1 Opi 16

1 # 1 Opi 21:20-24; 2 Sur 19:2; 20:24 E’yo Yehovani eca Yehu Hanani mvi vu Baasa ma e’yosi ’yozu, 2#1 Opi 14:7; 1 Sam 2:8; 15:17; Zab 75:6, 7; Yer 27:5; Dan 2:21; 4:17; 1 Opi 15:34Mani mi e’dule uru irifura ma aliasi, mi ’bale opiru ’ba mani Israeli ma driliarisi, te mi aci geri Yeroboamuni ma alia, mi fe ’ba mani Israeli ’ye onzi, adra engazu ma asia e’yo onzi yinisi, 3#1 Opi 14:10; 15:29; 21:22-24; Isa 66:24mi ne, ma nga Baasani ini teke teke suru erini be ra, ma nga fe suru mini ma ovu ekile suru Yeroboamu Nebati mvinirile. 4#1 Opi 14:11’Ba Baasani odrapi akua ’diyi, oce yi nga nyani, ’ba erini odrapi nyamua amve ’diyi, aria ’bua ’diyi nga nyani.

5 # 2 Sur 16:1 ’Yeta azini dria Baasani, e’yo erini ’yele ’diyi pie dria, okpo erini pie, yi sini yi buku opi Israelini ’diyi ma e’yo sizuri ma alia ku ya? 6#1 Opi 14:11; 15:21Te Baasa la i a’bipi be, sa eri Tirizaa; te mvi erini Ela nya opi eri ma pariani. 7#Zab 115:4; Isa 2:8; 44:9; 1 Opi 14:14; 15:27; 2 Opi 10:30, 31; Hos 1:4Azini e’yo Yehovani eca vini nabi Yehu Hanani mvi vu Baasa ma e’yosi, azini suru erini ma e’yosi indi, e’yo iri ’diyisi: erini e’yo onzi ’yele Yehova ma milia adra erini engazu azi eri ma drini ’yelerisi, erini ovule suru Yeroboamunirilerisi, azini erini eri fule kairisi.

Opi nyaza Ela pini Zimiri beri

8Ela Baasa mvi e’do ini opi nyazu Israeli ma drilia Tirizaa eli kali iri drini azia Asa opi Yudanirini opi nyazurisi; eri nya opi eli iri. 9#1 Opi 15:27; 2 Opi 9:31; 12:20; 15:10, 25, 30; 1 Sam 25:36-38; 2 Sam 13:28, 29; 1 Opi 20:16; Yob 31:3; O’be 20:1; Isa 1:28Te Zimiri ati’bo erini, asikari gari ombani erini ma esele awale iri ’diyi ma driliari, eri otu e’yo eri ruaa. Elani ovuria Tirizaa, erini atiria ewa mvuzasi Ariza ’ba aku Tirizaari ma driliari ma joa, 10Zimiri fi, co, fu eri kai, eli kali iri drini aziri Asa opi Yudanirini opi nyazurisi, eri nya opi eri ma pariani. 11#1 Sam 25:24Eri eca ’dini, eri ka fi opiru ’bo, coti eri ofu suru Baasani dria; eri kuni agupimva ori’ba erini ma eselia, kani agyi erini ma eselia aluani ku. 12#Isa 40:8; 1 Pet 1:25’Dini Zimiri ja suru Baasani ma dri dria, ekile Yehovani ’yole Baasa ma e’yosi nabi Yehu ma tisirile, 13#Isa 3:16; Azi 32:21; 1 Sam 12:21; 2 Opi 17:15; Isa 41:29; Yer 10:8, 15; Yon 2:8; 1 Kor 8:4; 10:19e’yo onzi dria Baasa pini mvi erini Ela be ’diyi ma e’yosi yini ’yeleri, azini yini fele Israelini ’yele indirisi, adra Yehova Mungu Israelinirini engazu e’yo toko toko yinisi. 14’Yeta azini dria Elani, e’yo erini ’yele ’diyi pie dria, yi sini yi buku opi Israelini ’diyi ma e’yo sizuri ma alia ku ya?

