Azita Amvizu 12

Pari Mungu inzizuri eri alu a’dule

1 # Azi 4:10; 1 Opi 8:40; Gal 6:9 E’yo azizaru azini e’yo liza emini ngale yi ta mbale onyiru yi ’yezu, angu Yehova Mungu mi a’bipinirini fele mi dri ovuzu miniri ma alia, o’du dria emini ovuzu idriru nyakua ’diyisi dria ’diyi yi ’di. 2#Efu 34:33; 2 Opi 16:4; 17:10, 11; Yer 3:6Emi ma asu pari suru emini ngazu yi ma angu nyazu ’diyini ndra adrizu yi ma adrou inzizu ’diyi dria va, oni izuru ’diyi ma dria, oni were ’diyi! ma dria, azini pati bi be ibiru ’diyi dria ma etia; 3#Azi 7:5; Kal 33:52; Lip 2:2; Efu 23:13; Zab 16:4; Zek 13:2emi ma anzu pari, yini edeta edezu ’diyi va, ma onyo pati yini i’dile piriru inzile inzi ’diyi nyingiriki, ma eve wura yini Aseraru ’diyi acisi; emi ma oga yi ma adrou ma wura opale inzile inzi ’diyi va, ma ini ru yini pari ’dariasi ra. 4Emi ma ’ye Yehova Mungu eminiri vu ’dini ku. 5#Azi 26:2; Yos 9:27; 1 Opi 8:29; 2 Sur 7:12; Zab 78:68Te emi ma ndru pari Yehova Mungu eminirini ngale pele suru emini dria ’diyi ma eselia, i ma ru ’bazu, ovuzu i ma pari ovuzuriruri’i; emi ma mu pari ’daria, 6#Lev 17:3; Azi 14:22emi ma ji edeta vezaru emini ’diyi pi ’daa, edeta emini azini ’diyi pie, afa emini ma esele mudri ma azi aluri pie, edeta emini ’dule uru drisi ’diyi pie, afa emini fele oyosi ’diyi pie, afa emini fele avasi ceni ’diyi pie, anyapa otile oko ti emini ma eselia azini anyapa emini nyiri ’diyi ma eselia ’diyi pie dria; 7#Azi 14:26; Lev 23:40; Ekl 3:12; 5:18’dale emi ma nya nyaka Yehova Mungu eminiri ma drilia, emi ma ovu ayikosi emi’i ori’ba emini ’diyi be, e’yo dria emini emi dri ’bazu yi ma dria ’yezu, Yehova Mungu minirini asi ndriza fezu mi dri yi ma alia ’diyi ma e’yosi. 8Emi ma ’ye ekile e’yo dria amani ’yele ’doa o’du andru ’dorisi ’dile ku, ’ba driani ’yezu ekile e’yo ovupi onyiru i ma ngulupi ma miliarile, ’dini ku; 9a’disiku emi cani nga ava liza azini awuruso Yehova Mungu minirini fele mi driri vu ku. 10Te emi ka nga Yoridanini zo, ka nga ri angu Yehova Mungu eminirini fele emini nyazu awurusoruri ma alia ’bo, eri ka nga ava liza fe emi dri erini ari’ba emini emi ma kalaa kuru ’diyi ma a’di asuria, emini ani ovuzu e’yo ’yaasi, 11#Azi 14:23; 15:20; 16:2; Yos 18:1; 1 Opi 8:29; Zab 78:68; 87:2etu nderisi eri nga di eca ’dini, emi nga afa dria mani azile emi dri ’diyi ji pari Yehova Mungu eminirini ngale pele, ru erini ’bazu ovuzu ’daleria: edeta emini vezaru ’diyi pi, edeta emini azini ’diyi pie, afa emini ma esele mudri ma azi aluri pie, edeta emini ’dule uru drisi ’diyi pie, afa onyiru tu emini fele oyosi emini oyo sozu Yehova dri ’diyi pie dria. 12#Azi 10:9; 14:29Emi ma ovu ayikosi Yehova Mungu eminiri ma drilia, emi’i, emi anzipi pie, emi ezopi pie, ati’ba emini agupiru ’diyi pie, ezoanziru ’diyipie, ’ba Levini ovupi aku emini ma aliari pie, erini ovule esele be kani awuruso be emi be tualu kurisi. 13#Lev 17:4Mi ma ne mi onyiru, mi kazu edeta mini vezaru ’diyi edezu pari dria mini ndrele ’diyi ma alia ku; 14te mi nga edeta mini vezaru ’diyi ede kiri pari Yehovani ngale pele suru mini ma azi aluri ma eseliaria, mi nga vini e’yo dria mani azile mi dri ’diyi ’ye pari ’daria indio

