Azita Amvizu 3

Israelini Ogi Basaniari agazu ombasiri

1Vutinia ama oja ama muzu uru geri Basaniarisi; te Ogi opi Basaniari efu ama vu omba ’bazu, eri’i ’ba erini pie dria, omba ’bazu Edreia. 2#Kal 21:24Te Yehova ’yo ma tia, Mi ma ’ye urisi eri ma e’yosi ku; a’disiku ma fe eri mi dria ’bo, ’ba erini ’diyi pie dria, angu erini pie; te mi nga eri ’ye ekile mini Sihoni opi Amorini ovupi Hesiboniari ’yelerile. 3’Dini Yehova Mungu amani fe di Ogi opi Basaniari ama dria vini indi, ’ba erini ’diyi pie dria; ama ofu yi kpere ’ba alunini acezu ci eri dri ku. 4#Azi 29:8; 1 Opi 4:13Ewu nderisi ama opa aku ambo ambo erini ’diyi dria-aku ambo ambo erini ’diyi ma eselia aluni amani opale yi driasi kuni yoyi aku ambo ambo kali azia angu dria Arigobua pie, opi nyaza Ogini nyale Basaniari’i. 5Aku nde ’diyi yi aku ambo ambo abi kaliru izuru pi be, kalitile pie, katala pie, azini drinia aku karakarau kali kokoru ’diyi indi. 6#Azi 2:24; Zab 135:10-12; 136:19-21Ama ja yi dri teketeke, ekile amani ’yele Sihoni opi Hesiboniari vurile, aku ambo ambo ovupi ’ba be ’diyi dri jazu dria teketeke, okuyi pie, anzi nyiri pie dria. 7Te ama opa anyapa dria ama dri, afa aku ambo ambo alia ’diyi be dria amaniru 8Ewu nderisi ama opa angu opi iri Amorini ovupi Yoridani tia ’aa’dasi ’diyi ma driasi, engazu e’bu Arinonia cazu kpere oni Herimonia 9#Zab 29:6; 89:12; 1 Sur 5:23(’ba Sidonia ’diyi omve Herimoni nde ma ru Sirioni’i, te ’ba Amorini ’diyi omve eri Seniri’i), 10#Azi 4:49; Yos 12:5; 13:11ama o’du vini aku ambo ambo angu senderuria ’diyi dria, Gileadi dria pie, Basani dria pie, cazu Saleka pia Edrei be, yi aku ambo ambo opi nyaza Oginiri ma alia Basania ’diyi. 11#Amo 2:9; E’do 14:5; 2 Sam 12:26; Yer 49:2; Eze 21:20; Amo 1:14(’Ba Refaini ndra acepi jolokoru ’diyi ma eselia ace di lu kiri Ogi Basaniari’i a’dule; mi ne, gbolo eriniri ndra gbolo ayaruri’i; gbolo ovuni nga Raba Amoni anziniria ’dani ku ya? Oconi wuale oromi, walani wuale su, wuale ’baniri vusi.)

Angu Rubeni pini Gadi pie suru ali Manaseni pie Yoridani ma kala etuni efurialeruriari

