E’doza 34

Ali ’baza Dinasiri ma arioti ofezuri

1 # E’do 30:21; Tit 2:5 Te Dina, Lea zi erini tile Yakobo driri, fu mu ezoanzi ’ba angu e’ipini ’diyi andrizu. 2#E’do 6:2; Lip 14:1Sekemu Hamori ’ba Hivini ma mvi ndre eri ra; eri nga eri bi ra, la erisi, nga drinza fe eri dri. 3#Isa 40:2; Hos 2:14Te asi erini ebi i Dina Yakobo zi vu, eri le zamva nde tu, nga e’yo ’yo zamva nde be asi ndrizasi. 4#Lip 14:2Sekemu nga ’yo ati Hamori ma tia kini, Mi je zamva ’diri ma dri okuru fo! 5Yakobo nga di eri kini eri eza zamva ini ’bo; isu anzi erini de anyapa erini oceria asea, te Yakobo ’yoni e’yo azini ku, de nga anzi nde emvini ku. 6Hamori Sekemu ati fu mu Yakobo vu ti ecizu eri be. 7#E’do 49:7; 2 Sam 13:12, 21; Yos 7:15; Lip 20:6; Azi 23:17Anzi Yakoboni nga emvi ibizu engazu asearisi, ka e’yo nde eri ’boria; ’ba nde ’diyi ovu di candisi tu erini e’yo azazaru ’yele Israeli ma! eselia, erini lale Yakobo zisirisi; ’di e’yo lele ’ba ma ’ye kuri’i.

8Hamori nga ti eci yi be, kini, Zamva emini ma ava va ma mvi Sekemuni tu; ma zi emi tia, emi ma fe eri ma je eri okuru fo! 9#Efu 23:32Ama je ama emi be asala asala; emi ma fe ezoanzi emini je ama dri, emi ma je ezoanzi amani emi dri indio 10#E’do 13:9; 20:15; 42:34; 47:27Emi nga ovu ama be; anguri emi drilia va ’di; emi ma ovu alenia, ama ozi afa alenia, emi ma isu lonyi indi alenia. 11Sekemu nga ’yo zamva nde ma ati pi ma tia adripi be, Emi ma ovu asi ndrizasi ma vu fo, te afa emini a’ile ma driri ma nga fe ra. 12#Efu 22:16; Azi 22:29; 1 Sam 18:25Emi ka tro anyapa zi ma tia afa feza be karakarau ti, ma nga fe ekile emini ’yole ma tiarile; te di emi fe zamva ’diri ma dri okuru fo!

13 # 2 Sam 13:24 Anzi Yakoboni nga e’yo omvi sekemu pi ma tia ati Hamori be lokirisi, nga e’yo ’yo ’dini erini yi ma amvipi Dinani ezalerisi. 14#Yos 5:9Yi nga ’yo yi tia kini, Ama econi e’yo ’diri ’yezaru ku, amani ama amvini fele ’ba agele lile kuri dri; e’yo ’diri te nga ovu ama dri drinzaru. 15Ama ceo te a’i emi dri e’yo alu ’disi: emi ka nga ovu amale, agupi dria emi eselia ’diyi ka nga agele li raria; 16Ka’dini ama di nga ezoanzi amani fe je emi dri, ama nga di ezoanzi emini je amaniru, ama nga ovu emi be, ama nga fu suru aluru. 17Te ka ku, emi ka e’yo amani ’diri a’i ku, emini agele lizu, ka’dini ama nga zamva amani ’du mvizu eri be ra.

18E’yo ’diri fe ayiko Hamori pi dri Sekemu Hamori mvi be. 19#1 Sur 4:9Karilau nde teni e’yo ’diri ’yezu ku, Yakobo zi ma avani eri vale turisi. Isu de eri ’ba inzizani aga ’ba dria ati vile joa ’diyi ra. 20#2 Sam 15:2; Rut 4:1Hamori pi mvi Sekemu be nga ca aku yini ma kalitilea, nga ti eci ’ba aku yinia ’diyi be, kiai, 21’Ba nde ’diyi ovu ama be asi anzurusi; e’yo ’disi emi ma a’i yi ma ovu angu ’dori ma alia, ma ozi yi ma afa alenia, te emi ndre, anguniri walaru ca yisi ra; ama ma je ezoanzi yini ama dri okuru, ama ma fe ezoanzi amani je yi dri indio 22’Ba nde ’diyi nga e’yo a’i ama dri ovuzu ama eselia ecazu suru aluru lu e’yo ’disi: agupi dria ama eselia ’diyi ka nga agele liza a’i yini yi ile rarile raria. 23Ti yini piyi, lonyi yini pie, anyapa yini be dria ngani efu ovu afa amaniru ku ya? Kiri ama ma a’i e’yo yini’i, yi nga ovu ama eselia beni. 24#E’do 23:10’Ba dria efupi aku yini ma kalitilea ’diyi a’i e’yo Hamori pini mvi Sekemu beri ra; agupi dria nga agele li, ’ba dria efupi aku yini ma kalitilea ’diyi,

25 # E’do 49:5-7 Te eri nga eca ’dini o’du narisi, yi ma ruani nga ovuria azoruria, anzi Yakoboni iri, Simeoni pi Levi be, yi Dina ma adripi, yi alu alu nga sei yini o’du, nga emu aku ndea oguru ndi, nga ’ba agupiru ofu dria., 26Yi ofu Hamori pi mvi Sekemu be seisi, nga Dinani pa Sekemu ma joarisi, nga fu ra. 27Anzi Yakoboni nga emu vini ’ba ofule ’bo ’diyi ma avu ma dria, nga aku nde ma afa opa ra, yini yi ma amvini ezalerisi; 28yi nga anyapa yini o’biru ’diyi opara, nyiri ’diyi pi ’wara ’diyi be, akanya pie, afa ovupi akua ’diyi pie, afa ovupi asea ’diyi pie; 29lonyi yini pie dria, yi nga anzi yini nyiri nyiri ’diyi pi obi ati’baru oku yini pie, nga yi ma afa opa ra, ada aja joa ’diyi pie dria. 30#E’do 49:6; Yos 7:25; Efu 5:21; 1 Sam 13:4; Azi 4:27; Zab 105:12Yakobo nga ’yo Sioconi pi ma tia Levi be, Emi fe candi ma dri ’bo, fezu ma aji dizu onzikanyaru ba angu e’ipi ’diyi ma eselia, ada ’ba Kanani piyi ma eselia ’ba Perizini be; ma ’ini, ’ba mani yi were, te yi nga yi oku tualu omba ’dizu ma be, yi nga ma ’di ra, ’dini ma nga dri ja ma’i ’ba ma vile joa ’diyi be dria ra, 31Te yi nga ’yo ra, Eri ma ’ye ama amvi vu ekile oku saaru vurile ya?

Currently Selected:

E’doza 34: LB66

Highlight

Compare

Copy