E’doza 35

Munguni asi ndriza Jezu Yakobo dri Beteliari

1 # E’do 28:11-17, 19; 27:43; 28:13 Mungu nga ’yo Yakobo ma tia, Mi nga, mi mu Betelia, mi ovu, ’dale; mi ede pari edeta edezuri Mungu i e’dapi mi vu mini aparia mi adripi Esau ma miliarisiri dri ’dale. 2#E’do 31:19; Yos 24:15; 1 Sam 7:3; Efu 19:10Yakobo nga di ’yo ’ba ovupi eri ma joa ’diyi ma tia, ’ba dria ovupi eri be ’diyi be, kini, Emi wu adrou ’ba jururu ’ciiyini ovupi emi eselia ’diyi, emi o’be yi ziri, emi ’ba emi alatararu, emi osu bongo andini’i; 3#E’do 32:7, 24; Zab 107:6; E’do 28:20; 31:3, 42ama ma nga, tu Betelia, ma nga pari edeta edezuri ede ’dale Mungu ndra e’yo omvipi ma tia o’du mani ovuzu candisirisi, ndra ovupi ma be indi geri mani muzuriari dri. 4#Hos 2:13; Yos 24:26Yi nga ani adrou ’ba jururu ’diyini ovupi yi ma dria ’diyi pi fe dria Yakobo dri, nzia yi ma bia ’diyi be; Yakobo nga afa nde ozi kumara pati Sekemuari ma etia. 5#Efu 15:16; 23:37; Azi 11:25; Yos 2:9; 5:1; 2 Sur 14:14Yi nga aci ra; te uri amboru te ri nga aku yi ma ageia ’diyi obi, yi droni ani anzi Yakoboni ma vuti ku beni. 6#E’do 28:22’Dini Yakobo nga eca Luzi ovupi angu Kananini ma aliaria (pari nde Beteli’i), eri’i ’ba dria ovupi eri be ’diyi be. 7#Ekl 5:4; E’do 28:13Eri nga pari edeta edezuri ede ’dale, nga runi ’da Elibeteli’i, a’disiku Mungu e’da ndra i eri vu ’dale, erini aparia adripi ma miliarisiria. 8#E’do 24:59Debora Rebeka ma endriaruri dra ’dale, yi nga eri ma avu sa Beteli ma etia andraleru, kumara ma etia; yi nga runi ’da Aloni-bakuti’i.

9 # Hos 12:4 Mungu nga i e’da dika Yakobo vu, erini emuria Padani-aramuasi ’boria, nga asi ndriza fe eri dri. 10#E’do 17:5; 32:28Mungu nga ’yo eri tia, Mi ru Yakobo’i dika ku; ngani mi omve Yakobo’i ku, te yi nga mi ru ’da Israeli’i. Omve eri ma ru Israeli’i ani. 11#E’do 17:4-8; 48:3, 4; Efu 6:3Mungu nga ’yo eri tia, Ma Mungu Okpoe’ini; mi ma ka efi tu, mi ma ezu kakau; suru pi nga efu mi ma alia suru ongulumuru ’diyi be, ’ba opiru ’diyi nga efu mi ma opilia, 12#E’do 12:7; 13:15; 28:13; Efu 32:13Te ma nga angu ndra mani fele Iburahimu pi dri Isaka beri fe mi dri, ma nga angu nde fe ori mini mi vutia ’diyi dri indi. 13#E’do 17:22Mungu nga tu uru eri vurisi, pari erini te e’yo ’yozu eri beria. 14#E’do 28:18-19Yakobo nga ani afa i’diza i’di piriru pari erini e’yo ’yozu eri beria, adani i’di oni piriru; eri osu edeta edele afa mvuzasiri drinia, nga odu osu drinia indio 15Yakobo nga pari Munguni e’yo ’yozu eri beri ma ru ’da Beteli’i.

Drata Rakelini

16Yi nga aci yini e’do Beteliasi; isu aci ace izu cazu Efiratia, mvaazo nga Rakelini e’du, te ositani ewaru tu. 17#E’do 30:24Te eri nga eca ’dini erini mva osiria ewaru, oku azani kopiri nga ’yo tinia, Mi ru ku; mi agimva azini osi ’di. 18Te eri nga eca ’dini, eri ma orindini ’yeria furia (a’disiku dra ra), eri nga runi ’da Benoni’i; te ati ’da runi Benyamini’i. 19#E’do 48:7; Rut 1:2; 4:11; Mik 5:2; Mat 2:6Rakeli dra di ra nga avuni sa geri muzu Efiratiaria (pari nde Betelehemu’i). 20#1 Sam 10:2Yakobo nga oni i’di piriru nyadri erini ma dria; oni piriru Rakeli ma nyadri driari eri indi kpere andru. 21#Mik 4:8Israeli nga ad ’dani, nga hema ini aso jo izuru Ederiari ma tia ’aa’dasi.

Anzi Yakoboni

22 # E’do 49:4; 1 Sur 5:1 Te eri nga eca ’dini, Israeli ka ovu angu nde ’dari ma alia, Rubeni nga mu la Bila i ati ma oku ati’borurisi; Israeli nga e’yoni eri ra. Isu anzi Yakoboni yi mudri drini iri. 23#E’do 46:8; Efu 1:2Anzi Leani: Rubeni Yakobo ma mvi okori pi, Simeoni pi, Levi pi, Yuda pi, Isakari pi, Zebuluni pie. 24Anzi Rakelini: Yusufu pi Benyamini be. 25Anzi Bila Rakeli vile zamva ati’borurini: Dani pi Nafutali be. 26Anzi Zilipa Lea vile zamva ati’borurini: Gadi pi Aseri be. ’Diyi anzi Yakoboni otile Padani-aramua ’diyi.

Drata Isakani

27 # E’do 13:18; Yos 14:15 Yakobo nga eca i ati Isaka vu Mamirea, kpere Kiriati-aribaa (pari nde Hebironi’i), pari ndra Iburahimu pini ovuzu ani’baru Isaka beri’i. 28Ewu Isakani driari eca eli turu alu kali aro. 29#Ekl 12:7; E’do 15:15; 25:8, 9; 49:31Isaka ma orindi nga fu ra, eri dra ra, nga mu ’ba erini drapi ’bo ’diyi vu, de eri dezaru eli be tre; anzi erini Esau pi Yakobo be nga eri sani.

Currently Selected:

E’doza 35: LB66

Highlight

Compare

Copy