Efuza 20

Azita Munguni mudri ’diyi

1 # Azi 5:22 Mungu ’yo e’yo ’diyi dria kini, 2#Lev 26:1; Azi 5:6; Zab 81:10; Hos 13:4; Efu 13:3Ma Yehova Mungu mini,mi ofupi angu Misirinia, jo ati’baniasiri’i.

3 # Azi 6:14; 2 Opi 17:35; Yer 25:6 Mi ma ovu Mungu azini be ku, kiri ma’i.

4 # Efu 34:17; Lev 19:4; 26:1; Azi 4:15-18; 27:15 Mi ede mi dri wura inzile inziri ku, kani wura i sipi afa ’bua ururi ’berile, kani afa va nyakua, kani afa yi nyaku etiari ma aliari’i ti; 5#Efu 34:6-7; Kal 14:18; Azi 7:9-10; Yos 23:7; 24:19; 2 Opi 17:35; Isa 44:15; Nah 1:2; Isa 14:20; Yer 2:9; Eze 18:19mi osi mi kumuti yi drilia ku, mi nga azi i yini ku; a’disiku ma Yehova Mungu miniri, ma Mungu a’yaruri, ma atapi ma e’yo onzi ofe yi ma anzi ma ruaa ’ba ma ngupi onzi ’diyi dri kpere a’bianzi nari kani suri vu, 6#Zab 89:34; Rum 11:28; Azi 7:9te ma asi ndriza ece ’ba ma lepi azita mani ma ta mbapi ’diyi dri kpere cazu alifu alifu.

7 # Lev 19:12; Zab 15:4; Mat 5:33; Mik 6:11 Mi co Yehova Mungu mini ma ru toko toko ku; a’disiku Yehova ngani ’ba eri ru copi toko tokori ku pirini e’yo kokoru ku.

8 # Efu 16:23-30; 31:12-14; Azi 5:12 Mi ega o’du sabatoni ma e’yo, tani mbazu alaru. 9#Efu 23:12; 31:15; 34:21; 35:2; Lev 23:3; Luk 13:14Mi ma nga azi i mini o’du azia, mi ma ’ye azi mini dria; 10#E’do 2:2; Neh 13:16te o’du aziriri ovu sabato Yehova Mungu miniri dri; o’du nderisi mi ma nga azi aluni ku, mi’i, mi mvi pie, mi zi pie, ati’bo mini agupiruri pie, ati’bo mini zanaruri pie, anyapa mini pie, ani’bo ovupi aku miniari pie dria; 11#E’do 2:1-3; Efu 31:17a’disiku o’du aziasi Yehova ’ba ndra ’bu pi nyaku be, miri pi afa alenia ’diyi be dria, te o’du aziririsi Yehova li ndra avani; e’yo ’disi Yehova ’ba ndra asi ndriza o’du sabatoniri ma dria, eri ’ba eri alaru.

12 # Azi 5:16; 27:16; Yer 35:7, 8; Mat 15:4; 19:19; Mar 7:10; 10:19; Luk 18:20; Efe 6:2-3; Lev 19:3 Mi inzi mi ati pi mi andri be, ewu mini ma ovu ani izu angu Yehova Mungu minirini fele mi driri ma alia.

13 # E’do 9:6; Lev 24:17; Mat 5:21; 19:18; Mar 10:19; Luk 18:20; Rum 13:9; Yak 2:11 Mi ’di ’ba ku.

14 # Lev 20:10; Mat 5:27; 19:18; Mar 10:19; Luk 18:20; Rum 13:9; Yak 2:11 Mi ’ba ali ku.

15 # Lev 19:11; 1 Tes 4:6; Mat 19:18; Mar 10:19; Luk 18:20; Rum 13:9 Mi ogu afa ku.

16 # Efu 23:1; Mat 19:18; Mar 10:19; Luk 18:20 Mi eza ’ba azini ma ru inzosi ku.

17 # Rum 7:7; 13:9; Mik 2:2; Efe 5:3; O’be 6:29; Mat 5:28 Mi ’ba li ’ba azini ma josi ku; mi ’ba li ’ba azini ma okusi ku, ati’bo erini agupiruri pie, ati’bo erini zanaruri pie, ti erini pie, akanya erini pie, kani afa ngoni ’ba azinini ovuzu yi be ’diyi ti.

’Bani ’yezu urisiri

18 # Ebra 12:18-19 Te ’ba nde dria yi ne angu onoza, ovi ogaza pie, o’duko gukani pie, acika fupi oni driari pie; te ’ba nde ka e’yo ’diyi ne ra, yi rua ya ya, yi oso pa re. 19#Gal 3:19Yi ’yo Musa tia, Mi ’yo e’yo ama be mi’i, ama nga eri ra; te Mungu ma ’yo ama beni ku, ama kazu odrazu ku. 20#E’do 22:1; O’be 3:7Te Musa ’yo ’ba nde ’diyi ma tia, Emi ovu urisi ku; a’disiku Mungu eca emi o’bizuni, ruta erini ma ovu emi milia, emi ma ’ye e’yo onzi ku beni.

21Te ’ba ongulumuru yi so pa re, te Musa eri si ogogo angu asepi iniciciru Munguni ovuzuria. 22Te Yehova ’yo Musa tia, Mi ’yo ’dini anzi Israelini tia: Emi ma ngulupi ne ra ma ’yo te e’yo emi be ’bo de ma ’bualeru. 23Emi ’ba Mungu azini ovuzu ma be tualu ku; kani Mungu edele dahabusi ’diyi, kani Mungu edele melesi ’diyi, emi ma ede yi emi dri ku. 24#2 Sur 6:6; E’do 12:2Emi ma ede pari edeta edezuri ma dri nyakusi, emi ma fe drinia afa veza edetaru mini ’diyi, azini edeta asi anzuruni mini ’diyi, kabilo piyi ti mini be; pari dria mani fezu ’ba ma ega ru mani aleniaria ma nga emu mi vu, ma nga asi ndriza fe mi dri. 25#Azi 27:5-7; Yos 8:31Mi ka pari edeta edezuri ede ma dri onisi, mi ede eri oni gale garisi ku; a’disiku mi ka aya ’ba eri ruaa, de mi eza eri ’di. 26Mi ma tu uru pari edeta edezu ma driria oni otiza ma driasi ku, ’ba kazu rua pililiru miniri nezu drinia ku.

Currently Selected:

Efuza 20: LB66

Highlight

Copy

Compare