Yesaya 15

Imbūri yo kuri Mowabu

1 # Yer 48:1-47. Imbūri yo kuri Mowabu: kuko mw ijoro rimwe ahitwa Ari‐Mowabu hageseye, hakomvomvowe; kuko mw ijoro rimwe ahitwa Kiri‐Mowabu hageseye, hakomvomvowe! 2Umukobga w’i Diboni aradūze, aja mu bitabo kuririrayo; Abanyamowabu bariko baraborogera i Nebo n’i Medeba: imitwe yabo yose imowe inkomvorera, bo n’ubganwa bgose. 3Bagenda mu nzira zabo bacoceye amagunira; hejuru ku nzu zabo no ku nama umuntu wese araboroga, yiyuha iryosozi. 4I Heshiboni harataka bo n’i Eleyale; mber’ amajwi yabo ashika n’i Yahazi; ni co gituma ingabo z’i Mowabu ziboroga, imitima yabo ikaja mu gatengo. 5Umutima wanje uririra Mowabu; impunzi zaho zahungiye i Sowari n’i Egilati‐shelishiya; ahadūga haja i Luhiti ni ho badūga barira ingenda; no mu nzira ija i Horonayimu ni ho batakira ugutaka kw’ubgihebe. 6Kukw amazi y’i Nimurimu azokama, ubgatsi bgaho buzokwuma, ubgatsi butotahaye bubure, ntihazomera ikintu na kimwe kibisi. 7Ni co kizotuma ibintu bari barīronkeye n’ ivyo bari barabītse babijana ku mugezi w’ibiti vyitwa arabimu. 8Kuk’ ugutaka gukikije ku mbibe z’i Mowabu, amaborogo yaho agashika muri Egulayimu, mber’ ayo maborogo agashika n’i Beri‐elimu. 9Kukw amazi y’i Dimoni yuzuye ibitenga vy’amaraso; kandi nzokwongera guteza i Dimoni ibindi vyago, abacitse b’i Mowabu n’amasigarira y’ico gihugu nzobatēza intambge.

Currently Selected:

Yesaya 15: RUN1967

Highlight

Compare

Copy