Yilan-Yilan Koe 29
29
Buri-Fɛ-Ladɛn
(Saraka-Masɔlɛnuta Tɔnnu 23.23-25)
1“San-bo-san, a karɛ wɔrɔnfilɛ tele fɔlɛ ma, wo si wola wɔlɛnu boloka ka wo ladɛn wo nyɔgɔn fɛ ka Mari bato. Tele wo nyɛrɛ rɔ, saraka-masɔlɛ si buri fɛ. 6Wo tenbi tele-wo-tele-sarakɛ bɔla, wo si karɛ tele fɔlɔtɛ sarakɛ sa wo kuma. Wo kɔma, wo si Buri-Fɛ-Ladɛn-Sarakɛ kofu wo ma. 2Wo ni tura-bulun kelen bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. Wo ni wonu ma saraka-mintantɛ la Mari ye. Wo sumɛ si diya Mari ye bɛrɛkɛ! 3-4Min tenbi nala tura-bulan la a bolo, wo tigi ni na dɛgɛ-munke pani-kunbɛ-nya sawa la min tamaganɛ tuli la ka a sa tura-sarakɛ kɛnu kuma. Min tenbi nala saga-kɔndɔn la a bolo, wo tigi ni na dɛgɛ-munke pani-kunbɛ-nya fila la min tamaganɛ tuli la ka a sa saga-kɔndɔn-sarakɛ kɛ kuma. Min tenbi nala saga-yigi kelen-kelen na wo bolo, wo ni na dɛgɛ-munke pani-kunbɛ-nya kelen-kelen na min tamaganɛ tuli la ka a sa saga-yigi-sarakɛ kɛnu kuma. 5Wo wa ban kɛnu bɔla tumɛ min, wo si baa-kɔrɔn kelen bɔ ka a ma wo hakɛ-sarakɛ la min si ma wo hakɛ-yamatogon-fan la. Wo si wo sɛninya Mari yala iko tɔn ya a fɔ nya min.#29.5 Fasi kɛ donta fasi 1 kɔma.
Hakɛ-Yamatogon-Tele
(Saraka-Masɔlɛnuta Tɔnnu 23.26-32)
7 #
Saraka-Masɔlɛnuta Tɔnnu 16.29-34
“Karɛ wɔrɔnfilɛ kɛ tele tan ma, wo kana wɔli-wo-wɔli kɛ wulɔn hali ka fen-dɔn-kɛ. Wo si wo ladɛn ka Mari bato. 8Wo ni tura-bulun kelen bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. Wo si wonu ma saraka-mintantɛ la Mari ye. Wo sumɛ si diya Mari ye bɛrɛkɛ! 9-10Wo tenbi nala tura-bulan la wo bolo, wo ni na dɛgɛ-munke pani-kunbɛ-nya sawa la min tamaganɛ tuli la ka a sa tura-sarakɛ kɛ kuma. Wo tenbi nala saga-kɔndɔn la wo bolo, wo ni na dɛgɛ-munke pani-kunbɛ-nya fila la min tamaganɛ tuli la ka a sa saga-kɔndɔn-sarakɛ kɛnu kuma. Wo tenbi nala saga-yigi kelen-kelen na wo bolo, wo ni na dɛgɛ-munke pani-kunbɛ-nya kelen-kelen na min tamaganɛ tuli la ka a sa saga-yigi sarakɛ kɛnu kuma. 11Wo wa ban kɛnu bɔla tumɛ min, wo si baa-kɔron fila ma wo hakɛ-sarakɛ la. Hali wo, wo kana nyina ka sɔgɔma-sarakɛ anubɛ wurala-sarakɛ bɔ anubɛ wo nyɔgɔn dɛgɛ-munke-yabasannɛ anubɛ wo nyɔgɔn nɔnbɔ-gbɔ-yi fanan.
Lele-Sɔɛ-Ladɛn
(Saraka-Masɔlɛnuta Tɔnnu 23.33-44)
12“Ka a fɔlɔ karɛ wɔrɔnfilɛ kɛ tele tan-ni-loli ma ha ka a sigi a tele mogan-ni-fila nyɔgɛ ma, wo kana wɔlɛ mumɛ kɛ. Wo si wo ladɛn ka Mari bato lɔgɔkun kelan wo kɔrɔ. 13Wo si sarakɛ mintan Mari ye lɔgɔkunyɛ wo tele karɛ fɔlɔtɛ ma. A sumɛ si diya a ye. Wo si tura-bulun tan-ni-sawa bɔ anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 14-15Wo tenbi nala tura-bulun kelen-kelen na wo bolo, wo ni na dɛgɛ-munke pani-kunbɛ-nya sawa-sawa la min tamaganɛ tuli la ka a sa tura-sarakɛ kɛnu kuma. Wo tenbi nala saga-kɔndɔn kelen-kelen na wo bolo, wo ni na dɛgɛ-munke pani-kunbɛ-nya fila-fila la min tamaganɛ tuli la ka a sa saga-kɔndɔn-sarakɛ kɛnu kuma. Wo tenbi nala saga-yigi kelen-kelen na wo bolo, wo ni na dɛgɛ-munke pani-kunbɛ-nya kelen-kelen na min tamaganɛ tuli la ka a sa saga-yigi-sarakɛ kɛnu kuma. 16Wo wa ban kɛnu bɔla tumɛ min, wo si baa-kɔrɔn kelen bɔ. Hali wo, wo kana nyina ka sɔgɔma-sarakɛ anubɛ wurala-sarakɛ bɔ anubɛ wo nyɔgɛ dɛgɛ-munke-yabasannɛ anubɛ wo nyɔgɛ nɔnbɔ-gbɔ-yi fanan ka ma wo hakɛ-sarakɛ la.
17“A tele fila nyɔgɛ, wo si na tura-bulun tan-ni-fila la anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 18-19Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
20“A tele sawa nyɔgɛ, wo si na tura-bulun tan-ni-kelen na anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 21-22Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
23“A tele nani nyɔgɛ, wo si na tura-bulun tan na anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 24-25Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
26“A tele loli nyɔgɛ, wo si na tura-bulun kɔnɔntɔ la anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 27-28Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
29“A tele wɔrɔ nyɔgɛ, wo si na tura-bulun segin na anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 30-31Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
32“A tele wɔrɔnfila nyɔgɛ, wo si na tura-bulun wɔrɔnfila la anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na. 33-34Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
35“A tele segin nyɔgɛ wo kana wɔlɛ mumɛ kɛ fɔ ka wo kundɛn ka Mari bato. 36Wo si na tura-bulun kelen na anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. 37-38Wo si dɛgɛ-munke-yabasannɛ anubɛ nɔnbɔ-gbɔ-yi bi ka a sa sarakɛ kɛnu kuma iko wo ya a tele fɔlɔtɛ ma nya min.
39“Sarakɛ minnu bi bɔla san-bo-san, wonuta tɔn le kɛnu na. Wo kana nyina fanan ka kɔ-fannu di wo hɛnikɛ la anubɛ wo si kɔ-fan min di Mari ma lanyiri wa kanbali wati min.” 40Mari ya min bɛɛ fɔ Musa ye, a ya wo bɛɛ latenbi Isirɛla mɔgɛnu ma.
Currently Selected:
Yilan-Yilan Koe 29: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
