Azita Amvizu 2

Eli Israelini ovuzu angu roko driariari

1 # Kal 21:4 Vutinia ama oja ama aci bizu muzu angu roko driaria, geri Miri Ekaru vualerurisi, ekile Yehovani ’yole ma tiarile; ama aci oni Seiri ma kalaasi kuru kuru o’du kakau. 2Te Yehova ’yo ma tia kini, 3Emi aci di oni ’dori ma kalaasi kuru kuru o’du fudri ’bo; emi oja emi angu andraleruri vualeru. 4#E’do 36:8Mi ma azi ’ba tia kini, Emi ’ye aga adripi emini Esau anziyi ovupi Seiria ’diyi ma lokiriasi; yi nga ’ye urisi emisi. E’yo ’disi emi ma mba di emi ma ta onyiru; 5#E’do 36:8; Azi 32:8; Yos 24:4; 2 Sur 20:10-12; Zab 115:3; 135:5, 6; Dan 4:32, 35; ’Yeta 17:26emi awa emi yi be ku; te ma ngani angu yini ma esele aluni fe emi dri ku, yo, ka pari ’bani i mapa agele ’bazuri’i ti, a’disiku mani oni Seiri fele Esau dri ovuzu afa eriniru ’borisi. 6Emi ma je nyaka yi vu silingisi, emi ma nya ani; emi ma je vini yi mvuza yi vu, emi ma mvu ani. 7A’disiku Yehova Mungu minirini asi ndriza fele mi dri azi mi drini ’yele ’diyi ma alia driarisi; eri ni acita mini acizu roko amboru ’dori ma alesiri ra; Yehova Mungu mini ovu mi be eli kali su ’diyi ma alia dria; mi eceni afa alunisi ku. 8#1 Opi 9:26; 2 Opi 14:22; 16:6’Dini ama aga ama adripi Esau anziyi ovupi Seiria ’diyi ma ageisi, ama ku geri Arabaari pi, Elati pie, Ezioni-geberi pie dria. Ama nga di ama oja muzu geri angu roko Moabuniri vualeruria. 9#E’do 19:37; Kal 21:28; Zab 83:8Te Yehova ’yo ma tia, Emi ecandi Moabuni ku, emi awa emi yi be a’di ’dizu ku indi, a’disiku ma ngani angu yini ma esele aluni fe emi dri ovuzu eminiru ku, mani Arini fele Loti anziyi dri ovuzu yiniru ’borisi. 10#E’do 14:5; Kal 13:22; Azi 9:2(’Ba Emuni ’diyi ovu ndra ’dale oko, yi suru amboru karakarau, izutili ekile ’ba Anakini ’diyile; 11la yi ma suruti ’ba Refaini ekile ’ba Anakinile, te ’ba Moabuni omve yi ’ba Emuni. 12#E’do 14:6; 36:20; 1 Sur 1:38-42’Ba Horini ovu ndra Seiria indi, te Esau anziyi fi yi ma pariani, dro ndra ’ba Horini yi ma drilia yi ma drilia, ja yi ma dri ra angu nyazu yi ma paria beni; ekile Israelini ’yele angu yiniru Yehovani fele yi driri ma aliarile.) 13Te curu’do emi nga di, emi zo yi raza Zeredini. Ama zo di yi raza Zeredini ra. 14#Kal 14:28-35; 26:64; 32:11; Zab 78:33; 90:3-9; Azi 1:34, 35; Eze 20:15Engazu amani dri kozu ndra Kadesibarineaa cazu amani yi raza Zeredini zozuria, o’du ma kalafe ovu eli kali na drini aro, cazu ’ba ombani ’diyini odrazu yi ma anziazi be pari ’bani hema asozuri ma eseliasi driaria, ekile Yehovani oyo sole yi tia ’borile. 15#1 Sam 5:6-11; 7:13; Zab 95:10, 11; 106:26; Ebra 3:11-19; 4:1-5Ada Yehova ma dri ri ndra yi dri aru, yi dri jazu pari ’bani hema asozuriasi, cazu kpere yini yi deria.

