Intembauzyo 36
36
Kumweendelezi wanyimbo. Lwiimbo lwa Devedi mubelesi wa Mwami Leza
1Mukati kamoyo wamuntu mubi momutalikila cibi, nkaambo walo talemeki Leza.
2Ulalisumpula kapati, uyeeya kuti Leza takonzyi kuziba cinyonyoono cakwe kuti amusubule.
3Waamba majwi aalucengo mabi, zyabusongo, zibotu tayandi kuzicita.
4Ukanza bubi nalede abulo, kunzila mbi nkwalyaaba, unyina kasesi abubi.
5Kujulu kwini nkokujanika luyando lwako lutazungaani, O Leza,
kulasika akujulu kusyomeka kwako.
6Mbubulibonya zilundu mbobulibonya bululami bwako bupati,
bubetesi bwako mbulamfu mbuli mpisi yalwizi,
uubamba banyama abantu boonse nduwe O Mwami Leza.
7Lulagwasya kapati luyando lwako lutazungaani,
mucimvule camababa aako balemenede abantu buyo mobayubila.
8Zilyo nzyobapa balalya akulilekela, mumulonga wazileleko zyako mobanywa.
9Kasensa kabuumi nduwe, mumuni tuluubona mukumweka kwako.
10Kobayanda lyoonse aabo bakuzi, aabo baluleme mumyoyo kobatondezya lufutuko lwako.
11Atanditandaanyi muntu uulisumpula, atanditandili maanza aasizibi.
12Basizibi mbaaba baliwida, tabatibuke, babbuntilwa ansi.
Currently Selected:
Intembauzyo 36: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
