Ivyahishuriwe Yohana 4

Yohana yerekwa ivyo mw ijuru

1 # Kuv 19:16, 24; Dan 2:29; Ivyah 1:10, 19. Hanyuma y’ivyo ndāvye mbona mw ijuru urugi rwuguruye, kandi rya jwi nabanje kwumva rivugana nanje ari nk’iry’ inzamba, rirambgira, riti Dūga uze hano, nkwereke ibikwiye kuzobaho hanyuma y’ivyo. 2#Ezk 1:26; 10:1; Yes 6:1; Zab 47:8.Ako kanya mba muri Mpwemu: kandi mbona intebe iteretse mw ijuru, mbona n’Ūyivyagiyeko. 3#Ezk 1:26-28.Uwar’ avyagiye yasa n’akabuyenge kitwa yasipi#4:3 n’utubuyenge tw’igiciro kinini. n’akitwa sarudiyo:#4:3 n’utubuyenge tw’igiciro kinini. kand’ umunywamazi war’ ukikije iyo ntebe, usa n’akitwa simaragido.#4:3 n’utubuyenge tw’igiciro kinini. 4#Yes 24:23; Ivyah 3:4; 5:10.Iyo ntebe yar’ ikikijwe n’izindi ntebe mirongwibiri na zine: kur’ izo ntebe mbona abakuru mirongwibiri na bane bazicayeko, bambaye impuzu zera, no mu mitwe yabo har’ ibitsibo vy’izahabu. 5#Kuv 19:16; Ezk 1:13; Ivyah 8:5; 11:19; 16:18; Zek 4:2.Kandi kuri ya ntebe y’ubgami hava imiravyo n’amajwi n’imituragaro: kand’ imuri ndwi z’umuriro zākira imbere y’iyo ntebe, ni zo Mpwemu ndwi z’Imana: 6#Ezk 1:22, 26; 10:1; Yes 6:1.kand’ imbere y’iyo ntebe hari nk’ikiyaga c’ibirahuri, gisa n’urubona: kandi hagati ahahanganye n’iyo ntebe no kuyikikuza har’ ibinyabugingo bine vyuzuye amaso imbere n’inyuma. 7#Ezk 1:10; 10:14.Ikinyabugingo ca mbere casa n’intambge, ica kabiri casa n’inyana, ica gatatu cari gifise mu maso hasa n’ah’ umuntu, ica kane casa n’inkukuma#4:7 inkukuma ni yo mpungu. iguruka. 8#Yes 6:2, 3; 41:4; Ezk 1:18; 10:12; Am 4:13; Kuv 3:14.Ivyo binyabugingo bine bifise amababa atandatu‐atandatu, kandi vyuzuye amaso impande zose n’imbere mu nda: ntibiruhuka ku murango no mw ijoro, vyama bivuga, bit’ Uwera, Uwera, Uwera, ni we Mwami Imana, ashobora vyose, yamyeho, kand’ ariho, kand’ agira aze. 9#Yes 6:1; Zab 47:8; Dan 4:34; 6:26; 12:7.Kand’ iyo vya binyabugingo bihaye uguhimbazwa n’icubahiro n’ishimwe Ivyagiye kuri ya ntebe, ni yo Ibaho ibihe bitazoshira, 10#Ivyah 5:14.ba bakuru mirongwibiri na bane baca bikubita imbere y’Īvyagiye kur’ iyo ntebe, bagasenga Ībaho ibihe bitazoshira, bagaterera ibitsibo vyabo imbere y’iyo ntebe, bavuga, 11bati Mwami wacu, Mana yacu, birakubereye guhabga uguhimbazwa n’icubahiro n’ububasha, kukw ari wewe waremye vyose; icatumye bibaho kand’ icatumye biremwa, n’uko wabigomvye.

Currently Selected:

Ivyahishuriwe Yohana 4: RUN1967

Highlight

Copy

Compare