Yilan-Yilan Koe 30
30
Dakan Don-Koe Mari Ye
1Musa ya a fɔ Isirɛla bɔnsɔn-kun-tiginu ye ko, “Mari ya kɛ le fɔ n ye ko 2#Tɔn-Fɔɛ-Fila-Nyɔgɛ 23.21-23; Matiyu 5.33 ni kei do ya a dakan don ka lanyiri kiri Mari ye ko a si fen di a ma, wo tigi ni dakan wo kanbali. Ni kei do ya a dakan don ko a si a fara koe do la, a kana wo lanyiri tinya.
3-5“Ni sunkurɔn do ye a fa warɛ bɔn la, wo ni a dakan don ka lanyiri kiri Mari ye ko a ni fen di Mari ma, wo tigi ni a dakan wo kanbali. Ni sunkurɔn wo ya a dakan don ko a si a fara koe do la, a kana wo lanyiri tinya. Ni a fa ya wo lɔn tumɛ min kɔnɔ a ma kuma, fɔ a ni lanyiri wo kanbali. Kɔnɔ ni a fa ma sɔn wo ma, Mari si a makoto a fala ko la.
6-8“Ni a taranta, musi do mabiranɛ kei do bolo, musi wo ni a dakan don Mari ye koe dola ko la, wo ni bɛn ala kei-wara-sigi ma, musi wo ni a dakan kanbali, hali a mara yuwaya-dakan la. Ni musi wo ya a dakan don ko a si a fara koe do la, a kana wo lanyiri tinya. Ni ala kei ya wo lɔn tumɛ min kɔnɔ a ma kuma, fɔ a ni lanyiri wo kanbali. Kɔnɔ ni ala kei ma sɔn wo ma, Mari si a makoto ala keila ko la.
9“Ni a taranta musi do ye nyɔ, kɛɛ-musi le a la, ni wo ma, ala kei ara a yilibɔ, ni wo ya a dakan don, fɔ a ni lanyiri wo kanbali.
10-11“Ni furu-musi do ya a dakan don ka lanyiri kiri Mari ye, furu-musi wo ni a dakan wo kanbali. Ni ala kei ya wo lɔn tumɛ min kɔnɔ a ma kuma, fɔ musi wo ni lanyiri wo kanbali. 12Kɔnɔ ni ala kei ma sɔn wo ma, Mari si musi wo makoto ala keila ko la 13bawo sereya ye kei bolo ka a ban ala musila dakan wo ma. Sereya ye a bolo fanan ka sɔn wo ma. 14Ni ala kei ma kuma fɔlɔn, fɔ ala musi wo ni lanyiri wo kanbali. Ala kei sɔnta lanyiri wo ma bawo a ma kuma. 15Kɔnɔ tɔ-a-la, a ni a ban, kiti wo si to kei wo kuma.”
16Tɔn sereya le kɛnu na Mari ya min fɔ Musa ye dakan don koela ko la musinuna koe rɔ. Ni a donta furu-musu anubɛ ala kei tɛma wo, ni a donta musu-mabirani anubɛ a mabiralɛ tɛma wo, ni a donta sunkurun anubɛ a fa tɛma, wonuna tɔn le kɛnu na.
Currently Selected:
Yilan-Yilan Koe 30: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
