1 Samueli 21

Daudini apazu Saulosiri

1 # Mat 12:3-4; Mar 2:25-26; Luk 6:3; 1 Sam 22:19; Neh 11:32; Isa 10:32; 1 Sam 14:3 Daudi emu di Nobua, Ahimeleki atalau edeta edepi ri vu; te Ahimeleki emu dri fuzu Daudi be rua yaza be, ’yo eri ma ti, Mi a’dule, ’ba azini mi be yo ’dini a’di e’yosi ya? 2#E’do 27:20-24; 1 Sam 19:11; 22:22; 1 Opi 13:18; Zab 119:29; 141:3; O’be 29:25; Gal 2:12, 13; Kol 3:9Te Daudi ’yo Ahimeleki atalau edeta edepiri ma tia, Opi azi ma tia azi ma e’yo, eri ’yo ma tia, Mi fe ’ba azini ma ni azi mani mi ti pezuri ma e’yo, azini e’yo mani azile mi tiari ku. Te ma ope karile ovuzu pari ’dinile ’diyi ma alia. 3Curu’do, mi dria a’di afani ya? Mi fe ma dri enya olemi towi mi dria, kani afa ngonini ti ovupi indiri. 4#Efu 25:30; Lev 24:5; Mat 12:4; Efu 19:15; Zek 7:3Te atalau edeta edepiri omvi e’yo Daudi ma tia, kini, Ma ovuni enya olemi tokoni be ma dria ku, pe kiri mikate alatararuri; te kiri karile ka yi eka oku be ku. 5#1 Tes 4:4; Lev 8:26Daudi omvi e’yo atalau edeta edepiri ma tia, ’yo eri tia kini, Adaru, oku yi ovuni ama be o’du na ’diyi ma alia ku, afazu karile nde ’diyini yi adri ovu alaru acita amani toko ’diyisi; ka’dini andru afazu yini yi ngani ovu alatararu aga ra ku ya? 6#Lev 24:5-9; Mat 12:3; Mar 2:25; Luk 6:3’Dini atalau edeta edepiri fe di eri dri mikate alatararuri, mikate azini de ’daa yo pe lu mikate ecetaruri ’bani ’dule jile Yehova ma driliasi ra ’yini mikate drizaru ’bazu eri ma paria o’du ’bani eri ’duzurisiri’i. 7#1 Sam 22:9Isu de agu alu ati’ba Sauloni ’diyi ma eseliari indi o’du ’dasi, oga eri Yehova ma milia ’dia; eri ma ru Doegi’i, eri ’ba Edomuari, eri ambo ’ba anyapa Saulo vile ’diyi ocepi ’diyi ma eseliari’i. 8Te Daudi ’yo Ahimeleki ma tia, Aju azini sei mi dria ’dia yo ya? A’disiku ma ezini sei maniri azini afa ombani mani ’diyi ku, a’disiku azi opiniri le pere pereni. 9#1 Sam 17:51; 31:10Te atalau edeta edepi nderi ’yo ra, Sei Goliato ’ba Filisitiaa, ndra mini fule e’bu Elaari ma aliarini, mi ne, eri ’doa ombezaru bongosi efodi ma ngukua; mi ka le eri ’du, mi ’du, a’disiku azini ’doa yo, lu ’di’i. Te Daudi ’yo ra, Azini ’dileni yo, mi efe eri ma dri.

10Daudi enga ra, apa ra o’du ’dasi Saulo ma urisi, eri mu Akisi opi Gatuari vu. 11#1 Sam 18:7; 29:5Te ati’ba Akisini ’yo eri ma tia, Daudi ’diri ovuni opi angu ’doriari ku ya? Yi ngoni ndra ongo yi eselia eri dria ku ya, yini ongo turia kini, Saulo fu ini alifule, Te Daudi fu ini alifu mudrile? 12#Zab 56:1’Dini Daudi ’ba e’yo ’diyi i ma asia, eri ovu urisi tu opi Gatuni Akisi ma e’yosi. 13#Zab 34:1Te eri oja i ma adriza yi ma milia ra, ’ba i yi ma dria ’ba azazale, eri vi afa kalitile ma ruaa, eri ku i ma cucuni ra i ma tibi ma driasi vale. 14Akisi nga di ’yo ati’ba ini ’diyi ma tia kini, Emi ne, emi ndre agu ’diri azazani; emi eji di eri ma vu ’doa a’di e’yosi ya? 15Ma owu ’ba azaza akosi ra ya, emini ani agu ’diri ejizu aza ’yezu ma drilia ’dini? Agu ’diri nga efi ma vile joa ra ya?

Currently Selected:

1 Samueli 21: LB66

Highlight

Copy

Compare