Intembauzyo 137
137
1Kumbali aamilonga ya Babuloni nkutwakakkala, twakalila nitwakayeeya Ziyoni.
2Kumikumbuzu iili kooko nkutwakaanzika tulumbu, nkonkuko nkutwakaanzika tulumbu twesu.
3Ooko bakatwaangide bakati tubaimbile nyimbo,
bakalikutupenzya bakayanda nyimbo zyalutangalo bakati,
“Amutwiimbile nyimbo zyaku Ziyoni.”
4Twakati, “Ino inga twaimba buti lwiimbo lwa Leza mucisi cimbi?”
5Naa ndakuluba, O Jelusalemu, janza lyangu lyalulyo lilube, lipuutile.
6Mulaka wangu unamatile kucilakula, intacikonzyi limbi kwiimba pe.
Intaciimbi limbi kuti naa intakuyeeyi, kuti naa nketayeeyi kuti
kwiinda zyoonse nduwe oondikondelezya, nduwe oondikondelezya, O Jelusalemu.
7Koyeeya, O Mwami Leza, yeeya cakacita Baedomu buzuba bwakoolwa Jelusalemu.
Bakati, “Uumwaigwe, kuumwaigwa buyo, umwailwe limwi mane kukabe kutamani.”
8O mwami wa Babuloni weelede kunyonyoonwa, ulaacoolwe ooyo uukubweedezezya bubi,
ukubweedezezya bubi akaambo kazeezyo nzyookatucita.
9Ulaacoolwe ooyo uubweza tumvwanda twamumunzi, ooyo uutuumya amyaala.
Currently Selected:
Intembauzyo 137: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
