Abaheburayo 1
1
Icubahiro ca Kristo
1Kera Imana yabaririye ba sogokuruza mu kanwa k’abavugishwa na yo mu bihe vyinshi no mu buryo bginshi, 2#Zab 2:8; Yoh 1:3; Kol 1:16; Mat 21:38.mur’ iyi misi y’iherezo yabaririye twebge mu kanwa k’Umwana wayo, uwo yashiriyeho kuba samuragwa wa vyose, ni we yahaye kurema isi. 3#Zab 110:1; 2 Kor 4:4; Kol 1:15; Mrk 16:19; Heb 9:14, 26.Uwo, kukw ar’ ugukayangana kw’ubgiza bgayo, n’ishusho y’akameremere kayo, kand’ ashigikiza vyose ijambo ry’ubushobozi bgiwe, ahejeje gushirah’ umwuhagiro w’ivyaha, avyagira i buryo bg’icubahiro c’ubgami bgo mw ijuru: 4#Flp 2:9.amaze kuba ūhambaye kurusha abamarayika, nk’ukw izina yarazwe rirengeye ayabo.
Uko Kristo aruta abamarayika
5Ni nde wo mu bamarayika yigeze kubarira,
it’ Ur’ Ubura bganje,
Uyu musi ndakuvyaye?
Kandi
iti Nzoba Se,
Na we azoba Umwana wanje?#Zab 2:7; 2 Sam 7:14; Heb 5:5; Ivyak 13:33.
6 #
Rom 8:29; Zab 97:7. Kand’ ah’ izokwongera kuzana imfura yayo mw isi, it’ Abamarayika b’Imana bose bamusenge. 7Kand’ ivy’ abamarayika yarabivuze,
it’ Ihindura abamarayika bayo imiyaga,
Abasavyi bayo ibahindura imbeya z’umuriro.#Zab 104:4.
8Ariko, ivy’ Umwana wayo yabivuze,
it’ Ingoma yawe, Mana, ihangamye ibihe bidashira,
Icumu ry’ubugabe bgawe n’icumu ry’ūganza atunganye.#Zab 45:6, 7.
9Wakunze ukugororoka, wanka ubugarariji,
Ni co catumye Imana, ni yo Mana yawe, ikurobanuza amavuta y’umunezero, ikakurutisha bagenzi bawe.
10Kandi
iti Ni wewe, Uhoraho, mbere na mbere washizeh’ itanguriro ry’isi,
Kand’ amajuru n’igikorwa c’intoke zawe.#Zab 102:25-27.
11Ivyo bizoshira, ariko weho uzokwamaho;
Ivyo vyose bizosāza nk’impuzu,
12Kand’ uzobizinga nk’umutamana,
Bikūranwe n’ibindi nk’ukw impuzu zikūranywa.
Ariko weho ur’ uko wamye,
Imyaka y’ukubaho kwawe ntizoshira.
13Ariko ni nde wo mu bamarayika yigeze kubarira,
it’ Icara i buryo bganje,
Ushitse aho nzohindurira abansi bawe indava yo musi y’ibirenge vyawe?#Zab 110:1.
14 #
Dan 7:10; Zab 34:7; 91:11. Mbeg’ abamarayika bose s’impwemu ziyikorera, zitumwa gukora igikorwa kubg’ abazoragwa agakiza?
Currently Selected:
Abaheburayo 1: RUN1967
Highlight
Copy
Compare
Share
Want to have your highlights saved across all your devices? Sign up or sign in
Bibliya Yera © Société Biblique du Burundi, 1967
