1 Samueli 22

1 # Zab 57:1; 142:1; Yos 12:15; 2 Sam 23:13; 1 Opi 17:3; Mik 1:15; Ebra 11:38 E’yo’disi Daudi mu ’diarisi ra, eri apa oji Adulamunia; te adripi erini pi ka eri ra, yi si andra ’dale eri vu, ’ba i ati vile joa ’diyi be dria. 2#Lip 11:3Te ’ba dria alu alu ovupi e’yo be ’diyi, azini ’ba dria alu alu ovupi mari be ’diyi, azini ’ba ovupi asi draza be ’diyi pie dria, yi oku yi eri vu; eri oju ’ba amboru yi drilia. Yi ovu ’daa eri be ekile ’ba turu sule. 3#E’do 47:11; Efu 20:12; Lev 19:3; Azi 5:16; O’be 10:1; 23:24; Mat 19:19; Yoh 19:25-27; Efe 6:2; 1 Tim 5:4Daudi riga mu ’diarisi Mizipa Moabuaria; eri ’yo opi Moabuari ma tia, Mi ku ma ati pi ma andri be yi ma emu ’dia, ma zi mi tia, yi ma adri mi be, kpere mani e’yo Munguni ngale ’yele ma beri niria. 4Te eri ku yi opi Moabuari be, yi adri be o’du Daudini adrizu pari okporuria ’diyisi dria. 5#2 Sam 24:11; 1 Sur 21:9; 2 Sur 29:25Te nabi Gadi nga ’yo Daudi ma tia, Mi ma adri pari okporu ’dia ku; mi nga, mi mu angu Yudania. Daudi nga di mu ra, eri emu oce Heretiaria Sauloni kuhani Nobua ’diyi efuzuri 6Te Saulo ka eri kini ’ba isu Daudi pi ’bo ’ba ovupi eri be ’diyi be, isu de Sauloni ri Gibea pati itiru ma etia angu uruleruria, aju be i ma dria, azini ati’ba erini dria ’diyi so pa eri ma ageia ci. 7#1 Sam 8:14Te Saulo nga di ’yo ati’ba ini pa sopi i ageia ’diyi ma tia, Emi eri curu’do, emi ’ba Benyaminini ’diyi; Yese mvini nga emi dri alu alu amvu pi fe, amvu zabibuni ’diyi pie ya Azini eri nga emi dria o’ba ovuzu asikari alifu kani turu ma dri cezu ya, 8#1 Sam 20:2; 18:3; 23:16-18emini ani e’yo edezu ma ruaa ndindiru ’di? ’Ba aluni eceni ma dri e’yo ma mvini aziza azizu Yese ma mvi beri ku, ’ba aluni yo emi eselia ovupi masi candisi, ’ba aluni eceni ma dri kini ma mvi eza ati’bo mani ma asisile ma dri aruzu, ma mbazu, ekile o’du andrurisirile ku. 9#1 Sam 21:1, 7; 14:3’Di ma vutia, Doegi ’ba Edomuari ovupi ati’ba Sauloni ’diyi ma driliari, omvi di e’yo ra, kini, Ma ndre Yese mvi erini emuria Nobua, Ahimeleki mvi Ahitubuni vu, 10#Kal 27:21; 1 Sam 21:6, 9azini eri zi Yehovani eri ma e’yosi ra, eri fe eri dri nyaka, azini eri fe eri dri sei Goliato ’ba Filisitiaari vileri ra. 11Opi nga di ’ba ti pe Ahimeleki Ahitubu mvini atalau edeta edepiri omvezu, ’ba eri ma ati vile joa ’diyi be dria, atalau edeta edepi Nobua ’diyi be; yi emu dria opi vu. 12Azini Saulo ’yo ra, Mi eri curu’do, mi Ahitubu mvi’i. Eri omvi, kini, Ma ’do, opi mani. 13’Dini Saulo ’yo eri ma tia, Emi ede e’yo ndindiru ma ruaa, mi’i Yese ma mvi be, mini eri dri mikate pi fezu sei pie, azini mini Mungu zizu eri dri, eri ma enga ma dri aruzu, ma mbazu, ekile o’du andrurisirile ’doni a’di e’yosi ya? 14#1 Sam 19:4, 5; 20:32; 24:11; O’be 31:9Ahimeleki nga di e’yo omvi opi ma tia, ’yo kini, Te a’di ovu ’ba asi ladaru be ati’ba mini ’diyi ma eselia dria ekile Daudile, ovupi opi zi ma agupiru, azini ’ba e’yo amapi mi be; ’diyi ma eseliari, ovupi inzita be tu jo ’mini ma aliarini ya? 15Ma e’do te andru Mungu zizu erisi ra ya? Yo! ’Dini ku. Opi ma ’ba ini e’yo azini i ati’bo pi ma ruaa ku, ’ba dria ma ati vile joa ’diyi be; a’disiku ati’bo mini nini e’yo ’diyi dria, kani gaaru kani lamboru ma efi aluni ku. 16Te opi ’yo ra, Adaru, drazaruni mi nga dra ra, Ahimeleki, mi’i ’ba mi ati vile joa ’diyi be dria. 17#Efu 1:17; ’Yeta 4:19; 5:29Te opi nga di ’yo asikari angu tepi pa osopi eri ma ageia ’diyi ma tia, Emi oja emi, emi fu atalau edeta edepi ’diyi; a’disiku yi ma dri ovu Daudi be indi, azini la’disiku yi ni kini eri apa ’bori ra, te ’yi oluni ma dri ku. Te ati’ba opini ’diyi yi ga dri ’bazu atalau Yehovani iedeta edepi ’diyi ma ruaa si. 18#Zab 12:5; O’be 28:15; 1 Sam 2:31; Efu 28:40Te opi ’yo Doegi ma tia, Mi oja mi, mi ’de atalau edeta edepi ’diyi ma dria. Te Doegi ’ba Edomuari oja ira, eri ’de atalau edeta edepi ’diyi ma dria, eri ofu o’du ’dasi ’ba kali aro drini towi koti alina cile bongo mile be nyiriari supi ’diyi. 19#Neh 11:32; Isa 10:32; Yob 20:19, 20; Zab 10:1-18; Isa 26:13Te Nobu, aku atalau edeta edepi ’diyiniri, eri eza seisi ra; agupi piyi oku be iri tro, anzi piyi odekua ba ndrupi ’diyi be, ti pie, akanya gaaru ’diyi pie, kabilo pie dria, eri ofu yi seisi. 20#1 Sam 23:6; Lip 9:5; 1 Sam 2:33; Yob 1:15, 19Te Ahimeleki Ahitubu mvi ma mvi alu, runi Abiatari’i, pa ira, eri ape Daudi ma vutisi. 21Te Abiatari ece Daudi dri kini Saulo ofu atalau Yehovani edeta edepi ’diyi ’bo. 22Azini Daudi ’yo Abiatari ma tia, Ma ni ndra o’du ’dasi Doegi ’ba Edomuarini ovuria ’daa, kini eri nga olu Saulo tia ecekokoru. Ma eji dra ’ba dria mi ati vile joa ’diyi ma dria, ma’i. 23#1 Opi 2:26; Mat 24:9; Yoh 15:20, 21; 16:2; Ebra 12:1-3Mi adri ma be, mi ru ku; ’ba ma ndapi ma fuzuri eri mi nda fuzu indi; te mi nga ovu ta mbazare kililiru ma be.

Currently Selected:

1 Samueli 22: LB66

Highlight

Copy

Compare