Yilan-Yilan Koe 25
25
Beyali Bato-Koe Isirɛla Kemini-Banu Bolo
1Isirɛla mɔgɛnu ya anu daga makɛ Akasiya lɛɛ rɔ wati min, Isirɛla keminɛ-mɛsɛnu ya a dabira ka Mohabu musinu maki nyɔ. 2Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ 3ka anuta bɛsi Beyali kɔ Piyɔri kɔnkɛ kuma. Mari fonde bɔra anu kuma kati! 4Woletɔ Mari ya a fɔ Musa ye ko, “I ni nta kumɛ bira ka ko-yogoma-kɛlɛnuna karan-mɔgɛ wonu faga nyama bɛɛsi yala. Ni i ya wo ma, n fonde ti to bɔla wo kuma wo rɔ.”
5Wo le ya a ma gbɛ, Musa ya bɔnsɔn-kun-tiginu kele ka a fɔ anu ye ko, “Wole kelen-kelennamɛ-bɛɛsi minnu ya Beyali kɔ, wo ni ko-yogoma-kɛlɛ wonu faga ka bɔ wo bɔnsɔnnu tɔ.”
6Anu banta mɔgɛ wonu fagala tumɛ min, anu donta diyi-kɛ rɔ. Isirɛla kei do nara Midiyan musi do la a bolo.#25.6 Fasi 14 anubɛ 15 ye fasi 6 anubɛ 7 tɛma. 14(Kei wo tɔgɛ le Simiri. A fa tɔgɛ le Salu min bi Simiyɔnna kebilɛ do kun-tigiyɛ la. 15Musi wo fanan tɔgɛ le Kɔsibi. Kɔsibi fa wo fanan tɔgɛ le Suru. Midiyan mɔgɛ donuna kebila-kunyɛ le wo la.) Isirɛla kei wo ya musi wo bi ka don a la a nyɛrɛ wara bɔn la Musa anubɛ mɔgɛnu yala serr! 7Saraka-Masɔla-Kun-Tigi Ɛliyasala dan Finihasi ya kei anubɛ musi wo yen donna bɔn la tumɛ min, a ya a lasɔ ka bɔ ladɛn rɔ. A tara tanbɛ bi 8ka bila kei anubɛ musi wonu fɛ bɔn la. A ya kei anubɛ musi sɔgɔ tanbɛ la ha tanbɛ bɔra anu mɔgɔ fila bɛɛ kɔma. Wo le ya a ma, tɔn sigira Isirɛla mɔgɛnuna tɔrɔyɛ la. 9Kɔnɔ samani tɔn ni sigi anuna tɔrɔyɛ la, mɔgɔ waga mogan-ni-nani (24,000) nyɔgɔn bara faga.
10Mari ya a fɔ Musa ye ko, 11“Kamasɔrɔn Finihasi ara min ma, nna diminyɛ ara bɔ Isirɛla mɔgɛnu kuma. Finihasi ara nta keliyɛ kɛ n ye bawo a ma sɔn anu ni bɛsɛnu kɔ fɔ nde, Mari kelen pe! Woletɔ n ma Isirɛla mɔgɛ bɛɛsi faga nna diminyɛ la. 12-13Bawo Finihasi ara kɛ sufa ma n ye ka a ma, Isirɛla mɔgɛnu hakɛ yama ni togon, woletɔ n bara mɔgɛnu hakɛ makoto. Ale anubɛ ala dannu si ma saraka-masɔlɛnu na n ye. Habadan-lanyiri le kɛ la mabɛ Finihasi tɛma.”#25.13 Fasi 14 anubɛ 15 ye fasi 6 anubɛ 7 tɛma.
16Mari ya a fɔ Musa ye ko, 17“Wo ni ta Midiyan mɔgɛnu bira ka anu faga ko filala ko la. 18A fɔlɔtɛ, anu bara ko-yoge kɛ wo la ka wo yanfa Piyɔri kɔnkɔ-kolo-wɛ kun tɛma. A fila nyɔgɛ ka anu faga Midiyan musila ko la min fagara Isirɛla kei do fɛ wo tumɛ Isirɛla mɔgɛnu fanan bi fagala.”
Currently Selected:
Yilan-Yilan Koe 25: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
