Xoel 3
3
II. O DÍA DO SEÑOR
Tempo salvífico pola efusión do Espírito
1Despois disto sucederá
que verterei o meu Espírito sobre toda carne,
e os vosos fillos e mais as vosas fillas
converteranse en profetas.
Os vosos anciáns soñarán soños,
os vosos mozos verán visións.
2Tamén sobre os servos e mais as servas
verterei naqueles días o meu Espírito.
3Farei prodixios no ceo e mais na terra:
sangue, lume e columnas de fume.
4O sol cambiarase en escuridade
e a lúa en sangue,
ante a chegada do día do Señor,
do día grande e terrible.
5Pero sucederá que todo aquel que invoque o nome do Señor se salvará,
pois no monte Sión e en Xerusalén será dado o perdón
—tal como o prometeu o Señor—
e tamén para os fuxitivos que chame o Señor.
Currently Selected:
Xoel 3: ABGS
Highlight
Share
Copy
Want to have your highlights saved across all your devices? Sign up or sign in
Dereitos reservados: SEPT
