Hɛnkilimaya-Kumɛnu 11
11
1Mari ko mɔgɛ min bi kensunyɛ kɛla fen-suman-fan la, wo ma di a ye.
Kɔnɔ mɔgɛ min bi fan sumanna a kilɛ fɛ, Mari ko wo di a ye.
2Mɔgɔ-wasinɛ ti mɛ yarabila
kɔnɔ hɛnkilimayɛ ye mɔgɔ-mafaganɛ bolo.
3Telenbagayɛ si kila-nyimɛ yira mɔgɔ-telennɛ la
kɔnɔ ko-yogomɛ si kasara-kilɛ yira mɔgɔ-yogomɛ la.
4Mari wa wuli mɔgɔ kitila, nɔnfuli ti a dɛnbɛ wulɔn
kɔnɔ ko-telenni-kɛ si mɔgɔ kisi sayɛ ma.
5Telenbagayɛ si mɔgɔ-telennɛ-niyi lafulen a ma
kɔnɔ karagbɛlɛyɛ si karagbɛlɛ wo bondan.
6Telenbagayɛ si mɔgɔ-telennɛ bɔ yakɔrɔ-mamɔɛ rɔ
kɔnɔ mɔgɔ-telenbɛlɛta nata si ma gbɛrɛ la a ye.
7Mɔgɔ-yogomɛ wa faga, a yigi si tinya.
Mɔgɔ-yogomɛ ye fan min nyinina duninya rɔ, fenfen ma wo la. Wo tinyani de!
8Telenbagayɛ si mɔgɔ-telennɛnu bɔ nanparan rɔ,
ado mɔgɔ-karagbɛlɛnu si don wo dɛ la.
9Alla-lɔnbɛlɛnu si anu sigi-nyɔgɛ tinya anu dɛ la.
Mɔgɔ-telennɛla hɛnkilimayɛ si a bɔ tɔrɔyɛ rɔ.
10Ni mɔgɔ-telennɛ fɛ-koe ye tala yarɔ soe burɔ, so-burɔ-mɔgɛ bɛɛ si sewa.
Kɔnɔ ni mɔgɔ-yoge fagara soe burɔ, mɔgɛnu si sewa ka tolɔn kɛ a rɔ.
11Mɔgɔ-telennɛ si ala soe munanfaga ka a lata yarɔ
kɔnɔ karagbɛlɛnuta-kumɛ si a ma, soe ni tinya pɔ!
12Mɔgɔ-dan-tinyanɛ hɛnkili sa
kɔnɔ ni hɛnkili ye min bolo, wo si kun a dɛ ma le.
13Mɔgɔ ti gbundu-koe fɔ damɛ ye
kɔnɔ mɔgɔ-telennɛ si gbundu mara.
14Ni hɛnkili-kɔla sa mɔgɛ minnu kuma, anu ti anu yogenu nɔ.
Kɔnɔ ni hɛnkili-kɔla-siyamɛ ye kan min, nyɔ-mɔgɛnu si nɔ-ko sɔrɔn.
15Ni i ya i nyɛrɛ ma yili-bolomɛ la, i si nimisa yarɔ
kɔnɔ ni i ya i kan-kɔ sɔ yili-bolomayɛ la, a si fisaya i ma.
16Musu sɔn-nyima-tigi si gbiliyɛ sɔrɔn
kɔnɔ mɔgɛ min sɔn ma kin,#11.16 Kɔnɔ mɔgɛ min sɔn ma kin: Kitabu donu ko, “Kɔnɔ musu-milibɛlɛ yarabinɛ.” wo si nɔnfuli le gbansan sɔrɔn.
17Mɔgɛ min si hina mɔgɛ la, a si tɔnɛ sɔrɔn ala hinanteyɛ rɔ
kɔnɔ kinikinibɛlɛ si bɔnɔ ala karagbɛlɛyɛ rɔ.
18Karagbɛlɛnu si sarɛ min sɔrɔn, wo si a baya
kɔnɔ mɔgɔ-telennɛta barayi bɛnta a ma.
19Ni-kole le telenbagayɛ la
kɔnɔ sayɛ siginɛ telenbɛlɛnuna bonda-dɛ la.
20Minnu miri bɛnnɛ ko-yogomɛ ma, wonu ma di Mari ye
kɔnɔ mɔgɔ-telennɛnu di Mari ye.
21Wo ni la a la serr, ko mɔgɔ-yogomɛ si ata tɔrɔyɛ sɔrɔn
kɔnɔ mɔgɔ-telennɛ kunyɛ si bɔ tɔrɔyɛ rɔ.
22Musi-kinyɛ min hɛnkili sa, wola kinyɛ mani de iko sɛnɛ-dɛɛn-kɔlɔnɛ tenbi kɔsɔ-mɛlan-sunyɛ la.
23Ni mɔgɔ-nyimɛ nyinita ko-nyimɛ ma, a si wo sɔrɔn.
Kɔnɔ ni mɔgɔ-karagbɛlɛ ye nyinina fan do ma, fenfen ti bɔ a rɔ Allata fondo-bɔɛ bolo.
24Mɔgɛ ye fan nila nya min, a si a sɔrɔn ka tenbi wo la.
Kɔnɔ mɔgɛ min kɔrɔndi, wo si don bolo-kolonyɛ rɔ.
25Hinante si to fan sɔrɔnna tuma-wo-tuma,
ado mɔgɛ min si a ta-nyɔgɛ dɛnbɛ, wo fanan si a sɔrɔn duk!
26Mɔgɛ min si dɔn-fan lamara, a ti a mayira fɔ a dɛ wa gbɛlɛya, mɔgɛnu si wo tigi danka.
Kɔnɔ hinɛ ye mɔgɛ min tɔ, wo ti atɛ lamara fɔ ka a mayira kɔnkɔtoenu ma.
27Mɔgɛ min bi ko-nyimɛ nyinina, wo ye tɔgɔ-nyimɛ le sɔrɔnna mɔgɛnu bolo.
Kɔnɔ ni mɔgɔ-sigi-kunya bɛnta ko-yogomɛ ma, ala ko-yogomɛ wo si sɛgi a kɔgɔ rɔ.
28Ni min lara ata nɔnfuli la, ala wodi wo si a baya.
Kɔnɔ mɔgɔ-latelennɛ si to sabatila iko yanba-kun-kuran si sabati nya min.
29Ni mɔgɔ-wo-mɔgɔ ya nanparan sanba a kebilɛ ma, wo kɛɛ si ma fufafuyi la.
Kuntan ti bɔ hɛnkilimɛ kɔrɔ muk!
30Mɔgɔ-telennɛnu si gbɔ nimayɛ la iko kɔlɔmanu si gbɔ nya min.
Hɛnkilimɛnu si mɔgɛnu sagan telenbagayɛ wara.
31 #
1 Pita 4.18
Ni telenbagɛnu ya tɔrɔyɛ sɔrɔn duninya kɛ rɔ
karagbɛlɛ anubɛ hakɛ-tiginu bi tola mintɔ worɔ?
Kuranko Common Language Bible © The Bible Society in Sierra Leone, 2006.