Yesaya 26

Indirimbo y’abacunguwe

1 # Yes 60:18. Kur’ uwo musi iyi ndirimbo izoririmbirwa mu gihugu ca Yuda, ngo Dufise igisagara gikomeye; Imana izoshirah’ agakiza kabe inzitiro n’ibihome bidukīngīra. 2#Zab 118:19.Ni mwugurure amarembo, kugira ngw ihanga rigororoka rikitondera ivy’ ukuri rishike. 3Uzozigama amahoro masa umuntu akwegamikako umutima wiwe, kukw akwizigiye. 4Ni mwizigire Uhoraho ibihe vyose: kuk’ UHORAHO YEHOVA ari we gitandara camah’ ibihe bidashira. 5#Yes 25:12.Kuko yashubije hasi ababa ahantu ho hejuru mu gisagara cishira hejuru; agitsinda hasi, agitsinda hasi akagishitsa mw ivu, mber’ agishitsa no mu mukungugu. 6Ibirenge bizogisiribanga, ni vyo birenge vy’impahazwa, hahonyangwe n’ abakene. 7Inzira y’umugororotsi iratunganye: ni wewe usena inzira y’umugororotsi. 8#Kuv 3:15.Mbere mu nzira y’imanza zawe ziroranye, Uhoraho, ni ho twamye tukwitegeye; izina ryawe n’ukuba rurangiranwa kwawe ni vyo imitima yacu ihahamiye. 9#2 Ngo 33:11, 12; Zab 63:6; Ind 3:1.Nakwifurishije umutima wanje mw ijoro; mbere nzokurondeza umushaha wanje wose ubudahumeka; kukw iy’ imanza zawe ziroranye ziri mw isi, ababa mw isi biga kugororoka. 10#Zab 73:3-11.Umunyavyaha naho yogirirwa neza nta ho yokwiga kugororoka; mu gihugu c’ubugororotsi azohakorera ibigabitanyo, kandi ntazoruha yitegereza ubgiza bg’Uhoraho.

11 # Zab 21:9; Yes 5:12; Mik 5:9. Uhoraho, umanitse ukuboko, yamara ntibabibona; ariko bazobona umwete ugirira abantu, bamāramāre; mber’ umuriro uzorigata abansi bawe. 12Uhoraho, uzoturonsa impore, kukw ivyo dukora vyose ari wewe ubidusohoreza. 13#2 Abam 18:4-6; Yes 2:8.Ewe Uhoraho Mana yacu, abandi bami batari wewe bamye batuganza; arikw izina ryawe ryonyene ni ryo twatura. 14Bo barapfuye, ntibazokwongera kubaho; barahwereye, ntibazozuka: ni co catumye ubahana, ubarandura, ukazimanganya ukwibukwa kwabo kwose. 15#Yes 9:3; 54:2, 3.Wagwije ihanga, Uhoraho we, wagwije ihanga; urashemagizwa: wunguye imbibe zose z’igihugu.

16 # Hos 5:15. Uhoraho, aho baboneye amagorwa ni ho bagushengereye; iy’ uguhana kwawe kubashikiriye basuka amajojwa. 17#Yes 13:8.Nk’uk’ umugore akuriwe amera, iy’ igihe ciwe co kuvyara gishitse, aribga agatakishwa n’ibise vyiwe, uko ni ko twari tumeze imbere yawe, Uhoraho. 18Twari dukuriwe, turaribga, bimera nk’aho twavyaye umuyaga gusa; nta gakiza twazaniye isi, kandi nta bo kuba mw isi bāvutse. 19#Ezk 37:12; Dan 12:2; Hos 13:14.Abapfuye bawe bazoba bazima; imivyimba y’abantu bawe izozuka. Ni mwikangure, muririmbe, yemwe abaryamye mu mukungugu: kukw ikime cawe kimeze nk’igitonda ku vyatsi, kand’ ivu rizogarura abapfuye.

20 # Yes 10:25. Wa bgoko bganje, ngwino winjire mu nzu yawe, wiyugarane, ube urihishije akanya gato, gushitsa ah’ ubushangashirwe buzoshirira. 21#Mik 1:3.Kuk’ Uhoraho arikw arava i we azanywe no guhanira ababa mw isi ukugabitanya kwabo; ivu rizogaragaza ibitenga vy’amaraso yaviriye kuri ryo, kandi ntirizoba rigitwikiriye abishwe bo muri ryo.

Currently Selected:

Yesaya 26: RUN1967

Highlight

Compare

Copy