Kuvayo 37

Besaleli akora isandugu y’isezerano

1 # Kuv 25:10-20. Besaleli abāza isandugu mu giti citwa umushita: uburebure bgayo bg’umurambararo bgar’ amatambge abiri n’igice y’ukuboko uciriye mu nkokora, ubgaguke bgayo bgar’ itambge rimwe n’igice, uburebure bg’igihagararo bgar’ itambge rimwe n’igice nyene. 2Ayomekakw izahabu iramuye imbere n’inyuma, ayikīkūzak’ umuguno w’izahabu impande zose. 3Avugutira izahabu, ayikūramw’ ibigombo bine vyo kuyitērako, abitēra ku maguru yayo ukw ar’ ane, ibigombo bibiri biba ku ruhande rumwe, bindi bibiri biba ku rundi. 4Abāza iminiho mu mushita, ayomekakw izahabu; 5araheza yinjiza iyo miniho yo kurerura iyo sandugu mur’ ivyo bigombo vyo ku mpande zayo. 6Acura n’umutemere wo guhongerako mw izahabu iramuye; uburebure bgawo bg’ umurambararo bgar’ amatambge abiri n’igihimba y’ukuboko uciriye mu nkokora, ubgaguke bgawo bgar’ itambge rimwe n’igihimba. 7Akora abakerubi babiri mw izahabu, mu mitwe yompi y’uwo mutemere wo guhongerako, abakoze mu buryo bgo gucura. 8Umukerubi umwe amukora mu mutwe umwe, uwundi amukora mu wundi; abo bakerubi abashamika kur’ uwo mutemere wo guhongerako mu mitwe yawo yompi, baba kimwe na wo. 9Abo bakerubi bari bashanje amababa hejuru, ayo mababa yabo yar’ akingiye uwo mutemere wo guhongerako, bārarābana; bari bashize amaso kur’ uwo mutemere.

Akora ameza y’imitsima y’ibiterekērwa

10 # Kuv 25:23-29. Maz’ abāza ameza mu giti citwa umushita: uburebure bgayo bg’umurambararo bgar’ amatambge abiri y’ukuboko uciriye mu nkokora, ubgaguke bgayo bgar’ itambge rimwe, uburebure bg’ igihagararo bgar’ itambge rimwe n’igihimba. 11Ayomekakw izahabu iramuye, ayakīkūza umuguno w’izahabu impande zose. 12Ayabāzira ibizingiti vyo kugumya amaguru bikīkūje impande zose, ubgaguke bgavyo bungana n’urushi, abikīkūzak’ umuguno w’izahabu impande zose. 13Avugutira izahabu, ayikūramw’ ibigombo bine vy’ayo meza, abitēra ku nkokora ukw ari zine zo ku maguru yayo ukw ar’ ane. 14Ivyo bigombo vyari hafi ya vya bizingiti, vyar’ ivyo kwinjizamw’ iminiho yo kurerura ayo meza. 15Abāza iminiho mu mushita yo kurerura ameza, ayomekakw izahabu. 16Acura ibintu vyo kur’ ayo meza, amasahani yayo, n’udukombe twayo, n’imibehe n’amakarabo vyayo vyo gusukisha ibiturire ku gicaniro; abicura mw izahabu iramuye.

Acura ico guterekakw amatara

17 # Kuv 25:31-39. Akora ico guterekakw amatara mw izahabu iramuye; ico gitereko cose, hamwe n’intebe yaco n’umutumba waco, cār’ igicurano; ibikombe vyaco, bigizwe bga mapfundo apfundikiyekw amashurwe, vyari bicuriwe kuri co, vyari kimwe na co. 18Cari gifise amashami atandatu mu mbavu zaco: mu ruhande rumwe rw’ico gitereko hār’ amashami atatu, mu rundi ruhande rwaco hāri yandi atatu. 19Ishami rimwe ryari rifise ibikombe bitatu bisa n’amashurwe y’igiti citwa shakedi, igikombe cose cari kigizwe bga pfundo ripfundikiyekw ishurwe; n’irindi shami n’uko: amashami yose ukw ar’ atandatu ashamitse kur’ ico gitereko ni ko yar’ ameze. 20Kand’ umutumba w’ico gitereko warikw ibikombe bine, bisa n’ayo mashurwe ya shakedi nyene; vyari bigizwe bga mapfundo apfundikiyekw amashurwe; 21aho amashami ashamikiye kur’ ico gitereko hose ukw ar’atandatu, hār’ ipfundo ahahera musi aho amashami ahūrira, bicuriwe kuri co, vyari kimwe. 22Amapfundo yaco n’amashami yaco vyari bicuriwe kuri co, vyari kimwe na co: cose hamwe cār’ igicurano gicuzwe mw izahabu iramuye. 23Araheza agicurira amatara ndwi, n’imakasi zaco zo gutunganya urutambi, n’ udusahani two gushirwak’ umunyota warwo, abicuze mw izahabu iramuye. 24Ico gitereko, bo n’ibintu vyaco vyose, yabikoze mw izahabu iramuye, inganya kuriba n’italanto imwe.#37:24 Italanto ni nk’ibilo 55.

Akora igicaniro co kwoserezakw imibavu

25 # Kuv 30:1-5. Abāza igicaniro co kwoserezakw imibavu mu giti citwa umushita; uburebure bgaco bgar’ itambge rimwe ry’ukuboko uciriye mu nkokora, ubgaguke bgar’ itambge rimwe nyene: cangana impande zose; uburebure bgaco bg’igihagararo bgar’ amatambge abiri; amahembe yaco yar’ abāziwe kuri co, yari kimwe na co. 26Acomekakw izahabu iramuye, hejuru kuri co, no mu mbavu zaco impande zose, no ku mahembe yaco; agikīkūzak’ umuguno w’izahabu impande zose. 27Musi y’uwo muguno waco, ahahera mu mbavu zaco zompi, agicurira ibigombo bibiri‐bibiri vy’ izahabu; abitēra mu mpande zaco zompi, biba ivyo kwinjizamw’ iminiho yo kukirerura. 28Abāza iminiho mu giti c’umushita, ayomekakw izahabu.

29 # Kuv 30:23-25, 34, 35. Atunganya amavuta yera yo kurobanuza abahabga ibango, n’ imibavu iroranye y’ibintu bimoga, abikora nk’umuhinga yabimogoreye.

Currently Selected:

Kuvayo 37: RUN1967

Highlight

Copy

Compare