Salmos 6
6
Doente de corpo e alma
1Do mestre do coro, con instrumentos de corda, co octacordio. Salmo de David.
2Señor, non me reprendas con ira
nin me corrixas con asaño.
3Apiádate, Señor, que estou esmorecido,
sándame, Señor, que tremen os meus ósos.
4A miña alma treme,
e ti, Señor, a que esperas?
5Volve, Señor, sálvame a vida,
líbrame, pola túa misericordia.
6Non hai entre os mortos quen te lembre,
e no abismo quen te loa?
7Estou esgotado de tanto xemer:
de noite rego cos choros o meu leito
e mollo de bágoas a miña cama.
8Os meus ollos están anubrados coa dor,
avellados, por culpa dos opresores.
9Arredádevos de min os malfeitores,
pois o Señor escoita o meu salouco;
10o Señor escoita a miña súplica,
acolle a miña oración.
11Avergonzaranse e tremerán os meus inimigos,
nun instante volverán avergonzados.
Dereitos reservados: SEPT