Intembauzyo 136
136
1Amumulumbe Mwami Leza nkaambo mmubotu, luyando lwakwe ndwalyoonse alyoonse.
2Amumulumbe Leza waba leza, luyando lwakwe ndwalyoonse alyoonse.
3Amumulumbe Mwami Leza, luyando lwakwe ndwalyoonse alyoonse.
4Ngonguwe ooyo alikke uucita milimo iigambya, luyando lwakwe ndwalyoonse alyoonse.
5Ooyo wakalenga julu mubusongo bwakwe, luyando lwakwe ndwalyoonse alyoonse.
6Ooyo wakatandabika nyika atala aamaanzi, luyando lwakwe ndwalyoonse alyoonse.
7Ooyo wakalenga mimuni mipati, luyando lwakwe ndwalyoonse alyoonse.
8Zuba kweendelezya sikati, luyando lwakwe ndwalyoonse alyoonse.
9Mwezi anyenyezi kweendelezya masiku, luyando lwakwe ndwalyoonse alyoonse.
10Nguwakajaya bana bakusaanguna baba Ijipiti, luyando lwakwe ndwalyoonse alyoonse.
11Ngonguwe wakagwisya Baisilayeli akati kabo, luyando lwakwe ndwalyoonse alyoonse.
12Wakabagwisya ajanza jumu akuboko kutandabede, luyando lwakwe ndwalyoonse alyoonse.
13Nguwe ooyo wakaandaanya lwizi lusalala, luyando lwakwe ndwalyoonse alyoonse.
14Walwaandaanya kuti Baisilayeli bazubuke, luyando lwakwe ndwalyoonse alyoonse.
15Nguwakanyikizya Falo ampi yakwe mulwizi lusalala, luyando lwakwe ndwalyoonse alyoonse.
16Wakasolweda bantu bakwe munkanda, luyando lwakwe ndwalyoonse alyoonse.
17Bami bapati wakabapwaya, luyando lwakwe ndwalyoonse alyoonse.
18Bami banguzu nguwakabajaya, luyando lwakwe ndwalyoonse alyoonse.
19Nguwakajaya Sihoni mwami wa Baamoli, luyando lwakwe ndwalyoonse alyoonse.
20Wakajaya a Ogi mwami wa Basyani, luyando lwakwe ndwalyoonse alyoonse.
21Wakaaba nyika yabo kuti ikonwe, luyando lwakwe ndwalyoonse alyoonse.
22Wakiiaba kuti ikonwe aba Isilayeli babelesi bakwe, luyando lwakwe ndwalyoonse alyoonse.
23Mumapenzi eesu nguwakatuyeeya, luyando lwakwe ndwalyoonse alyoonse.
24Wakatuvuna kuzwa kuli basinkondoma, luyando lwakwe ndwalyoonse alyoonse.
25Nguupa zilyo kuzilenge zyoonse, luyando lwakwe ndwalyoonse alyoonse.
26Amumulumbe Leza wajulu, luyando lwakwe ndwalyoonse alyoonse.
Currently Selected:
Intembauzyo 136: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
