Intembauzyo 95
95
1Amuboole twiimbile Mwami Leza cakutangala, tupozomokele mwaala walufutuko lwesu.
2Atuboole kumbele lyakwe tumulumbaizye, tumutembaule munyimbo.
3Kayi Mwami Leza ngu Leza mupati, ngo Mwami mupati kwiinda baleza boonse.
4Nyika yoonse mbwiibede ili mumaanza aakwe, nsonga yazilundu njiyakwe.
5Lwizi ndulwakwe nkaambo nguwakalulenga, nguwakabumba nyika amaanza aakwe.
6Amuboole tumukombe, atufugame kumbele lya Mwami Leza wakatulenga.
7Nkaambo ngo Leza wesu, ndiswe bantu mbeembela, tulibutanga, butanga mbwalanga.
Kuti mwamvwa majwi aakwe sunu buno buzuba,
8mutabi basicinguni mbuli bwakali baku Meliba,
mbuli mbubakabede buzuba buya ku Masa munkanda,
9ooko basikale banu nkubakandisola akunditepaula,
nikuba kuti bakalibonena nzindakacita.
10Kwamyaka iili makumi one ndakalilinyemenede zyalani eeli ndakati,
“Mmbantu bataswiilili, tabana ziba nzila zyangu.”
11Nkaako ndakakonkezya mubukali bwangu, ndakati,
“Tabakooyoonjila mukulyookezya kwangu.”
Currently Selected:
Intembauzyo 95: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
