1 Opi 15

Abiyamuni opi nyazuri

1Abiyamu e’do ini opi nyazu Yuda ma drilia eli mudri drini aro Yeroboamu Nebati mvini opi nyazurisi. 2#2 Sur 11:21; 13:2Eri nya opi eli na Yerusalemua. Andri erini ma ru Maaka, Abisalomu zi’i. 3#1 Opi 11:4; Zab 119:80Eri bi e’yo onzi dria i atini ’yele i ma drilia oko ’diyi ma vuti; asi erini ovuni dria onyiru Yehova Mungu erini vu ekile i a’bi Daudi ma asini ovulerile ku. 4#E’do 12:2; 19:29; 2 Sur 21:7; Isa 37:35Te ti, Daudi ma e’yosi, Yehova Mungu erini fe eri dri tala Yerusalemua, eri ’ba mvi erini eri ma paria eri vutia, Yerusalemuni edrezu okporu; 5#1 Opi 14:8; Luk 1:6a’disiku Daudi ’ye e’yo ovupi onyiru Yehova ma miliari, e’yo dria erini azile eri tia ’diyi eri ojani i yi vusi ewu erinisi dria ku, pe kiri Uria ’ba Hitini ma e’yo’i. 6Te omba ovu ndra Rehoboamu pi ma eselia Yeroboamu be ewu erini ovuzu idrirurisi dria.

7 # 2 Sur 13:2, 3, 22 ’Yeta azini dria Abiyamuni, e’yo erini ’yele ’diyi pie dria, yi sini yi buku opi Yudaa ’diyi ma e’yo sizuri ma alia ku ya? Omba ovu vini Abiyamu pi ma eselia Yeroboamu be. 8#2 Sur 14:1Te Abiyamu la i a’bipi be, yi sa eri aku Daudiniria. Mvi erini Asa nya opi eri ma pari ani.

Asani opi nyazuri

9Asa e’do ini opi nyazu Yuda ma drilia eli kali iri Yeroboamu opi Israelinirini opi nyazurisi. 10Eri nya opi eli kali su drini alu Yerusalemua. Andri erini ma ru Maaka, Abisalomu zi’i. 11#2 Sur 14:2; 15:17Te Asa ’ye e’yo ovupi onyiru Yehova ma miliari, ekile i a’bi Daudini ’yelerile. 12#1 Opi 14:21; 22:46Eri onze agupi ali o’bapi agupi azinisi ’diyi dria angu nderiasi, eri onze vini wura inzizaru i a’bipini edele ’diyi dria ra. 13#Azi 13:6; 33:9; 2 Sur 15:16; Mat 10:37; 19:29; Luk 12:51, 53; 14:26; Efu 32:20Eri nze vini andri Maakani pari inzizaru opi andriniriasi, a’disiku erini wura ngule onzi Aseraniri edelerisi; te Asa ga wura erini va, ve eri yi raza Kidroni ma tia. 14#1 Opi 22:43; 2 Sur 15:17Te pari uruleru ’diyi eri nzeni ku. Te Asa ma asi ovu dria onyiru Yehova vu ewu erinisi dria. 15Eri ofi jo Yehovania afa i atini opele ndu ’diyi pi afa i ngulupini opele ndu ’diyi be, afa dahaburu pi, afa meleru pie, imvu pie.

