Loma 3
3
1Nanchi Muyudea washukilwa paka? Nangwa mu mukanda namo umwenamo ka? 2Mwavula monsetu! Kitanshi kine, mambo bapelwe bukalama bwa byambo bya Lesa. 3Nanchi inge bamo babujile kwitabila, nanchi kubula kwitabila kwabo kwakonsha kwalula bukishinka bwa Lesa ke bwatu nyi? 4#Sala 51:4Abyo ne! Lesa ekale wa kine nangwa bantu bonse baikala ke ba bubela. Monka mo kyanembelwa amba,
“Bemubingishe mu byambo byenu,
kabiji mukabingishiwa pa kwiya mukije.”
5Bino umvwe bumbulwa koloka bwetu bumwesha bololoke bwa Lesa, tusa kwamba ka? Lelo aye Lesa byo amwesha bukaji pe atweba wabula koloka nyi? (Naambatu mwambila bantu.) 6Abyo ne! Mambo umvwe byonkabyo aye Lesa ukachiba byepi mambo aba pano pantanda?
7Bino umvwe mu bubela bwami mo mumwekela kuvula kwa bukine bwa Lesa kwa kumuletela lukumo, mambo ka amiwa kyombena kuzhachishiwa nobe ndengamambo? 8Kabiji mambo ka kyo twabujila kwamba amba, “Twayai tube byatama amba, byawama bimweke?” Byonka byo betubepela bamo amba, byo byotwamba! Byonkabyo kuzhatwa kwabo kwibafwainwa.
Kafwako waoloka ne
9Nanchi byepi? Atweba Bayudea twibakila mu kuwama nyi? Ine, nangwa pachechetu ne! Mambo twibashiina kala bonse Bayudea, ne Bagiliki pamo amba bonsetu baji mu mambo. 10#Sala 14:1-3; 53:1-3Monka mo kyanembelwa amba,
“Kafwako waoloka, nangwa umotu ne,
11kafwako wakwatakanya ne,
kafwako ukeba Lesa ne.
12Bonse basenduka,
bonse ba aluka ke batu;
kafwako uba byawama ne, nangwa umotu ne.
13 #
Sala 5:9;
Sala 140:3
Mijibu yabo byo bilende bya kyashi,
ku njimi yabo bajimbang'enako,
bulembe bwa mulolo kishipila buji munshi ya byatunwa byabo;
14 #
Sala 10:7
tunwa twabo twayula mafingo ne bululu.”
15 #
Isa 59:7,8 “Maulu abo aya lubilo na kwichila mashi;
16mu mashinda abo muji bono ne malwa.
17Ne jishinda ja mutende kechi bejiyuka ne,
18 #
Sala 36:1
kafwako moyo wa kwakamwa Lesa ku meso abo ne.”
19Bino twayuka namba byonse byaamba Mizhilo ibambila baji mu Mizhilo, amba bulaka bwibashinke bonse ne ba pano pantanda bonse bafwe nao kwi Lesa. 20#Sala 143:2; Nga 2:16Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.
Bololoke bumwekela mu lwitabilo
21Pakuba pano bololoke bwa Lesa bwamweka, bwa kubula mu Mizhilo, nangwa bwashimunwa mu ma buku a Mizhilo ne aba ngauzhi. 22#Nga 2:16Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne. 23Mambo bonse balenga mambo, kabiji bapelelelatu ne kufika ku lukumo lwa Lesa ne. 24Pakubinga bebabingishatu ku bupe bwanji monka mu bukuuzhi bwa mwi Kilishitu Yesu. 25Ye a mwesheshe Lesa amba ekale mfuto ya mambo, ya mu lwitabilo lwa mu mashi anji. Mu kumwesha bololoke bwa Lesa bwa kulekela ao mambo a lengelwe kala, monka mu kukooka muchima kwa Lesa. 26Naamba namba mambo a kumwesha bololoke bwanji pa kyo kino kimye, amba mwine ekale waoloka, ne wakumubingisha awa waitabila mwi Yesu. 27Lelo kabiji kwitota kwetu kuji pi? Kafwako! Kabiji ng'anyi mambo? Na ng'anyi muzhilo? Wa mingilo nyi? Ine, poso na muzhilo wa lwitabilo. 28Onkao mambo atweba twa amba namba, muntu ubingila ku lwitabilo kwakubula mingilo ya mu Mizhilo. 29Nanchi aye Lesa ye wa Bayudea bonka nyi? Kechi ye Lesa wa Bangentila nabo nenyi? Ee kabiji, ne Bangentila nabo pamo. 30#Mpitu 6:4; Nga 3:20Kabiji byo aji Lesa umotu, ukebabingisha ba mukanda ku lwitabilo, ne babula mukanda nabo monka mu lwitabilo. 31Nanchi atweba tonauna Mizhilo na lwitabilo nyi? Ine kabiji, abyo ne, twaikajika Mizhilo.
Currently Selected:
Loma 3: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
