Yesaya 24

Iteka rizocirwa kw isi

1Rāba Uhoraho agira ngw ahindure isi umusaka, ayigire amatongo, ayūbike, asanzaze abayibamwo. 2#Ezk 7:12; Hos 4:9.Maz’ ibizoba ku bantu buntu bizoba no ku muherezi; ibizoba ku mushumba bizoba no kuri shebuja; ibizoba ku mukobga w’umuja bizoba no kuri inabuja; ibizoba ku muguzi bizoba no k’ūshōra; ibizoba k’ūtiza bizoba no k’ūtira; ibizoba k’uwaka inyungu bizoba no k’uwakwa inyungu. 3#Yes 1:20.Isi izohinduka umusaka inyagwe rwose; kuk’ Uhoraho ari we avuze iryo jambo. 4#Hos 4:3.Igihugu kiriganyira, kirakabiranye; isi irahondobereye, irakabiranye, abakuru bo mw isi barahondobereye. 5#Lew 26:15; Guh 35:33; Yes 2:6, 8.Kand’ isi ihumanijwe n’abayibamwo; kuko barenze ivyagezwe, bagaca mw ibgirizwa, bakica isezerano ry’ intahava. 6#Dan 9:11; Zek 5:3, 4; Mal 2:2.Ni co catumye umuvumo utongora isi, kand’ abayibamwo ni vyo bahōwe: ni co catumye ababa mw isi baturirwa, hagasigara abantu b’imparūrwa. 7Umutobe wa vino uriganyira, uruzabibu rurahondobereye, ab’ umutima w’umunezero bose bazokwitsa umutima. 8#Yer 7:34.Ibinezereza bivuye ku dushako tw’ingoma birashize, urwamo rw’ abanezerewe ruraheze, ugucuraranga kw’inanga kurashize. 9Ntibazonywa vino baririmba, ibiboreza bizobīhira ababinywa. 10Igisagara c’umuvurungano kirasanganguwe, inzu yose irasakiwe, kugira ngo ntihagire uwinjira. 11#Yow 1:5, 12.Baririra mu nzira kuko babuze vino; ahār’ umunezero burīje mazingi, ibinezereza vyo mu gihugu biragiye. 12Mu gisagara hasigaye amatongo, n’ irembo rirasituwe. 13#Yes 17:6.Kuk’ ukw ari ko bizomera mw isi hagati mu mahanga; bizomera nk’iyo banyiganyije igiti ca elayo, canke nk’uduhumbga tw’inzabibu iy’ iyimbura rishize. 14Abo bazoshira amajwi hejuru basemerere, batārīkishwe n’icubahiro c’Uhoraho bari ku kiyaga. 15#Yes 45:6.Nuko ni muhimbarize Uhoraho i burasirazuba, muhimbarize izina ry’ Uhoraho, Imana y’Abisirayeli, mu bizinga vyo mu kiyaga.

16 # Yes 21:2; 26:2. Twumvise indirimbo zituruka ku mpera y’isi, zit’ Icubahiro kibe ic’ umugororotsi. Maze nca ndavuga, nti Ndageranywe, ndageranywe! Mbonye ibara! Abaryarukanyi bararyarukanye, mber’ abaryarukanyi bararyarukanye rwose. 17#Ita 7:11; Zab 18:7; Yer 48:43, 44.Wewe uba mw isi, ibiteye ubgoba n’urusumanyenzi n’umutego bigushitseko. 18Nuk’ ūhunga induru y’ibiteye ubgoba azogwa mu rusumanyenzi; uwūrira ngw ave mu rusumanyenzi umutego uzomufata: kukw ingomero zo mw ijuru zigomorowe, kand’ amatanguriro y’isi akanyiganyiga. 19Isi iravungaguritse, isi irasataguritse, isi irahuzenze. 20#Yes 24:5, 6; 29:9.Isi izodandabagirana nk’imborerwa, izonyiganyizwa irya n’ino nk’umutara; igicumuro cayo kizoyiremēra, kand’ izotemba, ntiyongere kuvyuka ukundi.

21 # Zab 76:12; Yes 10:12. Maze kur’ uwo musi Uhoraho azohana ingabo zo hejuru mw ijuru, n’abami bo hasi mw isi. 22#Mik 4:11, 12.Bazokoranirizwa hamwe, nk’ ukw imbohe zikoranirizwa mu kazu k’i bgina, bugaranirwe mw ibohero; kand’ imisi myinshi ni yashira bazohanwa. 23#Yes 13:10; Mik 4:7.Ni ho ukwezi kuzomāramāra, izuba ritētērwe; kuk’ Uhoraho Nyen’ ingabo azoba ari ku ngoma ku musozi Siyoni ari ho Yerusalemu, agire icubahiro imbere y’abashingantahe biwe.

Currently Selected:

Yesaya 24: RUN1967

Highlight

Compare

Copy