12 # Azi 2:36; Yos 12:2; 13:9-12; 2 Opi 10:33; Kal 32:33-38 Ewu nderisi ama pa ndra angu ’dori nya amaniru; ma fe ndra angu nde ’ba Rubenini piyi dri ’ba Gadini be, e’dozu Aroeri a’bu Arinoni ma tiaria, azini angu oniru Gileadiari ma ali tualu aku ambo ambo alenia ’diyi be; 13#Kal 32:39-42; Yos 13:29; 1 Sur 5:33te ma fe Gileadi ma ali acepiri suru ali Manaseni dri, Basani opi nyaza Oginiri be dria, ada angu Arigobuari dria. (’Ba omve Basani nderi dria angu ’ba Refainini. 14#1 Sur 2:22; 2 Sam 3:3; 10:6Yairi ’ba Manaseni pa ndra angu Arigobuari dria, cazu ’ba Gesurini ’diyi pi ma lokiria ’ba Maakatini be, eri omve angu nde ’diyi, ada Basani, Havoti-yairi, ru ini vusi, kpere o’du andru’dorisi.) 15#Hos 26:29; 32:39; Yos 17:1Ma fe ndra Gileadini Makiri dri. 16#2 Sam 24:5; Kal 21:24Ma fe vini angu ’ba Rubenini ’diyi pi dri ’ba Gadini ’diyi be, engazu Gileadia cazu kpere a’bu Arinonia, lokiriniri a’bu nde ma agaduaria, cazu kpere yi ara Yaboki i ovupi Amoni anzi ma kalatiaria; 17#Kal 34:11; E’do 13:10; 14:3; Yos 12:3ma fe vini Arabani indi, lokiriniri i Yoridani’i, engazu Cineretia cazu miri Arabaaria, ’di Mid A’iruri’i, oni Pisiga ma angu lureruri ma etia etuni efurialeru. 18#Yos 1:12-15Ewu nderisi ma azi ndra emi tia kini, Yehova Mungu emini fe emi dri angu ’diri nyazu eminiru ’bo; emi nga zo, afa ombani be emi ruaa, adripi emini anzi Israelini ’diyi ma drilia, emi ’ba ombani ’diyi dria. 19Te oku emini piyi nga awu nga aku ambo ambo emini mani fele emi dri ’bo ’diyi ma alia ’de, anzi emini pie, anyapa emini pie (ma ni emi anyapa be tre), 20#Yos 22:4cazu kpere Yehovani ngazu ava liza fezu emi adripi dri ekile emi dririle, yini ngazu angu Yehova Mungu eminirini fele yi dri Yoridani ma tia ’aa’dasiri nyazu indi; ewu nderisi emi dria alu alu nga di emvi angu nde mani fele emi dri emi afaruria ndo. 21Ewu nderisi ma azi vini Yosua tia kini, Mi ndre milesi ’bo e’yo dria Yehova Mungu minirini ’yele opi iri ’diyi ma ruaari ra; Yehovani nga vini opi nyaza dria emini ngazu agazu yi vu ’diyi ’ye ’dinile tro tro. 22#Efu 14:14; Azi 1:30; 20:4Emi ma ovu urisi yi ma e’yosi ku; a’disiku ’ba a’di ’dipi emisiri Yehova Mungu eminiri’i.

Musani ogazu fikokoru Kanania siri

23 # Kal 27:12-14; Azi 32:48-52 Ewu nderisi ma ’ba ndra matu Yehova vu kini, 24#Azi 11:2; Neh 9:32; Zab 106:2; 145:3, 6; Yer 32:18-21; Efu 15:11; 2 Sam 7:22; Zab 71:19; 86:8Opi Yehova la! Mi e’do ambo miniri pi ecezu ati’bo mini dri, dri okporu miniri be ’bo; te adrou ’bua kani nyakua ecopi azi ngapi mileni, kani ’yeta amboru ’yepi mileni a’di’i ya? 25#Efu 3:8; Azi 4:22Kirikiri mi fe mani zozu, ma matu ’ba mi vu, ma ma ne angu onyiru Yoridani ma tia ’aa’dasiri pi, oni onyiru nderi pie, Lebanoni pie fo! 26Te Yehova ovu ma be aokosi emi ma e’yosi, erini ma ku; Yehova nga ’yo ma tia, ’Di ma fu dri mi dri; mi ’yo e’yo ’diri ma tia dika ku. 27Mi tu Pisiga ma dri mbiliria, mi enga mi mile luzu etuni ’derialeru, azini woko andraleruria, azini woko uruleruria, azini etuni efurialeru, mi lu mi milesi; te mi ngani Yoridani ’diri zo ku. 28#Kal 27:18; Azi 1:38; 31:3, 7Te mi ma azi azita Yo sua dri, ma imba eri ma asi, ma fe vini okpo eri dri; a’disiku eri nga zo suru ’dori ma drilia, eri nga fe yini angu mini ngale ndreleri nyazu yiniru ra. 29#Azi 4:46’Dini ama awu ku e’bua, pari otizaru Beti-peori beri ma alia.

Currently Selected:

Azita Amvizu 3: LB66

Highlight

Copy

Compare