Yesaya 14

Imana ica umugani ku mwami w’i Babuloni

1 # 2 Ngo 36:22, 23; Zab 102:13; Zek 1:17; 8:22, 23. Kuk’ Uhoraho azogirira akagongwe aba Yakobo, azosubira gutoranya Abisirayeli, abasubize mu gihugu cabo bgite: kand’ abanyamahanga bazokwifatanya na bo, bamatane n’inzu ya Yakobo. 2#Yes 49:22; 60:14; 61:5.Amahanga azobajana abasubize i wabo, maz’ ab’ inzu ya Isirayeli bazoyatungira mu gihugu c’Uhoraho, yose bayahindure abaja b’abahungu n’abakobga: kand’ abābajana kw inyagano, na bo bazobajana kw inyagano, kandi bazotwara abābahahaza.

3Maze ku musi Uhoraho azokuruhura umubabaro n’amagorwa n’ibikorwa abaguhindagiza bagukoresha, 4#Yes 13:19; Yer 51:13.ni ho uzokwitamba ku muvyimba umwami w’i Babuloni, ut’ Eh’ ukuntu umunyagahahazo aherengeteye, n’amanyama yiwe ukuntu aherengeteye! 5#Yes 9:4.Uhoraho avunnye inkoni y’abanyakibi, ni yo nkoni y’abaganza; 6bākubita amahanga baratse, bakayashishagura badahumeka, amoko bakayaganzisha amanyama n’akadenderezo ata gitabara. 7#Yes 55:12.Isi yose ironse impore, iratekereje; baraturitse bararirimba. 8#Yes 37:24; Ezk 31:16.Mber’ ibiti vy’akajwari birakwishima hejuru, n’ivy’ amasederi vy’i Lebanoni biravuga, bit’ Uhereye aho watsindiwe hasi nta wasubiye kudūga kutwicira. 9#Ezk 32:21.Hasi i kuzimu harashwabadutse kugusanganira; hakanguye abāpfuye kubgawe, ni bo bahambaye bose bo mw isi; havyagurukije abami bose b’amahanga ku ntebe zabo. 10Abo bose bazokubaza, bati Mbega nawe uhindutse umunyantege nke nkatwe? Uhwanye natwe? 11Icubahiro cawe kimanuwe i kuzimu, bo n’amajwi y’inanga zawe; ugaranzuriwe inyo, kand’ inyo nyene ni zo zikwōrōshe. 12Ewe kuntu ukorotse uvuye kw ijuru, wa nyenyeri yo mu rubungubungu we, wa mwana w’umutwenzi! Ewe ingen’ uciwe ugashika hasi, wewe watsinda amahanga! 13#Yer 51:53; Dan 8:10; Mat 11:23.Wari warībariye mu mutima, uti Nzodūga nje mw ijuru, nkuze ingoma yanje isumbe inyenyeri z’Imana; uti Nzovyagira ku musozi w’ikoraniro mu ruhande rw’ impera y’i burārūko; 14#2 Tes 2:4.uti Nzodūga ndenge ah’ ibicu bigarukira; nzoba nk’ Īsumba vyose. 15#Ezk 32:23; Mat 11:23.Yamar’ uzomanurwa, ushike i kuzimu, ushike mu bgigobeko bga rwa rwobo. 16Abazokubona bazoguhanga, bakwitegereze, bati Mbeg’ uyu ni we yahindisha isi agashitsi, agashira ubgami bginshi mu gatengo? 17#Yer 50:33.Ni we yahindura isi nk’ubugaragwa, agakomvomvora ibisagara vyo muri yo, ntarekure abāfashwe mpiri ngo basubire i wabo? 18Abami b’amahanga bose uko bangana basinzirira itiro ry’urupfu mu cubahiro, umwami wese mu ngoro yiwe bgite; 19ariko weho bāgushiburiye kure y’imva yawe nk’inda y’urusoro iteye ishishi, uhagatiwe n’abishwe basogōswe n’inkota, bamanuka baja mu mabuye no muri rwa rwobo; weho umeze nk’umuvyimba basiribanga: 20#Zab 21:10.ntuzohambanwa na bo kuko wagesheje igihugu cawe, ukica abantu bawe; uruvyaro rw’inkozi z’ibibi nta ho ruzokwigera rwibukwa. 21#Kuv 20:5.Ni mwitegure gutōtōra abana biwe kubg’ ukugabitanya kwa ba sekuruza; boye kuvyuka ngo bakevye isi, buzuze isi yose ibisagara. 22#Yob 18:19; Yer 51:62.Nzobahagurukira, ni k’Uhoraho Nyen’ ingabo agize, kandi nzohonnya amazina n’amasigarira, umwana n’umwuzukuru, muri Babuloni, ni k’Uhoraho agize. 23#Yes 34:11.Kandi nzohahindura i wabo w’ibinyogoto, n’ibidengeri vy’amazi; nzohakubūza imyeyerezo yo kugeseza, ni k’Uhoraho Nyen’ ingabo agize.

Uhoraho abūrira Ashuri

24Uhoraho Nyen’ ingabo ararahiye, ati N’ukuri, uko niyumviriye ni ko bizoshika, kand’ uko nagabiye ni ko bizoba: 25#Yes 10:27.nzovunagurira Abashuri mu gihugu canje, kandi nzobasiribangira mu misozi yanje miremire: ni ho ingōgo yiwe izobavako, n’imitwaro yabakorera ibave ku bitugu. 26Iyo ni yo migabo yagīriwe isi yose, kand’ ukwo ni kwo kuboko kwābānguriwe amahanga yose. 27#Imig 19:21; Yer 4:28; Dan 4:35.Uhoraho Nyen’ ingabo kw ari we yabigabiye, ni nde yobihindura? Kand’ ukuboko kwiwe ko kubānguye, ni nde yogupfunya?

Uhoraho abūrira i Bufilisitiya

28 # 2 Abam 16:20. Mu mwaka umwami Ahazi yatanzemwo habayeh’ iyi mbūri.

29Yemwe Bufilisitiya bgose, nta co munezerezwa n’ukw inkoni yabakubita ivunitse; kuko mu gishitsi c’inzoka hagiye kuvamw’ imvuvyi, kand’ uruvyaro rwayo ruzoba inzoka iguruka y’ubumara buturira. 30Maz’ abana b’ imfura b’aboro bazogaburirwa, n’ abakene baryame amahoro; kand’ igishitsi cawe nzocicisha kigoyi, n’amasigarira yawe azokwicwa. 31#Yes 20:1.Wa rembo we, boroga! Nawe gisagara, urire! Bufilisitiya we, iy’ uva ukagera hose, urayaze nk’amavuta, kukw i burārūko havuye umwotsi, kandi nta wusigara yikwega mu ngabo ziwe. 32#Yes 28:16; Zef 3:12.Non’ intumwa z’iryo hanga bazozīshura iki? Bazozīshura, bat’ Uhoraho ni we yashinze Siyoni, kand’ impahazwa zo mu bantu biwe ni ho zizohungira.

Currently Selected:

Yesaya 14: RUN1967

Highlight

Compare

Copy