Hɛnkilimaya-Kumɛnu 28
28
1Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.
2Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.
3Kun-tigi bolo-kolɔn min bi a ta-nyɔgɛ bolo-kolɔn yakɔrɔ-mamɔla, wo mani de iko bandɛ min bi nala ka ki-fannu tinya.
4Mɔgɛ min ti sɔn tɔn-bira-koe ma, wonu si karagbɛlɛnu matɔgɔ. Kɔnɔ mɔgɛ minnu si tɔn bira, wonubɛ karagbɛlɛnu ti bɛn.
5Karagbɛlɛnu ma telenbagayɛ lɔn. Kɔnɔ mɔgɛ minnu bi Mari batola, wonu ya telenbagayɛ lɔn.
6Yanni i ni ma nɔnfulu-tigi la, i la ma telen, a fisa, i ni to bolo-kolonyɛ rɔ, i latelennɛ.
7Den-hɛnkilimɛ si tɔn bira. Kɔnɔ dan min bi mɔgɔ-rakolɔn mala a diyana-mɔgɛ la, wo si ma a fa miliya-koe la.
8Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.
9Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.
10Mɔgɛ min bi mɔgɔ-latelennɛ labuila hakɛ rɔ, wo tigi si bira a nyɛrɛta gbɛrɛ-lasiginɛ la. Kɔnɔ fɛɛ sa mɔgɛ min na, wo si sabati.
11Fen-tigi ya a lɔn ko hɛnkili ye ale le la. Kɔnɔ bolo-kolɔn min ya ko lɔn, wo ma fen-tigi lɔn hɛnkilimɛ la.
12Ni mɔgɔ-nyimɛ ya sɛnbɛ sɔrɔn, mɔgɛ bɛɛ si sewa. Kɔnɔ ni wunduyoge ya sɛnbɛ sɔrɔn, mɔgɛ bɛɛ si anu dogon a kɔrɔ.
13Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.
14Mɔgɛ min bi tola Mari gbiliyala, wo tigi si sewa. Kɔnɔ min bi tola a yisi gbɛlɛyala, wo tigi si tinya pɔ!
15Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.
16Kun-takolɔn wa kun-tigiyɛ sɔrɔn, a si wunduyogoyɛ sigi mɔgɛnu ma. Kɔnɔ ni mɔgɛ ya a kan-kɔ sɔ kensunya-fannu na, a si simayɛ sɔrɔn.
17Mɔgɔ-fagalɛ-yisi ti sa. A yisi si to a tɔrɔla ha a si faga, ado mɔgɔ-wo-mɔgɔ kana a dɛnbɛ.
18Mɔgɔ-latelennɛ si taran a diya kɔnɔ telenbɛlɛ si bui fugbu!
19Mɔgɛ min bi ala sɛnɛ fɛ-birala a kilɛ fɛ, dɔn-fan ti ban wo warɛ. Kɔnɔ mɔgɛ min bi yabatoyɛ ladanna tuma-wo-tuma, bolo-kolonyɛ si wara wo ma.
20Lanaya-mɔgɛ si duwɛ sɔrɔn boi, kɔnɔ wodi-kalama-nyininɛ anubɛ tɔrɔyɛ ti fara.
21Ka lafisayalɛ kɛ, wo ma kin, ado kiti-tɛgɛla-su wo si a nyɛrɛ kuman-kan yɛlɛma dɔgɔma-kundu kelan fɛ.
22Mɔgɛ min bi hɔnna a nyɛrɛ la alako a ni wodi sɔrɔn tiriya, a ma a lɔn ko bolo-kolonyɛ ye a makɔnɔna yarɔ.
23Mɔgɛ min bi ila fɛɛ yirala i la, wo ye i dɛnbɛn-koe le tɔ ka tenbi i matɔgɔlɛ la.
24Mɔgɛ min bi a sɔrɔnbagɛnu kankanna, a ni a fɔ ko, “Tana ma kɛ la,” wonubɛ kasarantenu takɛn de!
25Mɔgɛ min si hɔn a nyɛrɛ la, wo si kɛlɛ-nyɔgɔnyɛ lawuli le. Kɔnɔ mɔgɛ min bi lala Mari la, wo wara-koe si to tala yarɔ.
26Mɔgɔ-wo-mɔgɔ lara a nyɛrɛ la ha, kun-takolɔn le wo tigi la. Mɔgɛ min bi tagamana hɛnkilimayɛ rɔ, wo tigi si simayɛ sɔrɔn.
27Mɔgɛ min bi hinala bolo-kolɔn la ka anu kɔ, fenfen ti dasa wo tigi la. Kɔnɔ mɔgɛ min bi a yɛ firindila bolo-kolɔnnu ma, wo tigi anubɛ danka ti fara.
28Mɔgɔ-yoge wa kun-tigiyɛ sɔrɔn, mɔgɛ bɛɛ si a dogon a kɔrɔ. Kɔnɔ a wa kasara, mɔgɔ-latelennɛnu si wara.
Kuranko Common Language Bible © The Bible Society in Sierra Leone, 2006.