15 # Yob 20:5; Zab 37:35; 1 Opi 15:27 Zimiri nya ini opi Tirizaa o’du aziri a’dule, eli kali iri drini aziri Asa opi Yudanirini opi nyazurisi. Isu de ’ba ongulumuru oku yi ngonde Gibetoni aku ’ba Filisitiaa ’diyiniri ma ageia a’di ’dizu eri be. 16’Ba yi okupi ngonde a’di ’dizu ’diyi yi eri kini, Zimiri otu e’yo opi ma ruaa, fu eri indi; e’yo ’disi Israeli dria yi ’ba Omiri, ovupi asikari dria ma driliari, opiru o’du nderisi pari yini yi okuzu a’di tezuria. 17Te Omiri tu uru Gibetoniasi tualu Israeli be dria, yi ace Tirizani kuru kuru. 18#Lip 9:54Eri eca ’dini, Zimiri ka ne yi pa aku nderi ’bo, eri fi pari okporu opi vile jo ma alialeruria, eri ’ba jo ma ti i ngulupi ma dria acisi, dra ra, 19#Zab 9:16; 1 Opi 12:28; 15:26e’yo onzi erini ’yelerisi, onzi erini ’yele Yehova ma milia erini acizu geri Yeroboamuni ma aliarisi, azini e’yo onzi erini ’yele erini fele Israelini ’yele ’diyisi indi. 20’Yetu azini dria Zimirini ’yele ’diyi, ’lokiri erini e’yo otuzuri pie, yi sini yi buku opi Israelini ’diyi ma e’yo sizuri ma alia ku ya?

Omirini opi nyazuri

21 # Isa 9:18 ’Di ma vutia ’ba Israelini co yi ma esele iri; esele alu azini bi Tibini Ginati mvi ma vuti eri ’bazu opiru, esele aziniri bi Omiri ma vuti. 22Te ’ba Omiri ma vuti bipi ’diyi yi aga ’ba Tibini Ginati mvi ma vuti bipi ’diyi ra; ’dini Tibini dra ra, te Omiri ovu opiruni. 23Omiri e’do ini opi nyazu Israeli ma drilia eli kali na drini alu ewu Asa opi Yudanirini opi nyazurisi, eri nya opi eli mudri drini iri; te eri nya opi eli azia Tirizaa. 24#1 Opi 13:32; 2 Opi 17:24; Yoh 4:4Te eri je Semeri dri oni Samariari onzi iri dahabururisi; eri si aku okporu oni nderi dria, eri ’da aku nde erini sileri ma ru Samaria, Semeri oni nderi ma e’i ma ru vusi. 25#1 Opi 14:9; Mik 6:16Omiri ’ye e’yo ovupi onzi Yehova ma miliari, eri ’ye onzi aga ’ba dria ovupi eri ma drilia oko ’diyini ’yeleri ra. 26#Yer 16:19; ’Yeta 14:15; Rum 1:21Eri ad geri Yeroboamu Nebati mvini ma alia dria, azini e’yo onzi erini fele Israelini ’yele ’diyi ma alia indi, adra Yehova Mungu Israelinirini engazu e’yo toko toko yinisi. 27Yeta azini dria Omirini ’yele ’diyi, okpo erini eceleri be, yi sini yi buku opi Israelini ’diyi ma e’yo sizuri ma alia ku ya? 28Te Omiri la i a’bipi be, sa eri Samariaa; te mvi erini Ahabu nya opi eri ma pariani.

Ahabuni opi nyazuri

29Ahabu Omiri mvi e’do ini opi nyazu Israeli ma drilia eli kali na drini aro Asa opi Yudanirini opi nyazutisi, te Ahabu Omiri mvi nya opi Samariaa Israeli ma drilia eli kali iri drini iri, 30Te Ahabu Omiri mvi ’ye e’yo ovupi onzi Yehova ma miliari aga ’ba dria ovupi eri ma drilia oko ’diyini ’yeleri ra. 31#E’do 6:2; Azi 7:3; Yos 23:12; 1 Opi 18:4-19; 19:1, 2; 2 Opi 9:30-37; Lip 18:7; 1 Opi 21:25; 2 Opi 10:18; 17:16Te ’ acizu e’yo onzi Yeroboamu Nebati mvini ma aliari ovu eri ma milia e’yo wereni, te drinia eri ’du vini Yezebeli Etibaali opi Sidoniari zini oku iniru, eri mu azi ngazu Baali dri, eri inzizu. 32#2 Opi 10:21-27Eri si pari edeta edezuri Baali dri, jo Baalini erini sile Samariaari ma alia. 33#Efu 34:13; 2 Opi 17:10; Yer 17:2; 1 Opi 21:25Ahabu ede Asera. Ahabu ’ye e’yo aka adra Yehova Mungu lsraelinirini engazu aga opi dria Israelini eri drilia oko ’diyini ’yeleri ra. 34#Kal 15:30; Yos 6:26; Zab 119:89, 126; O’be 13:13; Isa 40:8; Mat 24:35; Mar 13:31; Luk 21:33; 1 Pet 1:25Ewu erinisi Hieli ’ba Beteliari si Yeriko; erini aku ndu ’baria, Abiramu mva erini osipi okori dra ra, erini kalitile edreria uru Segubu mva vile asizuri dra ra, ekile e’yo Yehovani erini ’yole Yosua Nuni mvi ma tisirile.

Currently Selected:

1 Opi 16: LB66

Highlight

Copy

Compare