Efuza 19
19
Israelini ovuzu oni Sinaiari
1Mba na anzi Israelini yini efuzu anga Misiriasi ’bori ma eselia, o’du nderisi yi ca roko Sinaiaria. 2Yini engaria Refi-dimua ’boria, ka ca roko Sinaiaria ’bo, yi aso hema yini roko dria; ’dale Israeli adri oni nderi ma drilia. 3#’Yeta 7:38Te Musa nga di tu Mungu vu, te Yehova omve eri oni alia o’dukosi ’yozu, Mi ma ’yo ’dini suru Yakoboni tia, mi olu e’yo anzi Israelini ’diyi ma tia indi: 4#Azi 32:11; Isa 63:9; Eceza 12:14Emi ne e’yo mani ’yele ’ba Misiria ’diyi ma ruaari ra, mani emi ’duzu uru aji opilesi, emi ejizu ma ngulupi vuri. 5#Azi 4:20; 7:6; 10:14; 14:2; 26:18; 32:8; 1 Opi 8:53; Zab 50:12; 135:4; Tit 2:14; 1 Kor 10:26Ka’dini curu’do emi ka e’yo ma tiari inzi ada, emi ka aziza mani ma ta mba, ka ’dini emi nga ovu ma ngulupi ma afaru engazu suru dria ma eselia; a’disiku nyaku dria ovu mani, 6#Eceza 1:6; 5:10; 20:6; 1 Pet 2:5, 9; Lev 20:24; Azi 7:6; Isa 62:12; 1 Tes 5:27emi nga adri ma dri suru atalau edeta edepi ’diyiniru, azini suru alatararuri. E’yo mini ngale ’yole anzi Israelini tia yi ’diyi.
7Musa emu ’ba ’wara ’ba nde ’diyini omve, eri ece e’yo dria Yehovani azile eri dri ’diyi yi drilia. 8#Efu 24:3, 7; Azi 26:17’Ba nde dria omvi e’yo tualu kini, Ama nga e’yo dria Yehovani ’yoleri ’ye ra. Te Musa nga di e’yo dria ’ba nde ’diyini ’yoleri ece Yehova tia. 9#Azi 4:11, 12; Zab 97:2; Mat 17:5; Yoh 12:29Te Yehova ’yo Musa tia, Mi ne, ma nga emu mi vu iriti asepi iniciciri, ma alia, ’dini ’ba nde ma eri mani e’yo ’yoria mi be, ma a’i mi ani ’dani ’dani beni. Musa ece Yehova tia e’yo ’ba nde ’diyini ’yoleri. 10#Ebra 10:22; Lev 15:5Yehova ’yo Musa tia, Mi mu ’ba nde ’diyi vu, mi ’ba yi alaru andru azini dru, yi ma oji bongo yini, 11#Efu 34:5; Azi 33:2ma ovu ngonde o’du narisi; a’disiku o’du na nderisi Yehovani nga esi va oni Sinai ma dria ’ba nde ma milia dria. 12#Ebra 12:18-20Mi ma ede lokiri ’ba nde dri kala vusi kuru kuru, kini, Emi te emi agei, emi kazu tuzu oni dria ku, kani oni ma kala elozu ku; ’ba oni elopiri yi nga eri fu ada; 13dri aluni ngani ’ba nderi elo ku, te adaru yi nga eri o’be onisi kani ca ’yesi; kani anyapani kani ’bani, eri ngani ovu idriru ku. Guka ka owu izu, yi ma esi oni vu ogogo. 14Musa esi oni driarisi ’ba nde ’diyi vu va, eri ’ba yi alaru; yi i oji bongo yini indi. 15#1 Kor 7:5Eri ’yo ’ba nde ’diyi tia, Emi ede emi ngonde o’du nari tezu; emi mu ogogo oku vu ku.
16 #
Eceza 4:5
Eri eca ’dini o’du na nderi ma o’bitisi, angu onoza piyi ovi ogaza be, iriti asepi iniciciri be oni dria, o’duko gukani okporu turi be; ’ba dria ovupi pari yini hema asozuria, ’diyi ma rua ya ya. 17#Azi 4:10Musa nga ’ba ’diyi ofu pari yini hema asozuriasi muzu yi isuzu Mungu be; te yi so pa oni etia. 18#Lip 5:5; Zab 68:7, 8; 2 Sur 7:1; E’do 15:17; Eceza 15:8; Yer 4:24Acika enga oni Sinai dria dria, Yehovani esile va eri dria aci aliarisi; te acika nderi nga ru uru ekile ci drole amboruri ma acikale, oni nderi dria nga ya ya okporu. 19#Neh 9:13; Zab 81:7O’duko gukani ka wu i erezu okporu dika dika, Musani e’yo ’yo, Munguni e’yo omvi tinia o’dukosi. 20Te Yehova nga esi oni Sinai ma dria kpere drini mbiliria; Yehova nga Musani omve tuzu oni dri mbiliria; Musa tu ra. 21#1 Sam 6:19Yehova nga ’yo, Musa tia, Mi si va, mi azi e’yo ’ba nde ’diyi dri, yi kazu lokiri agazu Yehovani nizu milesi birri ku, yi ma azi kazu odrazu kakau ani ku. 22#Lev 10:3; 2 Sam 6:7Mi fe ’ba edeta edepi osipi ogogo Mungu vu ’diyi ma ’ba yi alaru indi, Yehova kazu e’dezu yi ma dria adrasi ku. 23Te Musa nga ’yo Yehova tia, ’Ba nde econi tuzu oni Sinai dria ku; mini azita fele ama dri ’borisi kini, Mi osi lokiri oni ageia, mi ’ba eri alaru. 24Yehova nga ’yo eri tia, Mi mu, mi si va, mi nga eru uru, emi Aroni be tualu; te ’ba edeta edepi ’diyi ’ba nde be yi ma anyo lokiri agazu tuzu Yehova vu ku, eri kazu e’dezu yi ma dria adrasi ku. 25Ka’dini Musa nga si va ’ba nde vu, olu yi tia ra.
Currently Selected:
Efuza 19: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.