2 Samueli 24

Daudini Israeli pi ma kalafe lazu Yuda beri

1 # 2 Sam 16:10; 21:1; 1 Opi 22:22; 1 Sur 21:1; Yak 1:13; 1 Sur 27:23 Adra Yehovani di dika Israeli vu, eri enga asi Daudini yi vu, ’yozu, Mi mu Israeli pi la Yuda be. 2#E’do 26:4; Azi 8:13, 14; 2 Sur 32:25, 26; O’be 18:12; 29:23; Yer 17:5Te opi ’yo Yoabu asikari ongulu-muru driliari ovupi eri beri ma tia kini, Mi mu curu’do acizu suruti dria Israelini ’diyi ma eseliasi, ngazu Dania cazu Beeri-sebaa, mi la ’ba, dini ma ma ni ’ba ma kalafe ovu ngopi ya ani. 3Te Yoabu ’yo opi tia kini, Yehova Mungu mini ma fe kalafe yini ezuzu pale turu, azini mile opi mani amborurini ma ne e’yo nderi; te e’yo ’dori ovu ayikoru opi mani amboruri ma milia a’di e’yosi ya? 4#1 Sur 21:4; Ekl 8:4; ’Yeta 5:29Te e’yo opini aga e’yo Yoabu pini ambo asikari ongulumuru drilia ’diyiniri ra. Te Yoabu pi ambo asikari ongulumuru drilia ’diyi pie fu mu opi vusi ’ba Israelini ’diyi lazu. 5#Azi 2:36; Kal 32:1, 3Yi zo Yoridanini, yi aso hema yini Aroeria, aku ovupi e’bu ma agaduariari ma dri ndi Gadi vuleruria, cazu kpere Yazeria, 6#Yos 19:47; Lip 18:28, 29; Yos 19:28Yi ca Gileadia, azini Kadesi angu ’ba Hitia ’diyiniria; yi ca Dania, engazu Dania yi ogo yi mu kalaasi cazu Sidonia, 7yi eca pari okporu Turoaria, azini aku dria ’ba Hivini pima ’ba Kananini pie; yi fu mu Yuda vu andraleru Beeri-sebaa, 8’Dini yi ka aga ’dale ’dole ’dale ’dole angu eseliasi dria, yi ca Yerusalemua mba oromi drinia o’du kali iriri ka yi de ra. 9#1 Sur 21:5Te Yoabu fe kalafe ’bani laleri opi dri: Israeli eselia ’ba ombaru sei nzepi ’diyi ovu alifu turu aro, te ’ba Yudani ’diyi ovu alifu turu towi. 10#1 Sam 24:5; O’be 18:4; 1 Yoh 3:20; 2 Sam 12:13; 1 Sur 21:8; Yob 33:27, 28; Zab 25:11; 1 Sam 13:13Erini ’ba lazuri ma vutia, asi Daudini mbu ’bala. Te Daudi ’yo Yehova tia, Ma eza tu e’yo mani ’yele ’dinirisi. Te curu’do ma matu ’ba mi vufo, Yehova la, mi wu e’yo onzi ati’bo minini; a’disiku ma ’ye e’yo azazaru tu. 11#1 Sam 22:5; 9:9Daudini engaria o’bitisi, e’yo Yehovani eca nabi Gadi, ’ba e’yo ndreza ndrepi Daudi driri vu, ’yozu kini, 12Mi mu ’yo Daudi tia, Yehova ’yo ’dini, Ma ’ba mi drilia e’yo na; mi pe yi ma alu, ’dini ma ma ’ye e’yo nderi ani. 13#1 Sur 21:12’Dini Gadi eca Daudi vu, ece eri dri, ’yo eri tia kini, ’vii le eli aziri likini ’dezu angu minia ya? Kani mba na mini apazu ari’ba mini ma drilia yini mi vuti droria ya? Kani o’du na dra muanini ecazu ovuzu angu minia ya? Mi ega e’yo, mi pe e’yo ngoni mani nga omvi ’ba