15 # E’do 9:3; Azi 14:5; 15:22 Te ti, mi eco anyapa lizaru zani nyazu aku mini ma alia dria, mi asini lelerile, ekile si ndriza Yehova Mungu minirini fele mi dririle; a’i ’ba alatara kokoruri pi ’ba alatararuri be za ’diri nyazu ra, ekile nyajo pi ma za yere berile. 16#E’do 9:4; Lev 7:26-27; 17:10-14; 19:26; Azi 15:23; 1 Sam 14:33, 34; ’Yeta 15:20, 29Te di, ariruni emi ma nya ku; mi ma da eri yile nyakua. 17Mi ma nya anya mini pi ma esele mudri ma azi aluri aku mini ma alia ku, patiefi ma su mini pie, odu mini pie, anyapa otipi oko anyapa ’wara kani nyiri ’diyi ma eselia ’diyi pie, mi ma nya vini afa mini fele oyo sozasi ’diyi pi ma azi aluni ku, afa mini fele avasi ceni ’diyi pie, edeta mini ’dule uru drisi ’diyi pie; 18#Azi 14:23; Ekl 3:12, 13; 5:18-20te mi ma nya yi Yehova Mungu miniri ma drilia pari Yehova Mungu minirini ngale peleria, mi’i, mi mvi pie, mi zi pie, ati’bo mini agupiruri pie, zamvaruri pie, ’ba Levini ovupi aku mini ma aliari pie dria; mi ma ovu ayikosi Yehova Mungu miniri ma drilia e’yo dria mini dri ’bazu drinia ’yezu ’diyisi. 19#Azi 14:27Mi ma ne mi onyiru, mi ma ku ’ba Levini ewu dria mini ovuzu idriru angu mini ma aliarisi ku. 20#E’do 15:18; 28:14; Efu 34:24; Azi 11:24; 19:8Yehova Mungu miniri ka nga angu mini ma lokiri ere amboru, ekile erini azile mi tia ’borile, emi ka ’yo kini, Ma nga za nya ra, mi asini lele za nyalerisi, mi eco di za nyazaru mi asini lelerile dria ra. 21Pari Yehova Mungu minirini ngale pele ru ini ’bazu ’daleri ka ovu mi be re tu, ka’dini mi nga anyapa mini ’wara kani nyiri Yehovani fele mi dri ’bo ’diyi ma azi li, ekile mani azile mi tia ’borile; mi eco di zani nyazaru mi akua mi asiru lelerile dria ra. 22Mi nga za nderi nya ekile ’bani nyajo pi ma za nyale yere berile; ’ba alatara kokoruri pi ’ba alatararuri be eco za nde nyazaru tro tro. 23#Lev 17:10-14; E’do 9:4Te di, mi ne mi ba, ariruni mi ma nya ku; arini ovule idrinirisi, mi ma nya idri tualu za be ku. 24Mi ma nya’i eri ku; mi ma da eri uyakua yile. 25#Azi 4:40; Isa 3:10; Efu 15:26; Azi 13:38; 1 Opi 11:38Mi ma nya eri ku; mi ma ovu ani drilebaru beni, anzi mini mi ma vutia ’diyi be, mini de e’yo ovupi onyiru Yehova ma miliari ’yeria. 26#Kal 5:9, 10; 18:19; 1 Sam 21:22, 24Te mi ma o’du afa alatararu mini ’diyi pi afa mini fele oyo sozasi ’diyi be, mi ma mu pari Yehovani ngale peleniria, 27#Lev 1:5-13; 17:11mi ma ede edeta mini vezaru ’diyi, za pi ari be, pari edeta edezu Yehova Mungu miniriniri ma dria; mi ma osu edeta mini ’diyi ma ari pari edeta edezu Yehova Mungu miniriniri ma dria, te mi nga di zani nya ra. 28#Zab 25:12, 13; O’be 1:33; 3:1-4; Ekl 8:12Mi ma ne onyiru mi ma eri e’yo mani azile mi dri ’diyi dria, e’yo mini ma ovu ani drilebaru ’dani ’dani anzi mini mi ma vutia ’diyi be, mini de e’yo ovupi onyiru azini kililiru Yehova Mungu miniri ma miliari ’yeria.

Ba ma bilendu lizu kazu wura inzile inzi ’diyi inzizu ku

29 # Efu 23:23; Yos 23:4; Zab 78:55 Yehova Mungu miniri ka nga suru mini fizu yi vu yi ma angu nyazu ’diyi dri ja ra, mi ka nga yi ma angu nya ra, ka nga ri alenia, 30mi te mi agei onyiru yini dri jazu mi drilia ’borima vutia, e’yo kazu mi bizu ekile embasirile mi obezu yi ma vuti bizu ku, emi kazu adrou yini ma e’yo zizu ku, kini, Suru ’diyi nga ndra azi adrou yini ’diyi dri ngoni ngoni ya? -ma ma ’ye vini alu ’dini indi. 31#Lev 18:3, 26-30; 2 Opi 17:15; 2 Sur 33:2; 36:14; Yer 32:35Mi ma ’ye ’dinileri Yehova Mungu miniri vu ku; a’disiku yi ’ye e’yo onzikanyaru Yehovani ngule onzi,’diyi dria adrou yini dri ’bo; te ka tro yi ma anzipi yi ma ezopi be ti, yi adri yi eve acisi adrou yini dri eve eve.

32 # Azi 4:2; Eceza 22:18-19; Yos 1:7; O’be 30:6 Emi ma ne onyiru emi ma ’ye e’yo ngoni ngori dria mani azile emi dri ’diyi; mi ma o’ba e’yo azini drinia ku, mi ma ku vini azini la ku indi.

Currently Selected:

Azita Amvizu 12: LB66

Highlight

Copy

Compare