16Eri nga eca ’dini, ’ba ombani ’diyi ka dri ja, ka odra de ’ba eseliasi dria ’bo, 17Yehova nga ’yo ma tia kini, 18O’du andru ’dorisi mi nga Ari asala Moabuniri aga; 19#E’do 19:38; 14:5te mi ka nga ca Amoni anziyi vualeru ogogo, mi ma ecandi yi ku, mi awa mi yi be ku indi; a’disiku ma ngani angu Amoni anziyini ma esele fe mi dri ovuzu mini aluni ku, mani eri fele Loti anziyi dri yi ma afaru ’borisi. 20(La vini angu nderi angu Refainiru; ’ba Refaini nde ’diyi ovu ndra ’dale, te ’ba Amonini ’diyi ’da yi ma ru ’ba Zamizumini, 21Yi ndra ’ba amboru karakarau, izutili ekile Anakini ’diyile; te Yehova ja yi dri yi ma drilia; yi fi yi ma vutia angu nyazu yi ma paria; 22#E’do 36:8; Yob 12:23ekile erini ’yele mira Esau anziyi ovupi Seiria ’diyi dri erini ’ba Horini ma dri jazu yi ma driliasirile, yi fi ndra yi ma vutia angu nyazu yi ma paria cazu kpere o’du andro ’dorisi. 23#Yos 13:3:; Yer 25:20; Zef 2:4; 9:5; E’do 10:14; Amo 9:7Te ’ba Avini nde ovupi aku were ma alia cazu kpere Gazaa ’diyi, ’ba Kafitorini efupi Kafitoria ’diyi ja ndra yi dri indi, angu nyazu yi ma paria.) 24#Kal 21:13, 14; Lip 11:18Emi nga, emi bi ad emini, emi aga e’bu Arinoniari ra; mi ne, ma fe Sihoni ’ba Amorini opi Hesiboniari pi mi dri ’bo, angu erini be; emi ma e’do eri ’duzu errururu, emi ’di a’di eri be. 25#Efu 15:14; Azi 11:25; Yos 2:9O’du andru ’dorisi ma nga e’do uri miniri mi ’ba suru ’bu dria ma etia ’diyi ma asia, ruta yini mi ruzuri fezu yi dri; yi nga e’yo kuza mini eri ra, yi ruani nga ya ya ani, yi ma asini nga oti tu mi ma e’yosi.

Israelini Sihonini agazu ombasiri

26 # Azi 20:10; Esi 9:30 Ma nga di ojiou ma ti pe angu rokoru Kedemotiasi muzu Sihoni opi Hesiboniari vu, e’yo asi anzuruni ’yozu kini, 27#Kal 21:21; Lip 11:19Mi fe ma ma aga angu mini ma alesi fo; ma nga mu gbokoasi ’dani, ma ngani ma oja dri ndiria kani dri ejiria ku. 28#Kal 20:19Mi ma fe nyaka je ma dri silingisi, ma ma nya ani, mi ma fe vini yi mvuza je ma dri silingisi, ma ma mvu; te kirikiri mi fe mani agazu aleniasi pasi fo, 29#Azi 23:3; Lip 11:17ekile Esau anzi ovupi Seiria ’diyi pini ’yele ma vu ’ba Moabuni ovupi Aria ’diyi berile; cazu mani zozu Yoridani ria ’aa’dasi, fizu angu Yehova Mungu amanirini fele ama driri ma aliaria. 30#Kal 21:23; Yos 11:19, 20; Efu 4:21; Hos 4:17; Yak 1:13-15Te Sihoni opi Hesiboniari kuni amani agazu eri ma ageiasi ku; a’disiku Yehova Mungu mini fe asisile erini mba mba, asini ’bazu kongolokoru, eri ma fe eri ani mi dria ekile o’du andrurisirile. 31Te Yehova nga ’yo ma tia kini, Mi ne, ma e’do Sihoni pi fezu mi dri angu erini be oko ’bo; mi ma e’do di eri ’duzu miniru, angu eriniri nyazu ani beni, 32Sihoni nga di efu ama vu, eri’i ’ba erini ’diyi be dria, omba ’bazu Yahazia. 33#Efu 23:31; Azi 7:2; 20:16; Zab 135:10-12; 136:18-20; Azi 29:7Te Yehova Mungu amaniri fe eri ama dri ama drilia; ama nga ani yi ofu, anzipi be, ’ba erini ’diyi pie dria. 34#Lev 27:28; Kal 21:2, 3; Azi 7:2, 26; Yos 7:11; 8:25, 26; 9:24; 11:14; 1 Sam 15:3-9Ama opa vini aku erini ambo ambo ’diyi dria ewu nderisi, ama eza aku ambo ambo; ovupi ’ba be ’diyi dria teketeke; okuyi pie, anzi nyiri pie dria; ama kuru ’ba aluni acepi cini ku; 35ama opa kiri anyapa piyi ama dri amaniru, afa opale aku ambo ambo amani ezale ’diyi ma alia ’diyi be. 36#Azi 3:12; 4:48; Yos 13:9; Zab 44:3Engazu Aroeri e’bu Arinoni ma tiaria, azini engazu aku amboru e’bu ma aliaria cazu kpere Gileadia, aku azini ovupi kali be izuru ama ndepini yo; Yehova Mungu amani fe yi dria ama dri ama drilia. 37#E’do 32:22; Kal 21:24; Azi 3:16Angu ndra mini cazu yi vu ogogo ku ’diyi yi kiri ’di: angu Amoni anziyini pi, angu dria yi ara Yaboki ma tia ’diyi pie, aku ambo ambo angu oniruria ’diyi pie, pari dria Yehova Mungu amanini ogale ama dri ’diyi pie dria.

Currently Selected:

Azita Amvizu 2: LB66

Highlight

Copy

Compare