Azita Amvizu 13

1 # 2 Tes 2:9 Nabi ka nga enga mi eselia, kani ’ba orobini adrile obileri’i, te eri ka eceta kani e’yo osutaru ece mi dri, 2#Yer 28:9; Mat 7:22te eceta nderi kani e’yo osutaru nderi ka i ’ye tro tro ’dile ra, erini ndra ’yole mi tiari kini, Ama ma bi adrou azini mini nile nga ku ’diyi ma vuti, ama ma nga vini azi yi dri, 3#Mat 24:24; 1 Kor 11:19; 2 Tes 2:11; Eceza 13:14mi ma eri e’yo nabi nderini ku, kani ’ba orobini adrile obile nderini ku; a’disiku Yehova Mungu eminiri emi o’bi ’di, lezu nizu ani kani emi le Yehova Mungu eminiri asi driasi azini orindi driasi yani. 4#2 Opi 23:3; 2 Sur 34:31; 1 Yoh 1:7; 2 Yoh 1:6Emi ma aci Yehova Mungu eminiri ma vuti bizu, eri ruzu, azita erini ’diyi ma ta mbazu, emi ma eri o’duko erini, azi ngazu eri dri, emi ebizu eri be ’dani. 5#1 Opi 18:40; Isa 9:15, 16; Yer 14:15; Zek 13:3; Eceza 19:20; 2 Opi 10:18-28; 1 Kor 5:13Te ma fu nabi nderi ra, kani ’ba orobini adrile obileri’i, a’disiku erini mbuza Yehova Mungu eminiri ma ruaa amveri ma e’yo olule’irisi, Yehova emi ofupi ejipi angu Misiriasi, mi onzepi jo ati’baniasiri’i; te agu nde le mi se kalaa geri Yehova Mungu minirini azile mi dri acizu aleniari kuzu. Mi ma nze e’yo onzi mi eseliasi ’dini, 6#Yob 2:9; Mik 7:5Mi adri ayia ma mvaruri, kani mi mvi, kani mi zi, kani oku mi asi tiari, kani mi agyi ovupi ekile mi ngulupi ma orindileri ti, ka nga mi bile ewi oyokolosi, kini, Ama ma mu adrou ma azi ngazu, emini nile emi a’bipi be nga ku ’diyi, 7suru ovupi emi kalasi kuru ogogo kani ziri’diyi vile adrou, engazu wudrikuru ma kalati aluria cazu wudrikuru ma kalati aziniria; 8#Efu 20:3; O’be 1:10; Gal 1:8, 9; 1 Yoh 5:21ka’dini mi ma a’i e’yo erini ’yoleri ku, mi ma eri e’yo erini ku indi, mi mile ma ovu yikisi eri vu ku, mi ma ku eri ya ku, mi ma oci eri ku; 9#Azi 17:7; ’Yeta 7:58te mi ma fu eri ecekokoru; mi ’ba mi dri eri ma ruaa eri fuzu okoni mi’i, vutinia ’ba dria ma dri. 10Mi ma o’be eri onisi kpere erini draria kai, a’disiku eri le mi se Yehova Mungu miniri mi ofupi ejipi angu Misiriasi, jo ati’baniasiri kuzu. 11#Azi 19:20Te Israeli dria yi nga e’yoni eri ra, nga ovu urisi, ngani e’yo onzi awa’dinile ’diri ’ye mi eselia dika aluni ku.

12 # Yos 22:11; Lip 20:1 Mi ka aku ambo Yehova Mungu minirini fele mi dri mini ovuzu yi ma alia ’diyi ma azi alu ma e’yo kuza eri, kini, 13#1 Sam 2:12; 2 Kor 6:15; 1 Yoh 2:19; Yud 1:19; 2 Opi 17:21’Ba tokotokoa ’diyi ma azi fumi eseliasi, se ’ba ovupi aku amboru yini ma alia ’diyi kalaa ’bo, kini, Ama ma mu adrou emini nile nga ku ’diyi ma azi ngazu, 14mi ma zi di e’yoni, etini ndazu, ozizu asi driasi; te mi ne, ka ovu adaru inzo kokoru, ’ye e’yo ngule onzi ’dinile ’diri mi eselia ra, 15#Yos 6:17ka’dini mi ma ofu ’ba ovupi aku ambo nderi ma alia ’diyi seisi ecekokoru, eri dri jazu seisi teketeke, ’ba dria alenia ’diyi pi, anyapa pie dria. 16#Yos 8:28; Isa 17:1; 25:2; Yer 49:2Mi ma oku afa opale aku ndea ’diyi dria gbokoa, ma eve aku nderi acisi, afa opale alenia ’diyi be dria, ekile edeta vele pi Yehova Mungu miniri dririle; eri nga ovu abi pariru ’dani, yi ngani eri si dika ku. 17#Azi 7:26; Yos 6:18; 7:1, 11, 12; 6:26; E’do 22:17; 26:4, 24Afa trile tri dri jazu ’diyi ma aluni ma ebi i mi dri agelia ku; Yehova ma oja i ani adra ini okporuri kuzu, ma ece yiki mi vu, ma ’ba yiki aleruri mi dria, ma fe vini mini ezuzu, ekile erini oyoni sole ndra mi a’bipi ma tiarile, 18#Azi 12:25; Mat 6:33; 7:21, 24mini de o’duko Yehova Mungu minirini eriria, azita erini mani azile mi dri o’du andru ’dorisi ’diyi ma ta mbazu dria, e’yo ovupi onyiru Yehova Mungu miniri ma miliari ’yezu indi.

Currently Selected:

Azita Amvizu 13: LB66

Highlight

Copy

Compare