Intembauzyo 96
96
(1 Makani 16.23-33)
Kulumbaizya Mwami Leza
1Amwiimbile Mwami Leza lwiimbo lupya, amwiimbile Mwami Leza nobanyika yoonse.
2Amwiimbile Mwami Leza, amutembaule zina lyakwe,
amwaambilizye mbwafutula bantu buzuba abuzuba.
3Amwaambilizye bulemu bwakwe kumasi oonse,
mwaambilizye milimo yakwe iigambya njacita akati kabantu boonse.
4Iiyi, Mwami Leza, mmupati, uleelede kulumbaizigwa,
uleelede kuyoowegwa kwiinda baleza boonse.
5Kayi baleza bamisyobo yoonse mituni buyo,
pele Mwami Leza nguwakalenga majulu.
6Bulemu anguzu nzizyakwe, zili mucikkalilo cakwe cisalala.
7Amutembaule Mwami Leza nomikwasyi yamisyobo yoonse,
amutembaule bulemu anguzu zyakwe.
8Amuzumine kuti bulemu buli mweelede, amupe zipaizyo muze kuŋanda yakwe.
9Amumukombe nalibonya mubusalali bwakwe, muzyangame kuli nguwe nobamunyika yoonse.
10Amwaambe akati kabamasi kuti, “Mwami Leza nguulela.”
Nkaako nyika ilijisi tiikonzyi kutenkaanyizigwa pe ulabeteka bantu tasalululi pe.
11Nozyamujulu azyamunyika amusekelele, lwizi azili mumo zivuume.
12Nomyuunda amusekelele azili mulindinywe, aalo masamu aamusokwe aimbe cakukondwa.
13Aaimbe kumbele lya Mwami Leza nkaambo ulaboola, ulaboola kubeteka nyika.
Uzoobeteka nyika mubululami, kubeteka bantu mukasimpe.
Currently Selected:
Intembauzyo 96: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
