2 Samueli 23

E’yo ’yoza Daudini asizu ’diyi

1E’yo ’diyi ovu e’yo ’yoza asiza Daudiniri’i Daudi Yese mvi ’yo ra, ’ba ’bale ururi ’yo ra, ’ba Mungu Yakobonirini odu osule driniari’i, ’ba ongo ndrizaru ngopi Israeliniri’i:

2 # 2 Pet 1:21 Orindi Yehovani ’yo e’yo ma tisi,

e’yo ’yoza erini ovu andre mani dria,

3 # Efu 18:21 Mungu Israeliniri ’yo ra, Oni Israeliniri ’yo ma tia:

’Ba opi nyapi kililiruri’i, angu nyapi Mungu ruzasiri’i,

4 # O’be 4:18 eri nga ovu ekile diza etuni o’bitisi,

etuefupio’bitisiiriti kokorurile, ase aro edupi nyakuarile,

etu sile edripi ozoo ma vutiarile.

5 # 1 Opi 9:46 Adaru, ori’ba mani ovuni ’dini Mungu ma milia ku;

te ti, eri azi aziza ’ dani ’ daniri ma be ’bo,

ede e’yo dria kilili, yakokoru.

Te eri ovu pata dria mani, e’yo dria mani leleri,

ka tro eri feni eri ezuzu ku ti.

6Te ’ba ’onzi dria ’diyi nga ovu ekile oci ’bani ’bele ’bani ecole bile drisi ku ’diyile;

7te ’ba yi elopiri ma ovu aya be,

ajufe be yi dria, te yi nga ovu vezaru kinyi kinyi pari yinia.

Ba Daudini okporu tu ’diyi

8’Ba okporu Daudini ’diyi ma ru ’di: Yosebu-basebeti ’ba Takemoniari, opi ’ba ambo ’diyi driliari; eri ’du aju erini, ofu ’ba turu aro etu alusi.

