Yesaya 17

Imbūri yo kuri Damasiko

1 # 2 Abam 16:9; Yer 49:23-27; Am 1:3-5. Imbūri yo kuri Damasiko. Rāba Damasiko hakūweho, ntihacitwa umurwa, hazoba ibirundo vy’amasakamburira. 2Ibisagara vyo muri Aroweri bicitse imisaka; hazoba ah’ imikuku, ni yo izohagandagaza, nta kizoyikanga. 3#1 Sam 4:21; Yes 7:16; 8:4.Ibihome bizoshira muri Efurayimu, n’ubgami bushire i Damasiko, bo n’amasigarira y’i Siriya; bizoba nk’ukw icubahiro c’Abisirayeli cabaye, ni k’Uhoraho Nyen’ ingabo agize.

4 # Yes 10:16. Kur’ uwo musi icubahiro ca Yakobo kizokwonda, n’ukuvyibuha kw’umubiri wiwe kuzoshira, ananuke. 5#Yes 24:1.Bizoba nk’uk’ umugenyi yegeranya ingano zeze, agatuma ukuboko agenya imihuruhumbi; mbere bizoba nk’ūrikw arahūmba uduhūmbga mu kiyaya c’i Refayimu. 6#Yes 24:13.Ariko hazosigaramw’ uduhūmbga, nk’ uko dusigara ku giti ca elayo bamaze kukinyiganyiza, hosigarayo elayo tubiri canke dutatu mu bushorishori, cabure tune canke dutanu ku mashami y’inyuma y’igiti cāri kiregeje, ni k’Uhoraho, Imana y’Abisirayeli, agize. 7#2 Ngo 30:11; Hos 5:15; Mik 7:7.Kur’ uwo musi umuntu azotumbera Umuremyi wiwe, kand’ amaso yiwe azoyashira ku Wera w’Abisirayeli. 8#Yes 27:9, 10; Mik 5:13, 14.Kandi ntazotumbera ibicaniro, ivyo yubatse n’amaboko yiwe, ntazoshira amaso ku vyo intoke ziwe zakoze, canke ku nkingi bashingira Ashera n’izo bashingira izuba. 9Kur’ uwo musi ibisagara vyiwe bikomeye bizoba nk’imisaka isigaye mw ishamba no ku mpinga z’imisozi, aho bātuze bahunga Abisirayeli: hazosigara ar’ amatongo. 10#Zab 106:21.Kuko wibagiye Imana y’agakiza kawe, ntiwibuke igitandara c’inkomezi zawe; ico ni co catumye uteragira interwa zo kwinezereza, ukishingira imizabibu y’ikigirwamana c’akavantara. 11Ku musi wabiteyeko warabizitiriye, bukeye utuma ivyo wateye bishurika: arikw ivyimburwa bizobura ku musi w’umubabaro n’akabonge k’ubgihebe.

12Ewe wa rwamo rw’amahanga menshi abomborana nk’ukubomborana kw’ikiyaga, n’ugusūma kw’amoko asūma nk’ugusūma kw’ amazi asitanisha! 13#Zab 1:4; 9:5; 83:13; Imig 22:23.Amoko azosūma nk’ugusūma kw’amazi menshi: arikw Imana izoyakankamira, na yo azohungira kure, nk’ ibishingwe vyo ku misozi iyo bijanwa n’umuyaga, nk’ifurufumbi y’ umukungugu ir’ imbere y’igihuhuta. 14Ku mugoroba haba gucika ivutu, maze bugira buce bakaba batakiriho. Uwo ni wo mugabane w’abatunyaga, kandi ni yo ngero y’abatwambura.

Currently Selected:

Yesaya 17: RUN1967

Highlight

Compare

Copy