Salmos 138
138
(137) Obra das túas mans
1De David.
Douche as grazas, Señor, de todo corazón,
cántoche diante dos anxos;
2póstrome cara ó teu templo
e bendigo o teu nome,
polo teu amor e a túa fidelidade.
Mesmo máis grande cá túa sona
fixeches a túa promesa.
3Cando te chamo, ti respóndesme
e acrecentas as miñas forzas.
4Daranche as grazas, Señor,
todos os reis da terra,
cando oian os ditos da túa boca.
5Cantarán os camiños do Señor,
pois grande é a gloria do Señor.
6Abofé, o Señor é excelso:
pon a súa atención nos humildes
e coñece os soberbios desde lonxe.
7Cando me vexo en apuro,
ti consérvasme a vida.
Contra o furor dos meus inimigos
estendes a túa man,
a túa dereita libérame:
8o Señor leva ata o final a miña causa.
O teu amor, Señor, é eterno;
non abandones as obras das túas mans.
Currently Selected:
Salmos 138: ABGS
Highlight
Copy
Compare
Share
Want to have your highlights saved across all your devices? Sign up or sign in
Dereitos reservados: SEPT