Asa pini ti ecizu Beni-hadadi beri

16Te omba ovu ndra Asa pi ma eselia Baasa opi Israelini be ewu yinisi dria. 17#2 Sur 16:1; Yos 18:25; 1 Sam 15:34; 1 Opi 12:27Te Baasa opi Israelini tu a’di ’dizu Yuda be, eri si Rama, ’dini eri ma oga ani geri ’ba fupi Asa opi Yudani vusi ’diyi pi dri ’ba fipi eri vu ’diyi be dria. 18#1 Opi 20:1-5, 33, 34; 2 Opi 8:7-15; 2 Sur 16:2; E’do 14:15; 1 Opi 11:23’Di ma vutia Asa o’du dahabu dria acepi lonyi ovupi jo Yehovani ma aliari ma eselia ’diyi pi mele be dria, azini lonyi ovupi opi vile joa ’diyi be, eri fe yi ati’ba erini ’diyi dri; opi Asa pe yi ti Beni-hadadi Tabirimoni Hezioni mvi ma mva vu, eri opi Suriaa ovupi Damasikiari’i, ’yozu kini, 19Aziza ovu ama eselia mi be, azini ndra ma ati pi ma eselia mi ati be mi ne, ma pe afa feza dahaburu azini meleru ma ti mi dri ’di; mi mu di aziza emini emi eselia Baasa opi Israelini beri anzu, ’dini, eri ma nga ma vusi ani beni. 20#2 Opi 15:29; Lip 18:29; 2 Sam 20:14Te Beni-hadadi eri e’yo opi Asaniri ra, eri pe asikari ovupi asikari erini ma drilia ’diyi a’di ’dizu aku Israelini ’diyi be, eri eza yoni pi, Dani pie, Abeli-beti-maaka pie, Cineroti pie dria, angu Nafutaliari pie dria. 21Eri eca ’dini, Baasa ka e’yo nderi eri ra, eri ku Ramani sikokoru ja, eri ovu Tirizaa. 22#2 Sur 16:6; 1 Sam 8:16, 17; Yos 21:17; 1 Sam 7:6’Di ma vutia opi Asa oji e’yo Yudaasi dria, aluni peni i ku, yi o’du oni azini pari Baasani Ramani sizu ’diyi, ji ra; te opi Asa si ani afa ndesi Geba angu Benyaminiari pi Mizipa be.

23 # 2 Sur 16:12; Zab 90:10; Ekl 12:1 ’Yeta azini dria Asani, okpo erini pie dria, e’yo erini ’yele ’diyi pie dria, aku erini sile ’diyi pie, yi sini yi buku opi Yudaa ’diyi ma e’yo sizuri ma alia ku ya? Te ewu erini ovuzu mbazaururisi, azo ’ye eri paa. 24#1 Opi 22:41-43; 2 Sur 17:1; Mat 1:8Te Asa la i a’bipi be, sa eri a’bipi be aku i ati Daudiniria; te mvi erini Yehosafati nya opi eri ma pariani.

Nadabuni opi nyazuri

25Nadabu Yeroboamu mvi e’do ini opi nyazu Israeli ma drilia eli iri Asa opi Yudanirini opi nyazurisi; eri; nya opi Israeli drilia eli iri. 26#1 Opi 12:30Te eri ’ye e’yo ovupi onzi Yehova ma miliari, eri aci geri i atiniria, e’yo onzi erini fele Israelini ’yeleri ma alia. 27#1 Opi 14:14; Yos 19:44; 21:23; 1 Opi 16:15Te Baasa Ahiya mvi, suru Isakariniri otu e’yo eri ruaa, fu eri Gibetoni aku ’ba Filisitiniria; isu de Nadabu pi ’ba Israelini be dria yi ace Gibetoni ma agei ombasi kuru kuru. 28#Azi 32:35Adaru eli na Asani opi nyazu Yuda driliarisi, Baasa fu eri kai ra, eri nya opi eri ma pariani, 29#1 Opi 14:10, 14; Yob 18:13-21; Zab 21:10; 37:28, 38; Isa 14:20Eri eca ’dini, eri ka fi opiru ’bo, coti eri ofu suru Yeroboamuni dria; eri kuni ’ba aluni mile beni suru Yeroboamuniria ku, cazu erini yi ofuzu driaria, ekile Yehovani ’yole ati’bo erini Ahiya ’ba Siloari ma tisirile; 30eri ovu ’dini e’yo onzi Yeroboamuni ’yele ’diyi ma e’yosi, azini e’yo onzi erini fele Israelini ’yelerisi, indi vini e’yo onzi erini ’yele aka adra Yehova Mungu Israelinirini engazurisi.

31’Yeta azini dria Nadabuni, e’yo erini ’yele ’diyi pie dria, yi sini yi buku opi Israelini ’diyi ma e’yo sizuri ma alia ku ya? 32A’di ovu ndra Asa pi ma eselia Baasa opi Israelini be ewu yinisi dria. Baasani opi nyazuri 33Baasa Ahiya mvi e’do ini opi nyazu Israeli drilia Tirizaa eli na Asa opi. Yudanirini opi nyazurisi, te eri ovu opiru eli kali iri drini su. 34#1 Opi 12:28, 29; 13:33; 14:16Eri ’ye e’yo ovupi onzi Yehova ma miliari, eri aci geri Yeroboamuni ma alia, azini e’yo onzi erini fele Israelini ’yeleri ma alia.

Currently Selected:

1 Opi 15: LB66

Highlight

Copy

Compare