma aliarisi,
14 #
2 Opi 18:34
e’yo ’disi iyikiyi nga enga ’ba mini ma eselia, azini ’ba nga aku okporu mini eza dria, ekile Salimanini Beti-aribelini ezale o’du ombani ma aliarile; ’ba o’be ndra andri piyi anzi yini be kaikai.
15Betelini nga ’ye emi dri ’dinile e’yo onzi mini amborurisi. Anguni atiria o’bitisi yi nga opi Israelini do ja kai ra.
Bible in Lugbara © United Bible Societies, 1966.