Azita Amvizu 18

Afa esele fele ’ba Levini ’diyi driri

1 # Kal 18:8, 9; 1 Kor 9:13 ’Ba Levini kuhaniru, ada suruti Levini dria ’diyi, ma ovu afa yini be, kani awuruso be, Israelile ku; yi ma nya yini edeta ’bani evele Yehova dri ’diyi, awuruso eriniri be. 2#Kal 18:20Yi ma ovu vini awuruso be yi adripi ma eselia ku; Yehovani awuruso yini, ekile emi ’yole yi tia ’borile. 3#Lev 7:30Afa fele kuhanini engazu ’ba vu, engazu ’ba edeta fepi ’diyi vuri ’di, ka ovu tini kani kabiloni: yi ma fe kuhani dri wu, siso iri tro, iribijo pie. 4#Efu 22:29; Kal 18:12Mi ma fe vini eri dri anyadri okori, patiefi ma su okori pie, odu okori pie, kabilo ’biko lile okori pie dria. 5#Azi 10:8A’disiku Yehova Mungu miniri pe eri ’bo, suruti mini ma eselia dria, eri ma so pa ani azi ngazu Yehova ma rusi, eri’i anzipi be ’dani ’dani. 6#Kal 35:2, 3’Ba Levini ka nga efu aku mini Israeli dria ma eselia ’diyi ma azi alu, erini adrizu ovuzuri ma aliasi, eri ka nga emu avasi i ma asi driasi ecazu pari Yehovani ngale peleria, 7eri nga di azi nga Yehova Mungu eriniri ma rusi, ekile adripi erini ’ba Levini pa osopi ’daa Yehova ma drilia ’diyi driani ’yelerile. 8#2 Sur 31:4; Neh 12:44Yi ma ovu afa be nyazaru tro tro, tro tro, te drinia afa erini isule erini afa i atini kule awitaruri ozilerisiri ma ovu erini ’dani.

Ba ma bilendu lizu kazu ’yezu ’ba juruni ’yelerile kuri

9 # Lev 18:26; Azi 12:29 Mi ka nga fi angu Yehova ’Mungu minirini fele mi driri ma alia ’bo, e’yo ngule onzi suru ’dayini adrile ’yele ’diyi, mi ma oni yi ’yezu ku. 10#Lev 19:26; Efu 22:18’Ba ma isu emi eselia ’ba i mvini kani i zini fepi agazu aci alesiri pi aluni ku, ’ba acife ndripiri pie, ’ba andri ndripiri pie, ’ba ’ba enapi enatasiri pie, oleou pie, 11#Lev 19:31’ba ori owipiri pie, ojoou adrou ma o’duko zipiri pie, ojoou pie, ojoou e’yo zipi ’ba draza ma tiari pie dria. 12#Lev 18:24A’disiku ’ba dria alu alu e’yo ’diyi ’yepi ’diyi ovu afa ngule onziriru Yehova dri; azini e’yo ngule onzi ’diyi ma e’yosi Yehovani yi odro emi driliasi ’di. 13#Mat 5:48; E’do 17:1Mi ma ovu ezata kokoru Mungu miniri ma milia. 14#2 Opi 21:6Te suru mini ngale yi ma angu nyale ’diyi adri yi bile co ’ba andri ndripi ’diyi pi vu ’ba acife ndripi ’diyi be; te mi’i, Yehova Mungu miniri a’ini mini ’yezu ’dinini ku.

Munguni azizu nabi Musaleri Jezuri

15 # ’Yeta 3:22; 7:37; Kal 24:17; Isa 11:1; 61:1; Mat 11:3; 21:11; Luk 2:25-34; 4:16-22; Luk 7:16; 24:19; Yoh 4:19-26; 6:14; 7:40 Yehova Mungu miniri nga mi adripi ma azi alu fe engazu nabiru mi dri mi eselia ekile male--emi ma co bile eri vu- 16ekile e’yo dria mini a’ile ndra Yehova Mungu miniri dri Horebua, o’du okuzanisi, kini, Mi fe ma ma eri o’duko Yehova Mungu manirini dika ku, ma ma ndre vini aci amboru ’dori dika ku, ma kazu drazu ku, ’dinirile. 17Yehova nga di ’yo ma tia kini, Yi ’yo e’yo yini ’yole ’diri ’yeke. 18#Yoh 1:45; Isa 51:16; Yoh 17:8; 4:25; 8:28; 12:49, 50Ma nga nabi ekile mileri fe engazu yi dri adripi yini ma eselia; ma nga e’yo ’yoza mani ’diyi o’ba eri ma tilia, eri nga e’yo dria mani azile eri dri ’diyi olu yi tia ra. 19#’Yeta 3:23Te eri nga eca ’dini, ’ba azini ka le e’yo mani erini ngale olule ma rusiri eri ku, ma ma ngulupini nga ariotini ofe eri ruaa ma’i. 20#Azi 13:5; Yer 14:14; Zek 13:3; Yer 2:8Te nabi ripi e’yo olupi i drisi ambosi ma rusiri, nabi nderi nga dra ra. 21Mi ka ’yo mi asia kini, Ama nga e’yo Yehovani ’yole kuri ni ngoni ngoni ya?- 22#Yer 28:9nabi azini ka e’yo olu Yehova ma rusi, te e’yo erini oluleri ka i ’ye ku, ka eca ’dini ku, ka’dini e’yo nderi ovu e’yo Yehovani ’yole kuri’i; nabi nde olu e’yo nderi i drisi ambosi, mi ’ye erisi urisi ku.

Currently Selected:

Azita Amvizu 18: LB66

Highlight

Copy

Compare