Yesaya 27

Yesaya yerekwa kw Abisirayeli bazosubizwa mu gihugu

1 # Zab 74:13, 14; Yes 51:9; Ezk 29:3. Kur’ uwo musi Uhoraho azohanisha inkota yiwe ikarishe nini ikomeye Lewiyatani ca kiyoka kinyaruka, ni co Lewiyatani ca kiyoka cigonyonzora, kand’ azokwica ca gisato c’amahēro co mu kiyaga.

2 # Yes 5:7. Kur’ uwo musi bazovuga, bati Ni muririmbire uruzabibu rwa vino. 3Jewe Uhoraho, ni jewe ndaruzigama; nzohora ndaruvomera akanya kose: nzoruzigama ku murango no mw ijoro, kugira ngo ntihagire ikirwona. 4#2 Sam 23:6, 7; Yes 10:17.Nta burake mfise. Iyaba imikere n’ amahwa vyari bimpagurukiye kuntera, nobirwanije nkabiyigiriza hamwe: 5shiti bokwisunga inkomezi zanje, bakuzura nanje, mbere ni buzure nanje. 6#Yes 37:31; Hos 14:5, 6.Mu misi izoza Yakobo azoshinga imizi, Isirayeli apfundike, ashurike: azokwama, yuzuze isi yose.

7 # Yes 37:18, 36-38; Hos 6:1, 2. Mbega yabakubise nk’uko yakubise abābakubita? Canke bishwe nk’uko hāgeseye abo yishe? 8#Yer 18:17.Hamwe wabirukana wabahannye ibitarenze urugero; ku musi w’umuyaga uva i burasirazuba wabavumbuje inkūbi y’umuyaga. 9#Gus 16:21; 2 Abam 18:4.Ivyo ni vyo bizotuma ukugabitanya kwa Yakobo kuzokwozwa, kumuveko; kand’ imbuto zose zizova mu gukūrwakw icaha ciwe n’izi: n’ukw azohindura amabuye yose y’igicaniro nk’ingwa y’amabuye ihondaguwe, kugira ngw inkingi zari zarashingiwe Ashera n’iz’ izuba ntizize zishingwe ukundi. 10#Yes 17:2, 9.Kukw igisagara cubakiwe inzitiro gisigaye gitēterewe, ar’ ikibanza gihebge, gitawe, kimeze nk’agahinga; ni ho inyana zizorisha, zikaharyama, zikarya amashami yaho. 11#Gus 32:28.Amashami yaho ni yuma azohānyurwa; abagore bazoza bayacane; kukw iryo hanga ar’ iritagira ubgenge; ni co gituma Iyabaremye itazobagirira akagongwe, kand’ Iyababumvye itazobagirira akantu.

12 # Ita 15:18. Kur’ uwo musi Uhoraho azosekura akūre impeke ziwe, uhereye kuri rwa ruzi Efurate, ugashitsa kuri wa Mugezi wa Egiputa; maze muzonobagurwa umwe‐umwe, mwebge Abisirayeli.

13 # Lew 25:9; Yes 2:2; 11:11; Mat 24:31; Ivyah 11:15. Maze kur’ uwo musi inzamba niniya izovuzwa; kandi hazoza abāriko barahona mu gihugu ca Ashuri, n’abirukanywe mu gihugu ca Egiputa; bazosengera Uhoraho ku musozi wera i Yerusalemu.

Currently Selected:

Yesaya 27: RUN1967

Highlight

Compare

Copy