9 # 1 Sur 11:12; 27:4 Eri ma vutia Eleazari, Dodai agu Ahoari mvi, alu ’ba okporu na Daudini ’diyi ma eseliari, etu yini ’ba Filisitiaa yi okupi a’di ’dizu ’diyi ma dri inzazurisi, ’ba Israelinini ngazu ’darisi ’boria. 10Eri enga, eri ofu ’ba Filisitiaa ’diyi cazu kpere driniri oruria, drini ebi i sei ma ruaa; te Yehova fe agaza amboru etu ndesi; ’ba emvi eri ma vutia kiri afa wuzu. 11#1 Sur 11:12Eri ma vutia Sama Agee mvi ’ba Harariari. ’Ba Filisitiaa ’diyi oku yi ongulumuru Lehia, pari amvu osunini ovuzuria; te ’ba yi apa ’ba Filisitiaa ’diyi driliasi. 12Eri so pa amvu nderi ma eselia ageini tezu, ofu ’ba Filisitiaa ’diyi ra; te Yehova fe agaza amboru. 13#1 Sur 11:15; 14:9; Azi 33:29; 1 Sam 22:1; 1 Sur 29:11; 2 Sur 14:11-14; 25:8; Zab 3:8; 46:1; O’be 21:30, 31; Rum 8:31; 2 Sam 5:18; Isa 17:5Te ’ba na ’ba ambo kali na ’diyi eselia ’diyi si va, ca Daudi vu oni oji Adulamuaria ewu anya lozurisi; te asikari ongulumuru ’ba Filisitiaa ’diyini aso hema yini e’bu Refaimuaria. 14#1 Sam 22:4; 1 Sur 12:16Daudi ovu o’du nderisi pari okporuri ma alia, te o’du nderisi asikari ongulumuru ’ba Filisitiaa ’diyi ovu Betelehemua. 15Ava ovu Daudi ma asia, eri ’yo ra kini, ’Ba ka te yi mvuza ekole yi a’di ovupi kalitile Betelehemuari ageiariari fe ma dri fo! 16Te ’ba okporu na ’diyi nga di aga asikari ongulumuru ’ba Filisitiaa ’diyi ma eselia, nga yi eko yi a’di ovupi kalitile Betelehemuari ageiaria, yi ’du eri ji Daudi vu. Te eri leni mvu ku; eri osu eri va Yehova drilia, 17#Lev 17:10’yo ra, kini, Yehova la, econi aluni ku mani e’yo ’di ’yezu. Ma nga ari ’ba mupi, idri yini kupi dra sia ’diyini mvu ra ya? E’yo ’disi eri leni mvu ku. ’Ba okporu na ’diyi ’ye e’yo ’diyi. 18#2 Sam 2:18; 1 Sur 11:20Te Abisai Yoabu adri Zeruiya mvi, ovu ’ba ambo agapi ’ba na nde ’diyi eseliari. Eri ’du aju erini ’ba turu na ’diyi dri aruzu, ofu yi, isu ru kuza ani ’ba na ’diyi ma eselia. 19Eri agani ’ba na nde ’diyi inzitasi ku ya? E’yo ’disi ’ba eri ’ba amboru yi drilia; te eri funi dri ovuzu tro tro ’ba na oko ’diyile ku. 20#Yos 15:21; Efu 15:15Te Benaya Yehoyada ’ba uri kokoru Kabizeeliari ma mvi, eri ’ye e’yo amboru, eri ofu anzi iri Arieli ’ba Moabuari vile ’diyi. Indi vini eri si va ’bile alia ewu ozooni ’dizu taluji berisi kami fuzu. 21#1 Sur 11:23Eri fu Vini ’ba Misiriari, ’ba amboru. ’Ba Misiria nderi ovu ndra aju be i dria; te Benaya si va eri vu lote be, pa aju ’ba Misiria nderi ma driasi, fu eri aju eri ngulupinisi. 22Benaya Yehoyada mvi ’ye e’yo ’diyi, isu ru kuza ani ’ba okporu na ’diyi eselia. 23#2 Sam 8:18Eri aga ’ba kali na ’diyi inzitasi, te eri funi dri ovuzu tro tro ’ba na oko ’diyile ku. Te Daudi ’ba eri asikari i agei tepi ’diyi ma drilia. 24#2 Sam 2:18Asaheli Yoabu adri ovu ’ba alu; ’ba kali na ’diyi ma eseliari’i; Elihanani Dodo mvi, ’ba Betelehemuari, 25#1 Sur 11:27Sama Harodiari, Elika Harodiari, 26Helezi Palitiari, Ira Ikesi mvi ’ba Tekoari, 27Abiezeri Anatotiari, Mebunai Husatiari, 28Zalimoni Ahoari, Maharai Neto-fatiari 29Helebu Baana mvi ’ba Netofatiari, Itai Ribai mvi ’ba Gibea suru Benyamininiriari, 30#Lip 12:15; 2:9Benaya Piratoniari, Hiddai engapi yi Gaasia ’diyi ma tiari, 31Abi-aliboni Aribatiari, Azimaveti Bahurimuari, 32Eliaba Saliboniari, Yaseni anzipi,Yonatani, 33Sama Harariari, Ahiamu Saraari mvi ’ba Harariari, 34Elifeleti Ahasibai mvi ’ba Maakaari, Eliamu Ahitofeli mvi ’ba Giloari, 35Heziro Karimeliari, Paarai Aribiari, 36Igali Natani mvi ’ba Zobaari, Bani Gadiari, 37Zeleki Amoniari, Naharai Beerotiari, ’ba afa suza ayaru ombani, Yoabu Zeruiya mvi vile ’diyi ojipiri, 38#2 Sam 20:26; Yos 15:48Ira Itiriari, Garebu Itiriari, 39#2 Sam 11:3, 6Uria Hitiniri: dria kali na drini aziri.

Currently Selected:

2 Samueli 23: LB66

Highlight

Copy

Compare