Hosea 9
9
Panga onzi fezu Israeli dri yini Mungu kule dika dikarisi
1Mi ma ovu nyonasi ku, Israeli la,
ayiko be, ekile suru azini ’diyile; a’disikuniri, mini ali ’bale, mini Mungu miniri kuzurisi; mini ali ali ’bazuri lele akuma anya cozuri ma driasi driarisi.
2Akuma azini pari patiefi su nzizuri ngani nyaka fe yi ’dri ku, te patiefi ma su o’diru ngani dri fu eri dri ku.
3 #
Lev 18:25; Azi 4:26, 27; Hos 11:5; Eze 4:13 Yi ngani adri angu Yehovani ma alia ku; te Efiraimuni nga mvi Misiria, azini yi nga nyaka alata kokoru nya Asuriaa ra.
4 #
Azi 26:14
Yi ngani patiefi ma su osu Yehova dri ku; edeta yini ngani ovu eri dri ayikoru ku. Edeta yini nga ovu yi dri ekile nyaka ’bani nyale dra tiarile; ’ba dria ngapi nyaka nde nyapi ’diyi nga ovu alatara kokoru; a’disiku nyaka yini nga ovu kiri abiri yini dezu; eri ngani eca jo Yehovania ku.
5Emi nga a’di ’ye o’du okuza alatararuni ma alia, azini o’du omu Yehovaniria ya?
6Te mi ne, yi apa pari dri jazuriasi ’bo; te Misirini nga yi okuni, Memufisini nga yi osani. Onyiafa yini dahaburu ’diyi, aukau nga yi pani; oci yi nga du hema yini ma alia.
7 #
Luk 21:22
O’du Munguni yi andrizuri eca ’bo, o’du aroti ofezuri eca ’bo indi; Israelini nga e’yo nde ni ra. Nabi ovu ondua kokoru, ’ba orindi beri ovu azazaru, e’yo onzi mini ’yele kakau ’diyi ma e’yosi, ngutani ovule amborurisi.
8Efiraimu eri ovu ’ba angu tepi Mungu mani beri’i; te nabi dri yi o’ba ese ’ba aria o’bapirini geri erinia dria, azini nguta indi Mungu eriniri ma joa.
9 #
Lip 19:1-30
Yi eza yi tu ekile ndra 0’du Gibeanisirile: eri nga e’yo onzi yini ega, eri nga yi andri e’yo onzi yinisi,
10 #
Azi 32:10; Kal 25:1-5 Ekile pati zabibuni asearile, ma isu Israeli. Ekile elio pati kapi oko eli erini okori ma aliarile, ma ndre a’bipi emini. Te yi emu Baali-peoria, yi fe yi afa drinzaru nde vu ceni, yi oja yi onzikanyaru ekile afa nde yini lelerile.
11Te Efiraimu ma dizani nga avi ariani salerilete anzi osiza ngani ovu ku, oku aluni ovu mva be alia ku, anzi tiza dika yo!
12 #
Azi 31:17; 1 Sam 28:15; Hos 5:6 Yi ka yini anzi ezo ra ti, ma nga yi o’du drasi, ’ba aluni ngani ace ku. Ada, drileonzi yi dri indi ma ka nga yi ku ra!
13Yi sa Efiraimuni pari onyiruria, ekile mani Turoni ndrelerile; te Efiraimuni nga anzi ini ofu fe ’ba ’ba fupiri dri.
14 #
Luk 23:29
Mi fe afa yi dri, Yehova lami nga yi dri a’di afa fe ya? Mi fe yi dri opojo mva a’bepi a’beri pi ba su kokoru ’diyi be.
15Onzi yini dria ovu Giligalia; pari ’daa ma ngu yi ra. A’disiku e’yo onzi yini ’yelerisi ma nga yi dro jo maniasi amve. Ma ngani yi le dika ku; te opianzi yini ’diyi yi dria ovu ’ba e’yo gapi si ’diyi.
16Co Efiraimuni ’bo, yi ma ola ’wi ra, yi ngani efi ’ya ku. Yi ka osi ra ti, ma nga efi kaza nde yi ma opojoni, yini leleri, fu ra.
17 #
2 Opi 17:18
Mungu mani nga yi o’be amve, yini eri ma ti erile kurisi; yi nga ovu erezaru ovuzu ’ba dri icipi suru ma eselia ’diyiru.
Bible in Lugbara © United Bible Societies, 1966.