ma ti epepiri vu. 14#Zab 103:8; 119:156; Isa 47:6; Zek 1:15Te Daudi ’yo Gadi tia kini, Eri ma dri ewaru tu aga ra; te mi fe ama ma ’de Yehova ma dria, a’disiku yiki erini ovu amboru; te mi fe ma ma ’de ’ba ma dria ku. 15#1 Sur 21:14; 27:24’Dini Yehova pe dra muani ma ti Israeli vu, engazu o’bitisi cazu etu peleria; engazu Dania cazu Beerisebaa ’ba odra alifukali aziri. 16#Efu 12:23; 1 Sur 21:15; Zab 104:4; E’do 6:6; 1 Sam 15:11; Zab 78:38; Yer 18:5-10; Yoe 2:13; Yon 3:10; 1 Sur 21:15Te malaika nderi ka dri ini eju Yerusalemu vu eri dri jazu, Yehova omvi asi erini e’yo onzi kuzu ja, ’yo malaika ’ba dri japiri ma tia, Fudri ’bo; mi omvi di mi dri. Malaika Yehovani ovu pa sozu pari anya dizu Arauna ’ba Yebusini vileri ageia. 17#1 Sur 21:17Te Daudini malaika ’ba ofupiri neria, eri ’yo Yehova tia kini, Mi ne, ma eza ma’i, ma ’ye e’yo aka; te kabilo ’diyi ’ye a’dini ya? Ma matu ’ba mi vu, mi fe mi dri ma ovu ma dria, ori’ba ma atini ’diyi pie fo. 18#1 Sur 21:18Te Gadi nga emu Daudi vu etu nderisi, ’yo eri tia kini, Mi mu uru, mi ede pari edeta edezuri Yehova dri, pari anya dizu Arauna i’ba Yebusini vileria. 19Te Daudi mu uru ekile Gadini ’yolerile, ekile Yehovani azita felerile. 20Te Arauna lu amve, ne opi pini emuzu eri vu ati’ba erini ’diyi be; te Arauna fu, avu va opi drilia, mile erini suzu, va nyakua. 21#E’do 23:8; Kal 16:48Te Arauna nga ’yo kini, Opi mani amboruri emu ati’bo erini vu a’di e’yosi ya? Daudi ’yo kini, Pari anya dizuri jezu mi dri, pari edeta edezuri edezu Yehova dri ani, ’dini azo muani ma ku ’ba beni. 22#1 Opi 19:21Te Arauna nga ’yo opi tia kini, Opi mani amboruri ma ’du afa ovupi onyiru eri ma miliari, fezu edetaru Yehova dri; mi ne, ti ngale vele edetaru ’diyi yi ’di, azini afa anya dizu ’diyi pi kulumbu tini ’diyi pie yi, 23#Zab 20:3; 119:108; Eze 20:40; 1 Pet 2:5Opi la, Arauna fe afa ’diyi dria opi dri. Arauna ’yo vini opi tia kini, Yehova Mungu mini ma la’i mi. 24#1 Sur 21:24Te opi nga ’yo Arauna Itia kini, Yo, te adaru ma nga je mi dri ajesi; ma ngani vini edeta vezaru mani jele ajesi ku ’diyi fe Yehova Mungu mani dri ku indio ’Dini Daudi je pari anya dizuri, ti ’dayi pie, sekeli dahabuni kali towisi. 25#1 Sur 21:28; 22:1; 2 Sam 21:14; 2 Sur 33:13; Isa 19:22Te ’daa Daudi ede pari edeta edezuri, Yehova dri, fe edeta vezaru ’diyi pi ,edeta asi anzuruni ’diyi be. E’yo’disi Yehova nga zita angu ndesiri eri Ira, azo muani nga Israeli ku ani.

Currently Selected:

2 Samueli 24: LB66

Highlight

Copy

Compare