Azita Amvizu 14

1 # Lev 19:28; 21:5; E’do 6:2, 4; Efu 4:22, 23; Zab 82:6, 7; Yer 3:19; Hos 1:10; Rum 1:10; 8:16; Gal 3:26; 1 Yoh 3:1; Yer 16:6; 41:5; 1 Tes 4:13 Emi Yehova Mungu eminiri ma anzi; emi ma osi emi rua imvosi ku, emi ma fa vini emi mile ongoro’bi mile ma eseliari ’ba drapi ’bo ’diyi ma e’yosi aluni ku indio 2#Efu 19:5-6; Azi 4:20; 7:6; 26:18; Tit 2:14; 1 Pet 2:9; Lev 11:45; 19:2; Isa 62:12; Dan 8:24; Rum 12:1A’disiku mi suru ovupi alatararu Yehova Mungu miniri driri, te Yehova pe mi aga suru ovupi nyakua ’diyi dria, ovuzu i ma afaru.

Nyaka alaruri pi ala tara kokoruri be

3 # Isa 65:4; Eze 4:14; ’Yeta 10:13; Rum 14:14 Mi ma nya afa ngule onziri aluni ku. 4#Lev 11:2Anyapa emini ecole nyale ’diyi yi ’di: ti pi, kabilo pi, ndri pi, 5yere pi, nyajo pi, eba pi, ndri aseari pi, oborojo pi, loa pi, kabilo oni driari pie. 6Anyapa ma eselia, anyapa dria onyofi asipi asi, yi ma pa onyofini yi awazu iri iri, iribi ale amvipi ’diyi, emi eco yi nyazaru ra. 7Te ti, anyapa iribi ale amvipi ’diyi ma eselia, kani yi ma pa onyofini yi awazu iri iri ’diyi ma eselia, anyapa emini ecole nyale ku ’diyi yi ’di: ngamia pi, eto pi, ando pie, yi ovu alatarara kokoru emi dri a’disiku yi iribi ale amvi ra ’bo, bani yi ma pa onyofi asini yi ku. 8Azini ezoni vini alatara kokoru emi dri a’disiku eri ma onyofi asi ra ’bo, te amvini bani iribi ale ku. Emi ma nya yi ma za ku, ma elo vini yi ma avu ku. 9Afa ovupi yia ’diyi ma eselia, emini ecole nyale ra ’diyi yi ’di: e’bi dria ovupi opile be azini ongoro’bo be ’diyi emi eco nyazaru. 10Afa dria ovupi opile kokoru, azini ongoro’bo kokoru ’diyi emi ma nya ku; yi alatara kokoru emi dri. 11Emi eco aria alatararu ’diyi nyazaru dria. 12#Lev 11:13Aria emini ecole nyale ku ’diyi yi ’di: aji pi, iru pi, aji yia kubukubururi pi, 13gu’bere pi, idridria pi, yuku piyi suruti yini vusi, 14koreke piyi suruti yini vusi, 15aria okondoruri pi, damanaka pi, yi aria pi, yuku pie sururi yini vusi, 16asikuu pi, elipidri pi, emaa pie, 17yiaria aroruaru pi, roke pi, aria e’bi nyapiri pie, 18kapia pi, otonoko piyi suruti yini vusi, ebaaria pi, ’bi’bia pie. 19Afa opilebi be acipi valesi ’diyi ovu emi dri alatara kokoru; emi ma nya yi ku. 20Te emi eco aria alatararu ’diyi nyazaru dria.

21 # Efu 23:19; 34:26; 22:31; Lev 17:15; 22:8; Eze 4:14; 44:31; Efu 23:19; 34:26 Emi ma nya afa aluni drapi drasi ceniri leu; te mi ceo eri fezaru ’ba emuza ovupi mi vile akuari dri, eri ma nyani, kani mi ceo eri je ani’bo dri je; a’disiku mi suru alatararu Yehova Mungu miniri dri. Mi ma a’di ndrimva andri ma lesusi ku.

Azita afa ma esele mudri ’diyi ma az aluri fezuri

22 # Lev 27:30-33; Kal 18:21; Azi 12:6, 17; Neh 10:37 Mi ma fe ori dria kapi mi vile amvua eli vusi eli vusiri ma esele mudri ’diyi ma azi aluri ecekokoru. 23#Zab 2:11; 5:7; O’be 3:13; Isa 8:13; Yer 32:38-41; Ebra 12:28Mi ma nya anya mini pi ma esele mudri ’diyi ma azi aluri Yehova Mungu miniri ma drilia pari erini ngale pele runini adrizu ’daa ’daniria, patiefi ma su miniri pie, odu mini pie, anyapa tile oko ti mini ma eselia azini kabilo mini ma eselia ’diyi pie; mi ma ni ani Yehova Mungu miniri ruzu ’dani beni. 24#Azi 12:21Te Yehova Mungu miniri ka nga asi ndriza fe mi dri ’boria, geri ka zo mi dri tu aga ra, mini ecozu ani afa nde jizu ku, a’disiku pari Yehova Mungu eminirini pele runini adrizu ’daarini ovule mi be ziririsi, 25ka’dini mi ma je di ani silingi’i, mi ma ombe silingi nde ’diyi, mi ’du mi dria, mi mu pari Yehova Mungu minirini ngale peleria, 26mi ma je afa mi asini leleri silingi nde ’diyisi, kani tini, kani kabiloni, kani patiefi ma suni, kani afa mvuza okari, kani afa mi asini leleri, ka a’dini ti; mi ma nya eri ’daa Yehova Mungu miniri ma drilia, mi ma ovu ayikosi ’ba mi vilei joa ’diyi be tualu. 27#Rum 13:4; 15:27; 1 Kor 9:1-14; Kal 18:20; Azi 18:1, 2Azini vini Leviou ovupi mi vile akuari tani ma avi ku, a’disiku eri ovuni afa ini be, kani awuruso be mile ku. 28#Amo 4:4Eli nari vusi dria erini asiria, mi ma ofu afa mini ezupi eli nderisi ’diyi ma esele mudri ma azi aluri dria, ma o’ba iriidria kalitilia alialeru; 29#Azi 10:18; Zab 94:6; Isa 1:17; Eze 22:7, 29; Luk 14:12; Ebra 13:2; Azi 15:10; Zab 41:1; O’be 11:24; 19:17; Isa 58:7-12; Mal 3:10; Luk 11:41; 2 Kor 9:6-11te ’ba Levinini ovule afa ini be kaniawuruso bemile kurisi,eri nga emu nyani, nga tra ani, ani’bo pie, imvoa pie, awuziou pie, ovupi kali mini ma alia ’diyi; ’dini Yehova Mungu miniri ma fe ani asi ndriza mi dri azi mini ’yele drisi ’diyi ma alia dria.

Currently Selected:

Azita Amvizu 14: LB66

Highlight

Copy

Compare